1 Saameeli 18:1 - Kafa Linguistics Project

¹ Saaꞌoolinaa Daawitina yibbaatoon ciichiyeete. Aroyee gubb, Yonaataani Daawitich kashoommi nuuchoon tunehe. Biyoo Daawitin bi kashoona tachiꞌi shunniye.

1 Saameeli 18:1 ပူးပေါင်းရင်းမြစ်များ

Halloo 44:30

“Illa bi bushoon bi kashoona tachii bi shunnii beetoyich, bushoo noonna tookkii wottoon bi qayigaata, ta ne guuno ta nihoo waan wottee ta hamaa,

2 Saameeli 1:26

Ta manoo Yonaataano, ta neech oogeton ayinito taane. Ne taach oogeti aaxxoo neene; ne taan shunnaabeeti shunoo oogeton worganikkitone; maachee shunoyeenona beshiti shunoone.

1 Kiinoo 12:17

Daawitiyoo boonoshina daneya hammiꞌi, boonoshich ishichiye: “Ittoshi waato taan gaacheya diggoyich bi tunegaata, ta mulloon ittoshich immemmo taane. Tunebaani ta etteenaꞌoyich beshiiꞌi taan imoyich waato ittoshi tunegaata, xuꞌo ta kishooch aallo bi tunetoyich, no qaabbechinaꞌochi Nuggishoo ciine; ittoshi toommoochoo nallibe” iye.

Shoddo 86:11

Doono Yeero, neech gibeneyoona ta beeyemmoyich, ne gommon taach dojjibe; mulloon guttiyaanoon neen ta shattemmoyich tuniibe.

Shaahiyoo 18:24

Nuuchoon meechii beeti asho aallemmone; tunebaani manoyee beshe katini shunecho beetone.

Yibbaatoo 13:6

“Ne manoo, ne indee shiyeto woyee ne bushoo woyee ne bushee woyee ne shunnaabeeti ne mechee woyee kashoommi ne nuuchoo, newoo tuneb ne qaabbechinaꞌo goyinnee maddee ariyaani nuggisheenaꞌoyich ne goyinne maddemmoyich tuniiya qaawiree, ‘Ne waataa hamiree bare nuggisheenaꞌoyich goyinne maddebone’ getiree aashoona neen dachemmo tunemmone.

Qolaasiyaasi 2:2

Ta qiiccaabeeto, boonoshi mullo kupphemmonaa shunoona boonoshi ikkottemmonoyich, ceeni shalligoon daneree Yeerichi maacee mooyo tuneti Kiristoosin boonoshi ariyemmoyichiye.

Woraaferasheenaꞌo 20:11

Ebina Israꞌeeleenaꞌo bulli are katemoon kocha, ikke kasho tuneꞌi ikkooch kiceeheete.

1 Saameeli 14:45

Aroochee asheenaꞌo Saaꞌoolich “Israꞌeeleenaꞌoyich ebiyoommi worganikkiti wudoon daniiti Yonaataani iberoon qitiba? Ebi tuneyaache; hanaach ebin bi tuniito, Yeerichi gaachoonane. Ebich beeyechi Doono Yeeri beege! Bi qelli eexoocheenolla ikkee showooch hollaachemmine” iyeete. Ebina asheenaꞌo Yonaataanin qitoochee wodiiheete.

1 Saameeli 18:3

Yonaataani Daawitin bi kashoona tachiꞌi bi shunnitoyich, biinna tookkii wogoon giyiye.

1 Saameeli 19:1

Saaꞌooli Daawitin boonoshi wuxemmoyich, bi bushoo Yonaataaninaa bi naayinaꞌo bullinoyich gettiye. Tunebaani Yonaataani Daawitin oogichiꞌi shunnii beetone.

1 Saameeli 19:2

Yonaataaniyoo Daawitich ishichiye: “Ta nihoo neen wuxiya qaawii beetone. Ebich yaach maadda diqqiyaahine; ikke qere xaaꞌooch aashe arooch beebe.

1 Saameeli 20:17

Yonaataaniyoo Daawitin bi shunoochee tiyitona biich bi wogemmoyich tuniihe. Ebiyoo Daawitin bi kashoona tachiꞌi bi shunnii beetoyichiye.

1 Saameeli 20:8

Illa deꞌe mooyon taach tuniibe; ne guuno taanna tookkaa Doono Yeerina wogoon giyeto neene. Tunebaani gondo taach bi beegaata, ne taan wuxibe; amoyichiye ne nihoo taan wuxemmoyich, beshiiree ne immemmo?” iye.

1 Saameeli 22:8

Ta toommooch ittoshi koceeto ebichiye? Ta hajjee bushoo Iseyi bushoona tookkii wogoon bi gimon taach gettito koniyoona aalloone. Ittoshi daggoochee koniyoona taach aaxxiibeeto aalloone. Hanaach bi tunii beetoommon, ta naayo taan wuxiya ta toommooch bi tiyemmoyich ta bushoo kupphiyoon taach gettito aalloone” iye.

1 Saameeli 23:18

Boonoshi guttiyoo Doono Yeeri aafoochaa wogoon giyiyeete. Daawiti Horeesh echemmona, Yonaataani bi kexooch hammiye.