1 Saameeli 17:26 - Kafa Linguistics Project

²⁶ Daawitiyoo bi gaꞌooch neexeebeeti asheenaꞌon “Ebi Filsixeemoon wuxiꞌi ebi shaahe yeelloon Israꞌeeleenaꞌo toommoochee wokkiimmoyich, amoone ichemmo? Wotta Beeyechi Nuggishoo Yeerichi ginee naayinaꞌon bi miichemmoyich, ebi dokireyaani Filsixeemo, halla konine?” iꞌi echehe.

1 Saameeli 17:26 ပူးပေါင်းရင်းမြစ်များ

2 Taateenaꞌo 19:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naago bullin ne Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

2 Kiinoo 32:17

Senakireebi, Israꞌeelee Nuggishoo Doono Yeerin naagona, “Bare showee asheenaꞌochi nuggisheenaꞌo boonoshi asheenaꞌon ta kishoochee wodiyoon hakkoo boonoshi qayoommon, Hiziqiyaasichi nuggishoo bi asheenaꞌon ta kishoochee wodiyoon hakkaachemmone” iꞌi koorichoon kooriye.

Nehimi 5:9

Daakkaꞌa ishichiyo: “Ittoshi tuniibeeti mooyo gaaweyaanoone; no etteenaꞌo tuneti aageteenaꞌo noon naagaachemmoyich, no Nuggishoon shatona beemo ittoshich qaawiyaache?

Shoddo 44:13

No giyeenaꞌo noon naaggemmoyich, no guudoona beetinaꞌo noon coone congemmoyich tuniihine.

Shoddo 74:18

Doono Yeero, aabichii etto cooqqiriibeeto gaata, mullaalli asheenaꞌo ne shigoon hoxeebeeto gaatoo, ciine.

Shoddo 79:12

Ta Doonocho, no giyeenaꞌo neen boonoshi hoxetoyich, shabaatte kishoon boonoshi toommooch wochibe.

Isiyaasi 37:23

Koniniye ne hoxaa naaggeto? Koni toommoochiye ne goohito? Koni toommoochiye geecoona aafoon ne ciixxeto? Israꞌeelee Yaafoo Yeeri ta toommoochiye.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Erimiyaasi 9:25

Doono Yeeri ishichiye: “Shigoyich baach dokireetinaꞌo bullin ta sheeremmi aabo woyemmone;

Erimiyaasi 9:26

Gibitseenaꞌo, Yihudee asheenaꞌo, Edoomeenaꞌo, Amooneenaꞌo, Moꞌabeenaꞌonaa boonoshi qelloon qebbii beeti, barahooch kotetinaꞌo bullina, ebi aageteenaꞌo bulli ta qaawitoommon dokireyaaneenaꞌone; ebiyoommon wotta Israꞌeelee kechi asheenaꞌo bullichi mulloo dokireyaanoone” iye.

Hiziqeeli 28:10

Ashi showee asheenaꞌochi kishoona dokireyaaneenaꞌo qitoommon qitemmo neene; ta ebin getteto taane, iye Nuggishoo Doono Yeeri’ ” iye.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Daaneeli 6:27

Biyoo shiwehe; wodiihe; showoonaa shimaayoonoochaa worganikkiti malletoonaa gaakkechi shuunoonon shuunehe. Daaneelinoo daahereenaꞌo kishoochee wodiitone” iye.

Daaneeli 9:16

No axaaxee naboonaa no qaabbechinaꞌochi xuꞌee naboona no guudoona beeti bare yoodee asheenaꞌo ne katemoo Yerusaaleminaa ne asheenaꞌonon qallayitinaꞌone. Ta Doonocho, ebich ebiyee aaf ne shuuneti cadiqee shuunoommoona, ne yaafee geppoo tuneti Yerusaalemi toommoochee ne kaaroon wochibe!

Yoꞌeeli 2:19

Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Yibbaatoo 5:26

Meeno taheti ashi daggoochee qaaqqee daggoochaa tuneꞌi beeyechi Nuggishoo Yeeri yibbaatetaa no waayoommon waayeechii, kashoona beemon hakkito, konine?

1 Tasaloonqi 1:9

Ittoshi waan no waahooba, aabichiꞌi noon ittoshi iibbiito gaata hini are asheenaꞌo bulli gettii beetinaꞌone; wotta beeyechonaa ibere Nuggishoonoyich ittoshi maddemmoyich, qitoochee bi tiijjiti bi Bushoo, aroo woyemmi kaaree shiixxoochee noon wodiyemmi Yesuusi, shimaayoochee bi womon ittoshi quyemmoyich, shahalloyich goyinnoochee Yeer waan aabichiꞌi ittoshi wotteto gaata gettii beetinaꞌone.

Yaasi 3:10

boonoshich ishichiye: “Beeyechi Nuggishoo Yeeri ittoshi daggooch bi beemonaa aroo iberoon Kanaaneenaꞌon, Hiteenaꞌon, Hiweenaꞌon, Ferizeenaꞌon, Girigaasheenaꞌon, Amooreenaꞌonaa Yebuseenaꞌonon ittoshi aafoochee yookkemmo bi tunoonon ittoshi ariyemmo, ebinane.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

1 Saameeli 11:2

Tunebaani Amoonee taatoo Nahaashi boonoshich ishichiye: “Ittoshina tookki wogoon ta giyemmo, ebi ikke mooyon deꞌa ittoshi getigaata baachiye. Ebiyoo ittoshi qanne aafoon qoqene kichiree, Israꞌeeleenaꞌo bulli cooneyemmoyich ta tunii gaatane” iye.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.

1 Saameeli 17:10

Are Filsixeemo daakkiꞌi, “Hanaach Israꞌeelee ginee naayinaꞌon miichoye. Eke ikke ashoon ittoshi imaa koyebone” iye.

1 Saameeli 17:30

Aroochee Daawiti bare asheenaꞌo waan guuddiꞌi, are bi echetoommon echehe. Bi echeti asheenaꞌo bulli, shiichiꞌi bi waayetoommon, biich wochiyeete.

1 Saameeli 17:36

Ne guuno ta, daaheroonaa diiboonon wuxito taane. Ebi dokireyaani Filsixeemo beeyechi Nuggishoo Yeerichi ginee naayinaꞌon bi miichetoyich, biyoo boonoshi qitoommon qitemmone.

1 Saameeli 31:4

Saaꞌooli bi quyee naayon “Hini dokireyaaneenaꞌo waaree ta kashoona kaachemminaꞌone; ebiyee ne goraadoon kaaciree, ne taan koye” iye. Tunebaani bi quyee naayo oogichiꞌi bi shattitoyich, ebin tuniyoon qajjiye. Ebich Saaꞌooli bi goraadoon kaacciꞌi aree toommooch taachehe.