1 Saameeli 17:10 - Kafa Linguistics Project

¹⁰ Are Filsixeemo daakkiꞌi, “Hanaach Israꞌeelee ginee naayinaꞌon miichoye. Eke ikke ashoon ittoshi imaa koyebone” iye.

1 Saameeli 17:10 ပူးပေါင်းရင်းမြစ်များ

2 Saameeli 21:21

Ebi uro Israꞌeeleenaꞌon coonehe; Daawiti manoo Shimeꞌi bushoo Yonaataani biin wuxiye.

2 Saameeli 23:9

Keejje ginee anaaminaꞌo daggoochee guttinnoo wotta Ahoohichi yaroo, Doodi bushoo Elazaarine. Israꞌeelee ginee naayinaꞌo gubb shokiichaa, Daawitinaa biinna, koyeya kiceeti Filsixeemeenaꞌona manjii neexeꞌi koyeheete.

2 Taateenaꞌo 19:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naago bullin ne Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

Nehimi 2:19

Tunebaani Horoonee asho Sanbalaxi, iraashoo tuneti Amoonee asho Xobbiyinaa Arabee asho Gesheemina ebin waayeꞌi, noon miiccii cooneheete; qallayiꞌinoo, “Ebi ittoshi tuniibeeti mooyo, amoone? Taatoo toommooch hukkoon shuuneyaniye ittoshi ii beeto?” iyeete.

Shaahiyoo 16:18

Geecoo aallooch bechiye; bi qelloon yeephoo dihooch yaabiye.

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

1 Saameeli 17:11

Saaꞌoolinaa Israꞌeeleenaꞌo bullina ebi Filsixeemee asho gettiton boonoshi waayehooba, oogeton keqqii shattiyeete.

1 Saameeli 17:36

Ne guuno ta, daaheroonaa diiboonon wuxito taane. Ebi dokireyaani Filsixeemo beeyechi Nuggishoo Yeerichi ginee naayinaꞌon bi miichetoyich, biyoo boonoshi qitoommon qitemmone.

1 Saameeli 17:45

Daawitiyoo biich ishichiye: “Ne, goraadoon, giishi ginoonaa ooge ginoonon yechaꞌa ta waan waabeeto neene. Tunebaani ta, ne miicheti, Israꞌeelee ginee naayinaꞌo Nuggishoo tuneti, Beshe Mawe Doono Yeeri shigoona ne waan waabeeto taane.