1 Saameeli 16:7 - Kafa Linguistics Project

⁷ Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.

1 Saameeli 16:7 ပူးပေါင်းရင်းမြစ်များ

Halloo 4:5

Tunebaani Qayeelinaa bi giddiiti buuroonon ciinniꞌi emiraanoone. Ebich Qayeeli oogeton ippehe; bi aafoo shiixxehe.

2 Saameeli 14:25

Malletee gaawoona Abisoloomina tatemmi asho ciroona Israꞌeelee showooch aalloone. Qelloochee tiijjiꞌi baatee yapherooch beddaahaa, bi achooch ikke bacholla aalloone.

2 Saameeli 7:20

Nuggishoo Doono Yeero, ne guuno taan ariyaabeeto ne tunetoyich, illa ebiyee beshe amoon neech geton hakkehote.

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

1 Kiinoo 17:18

“Ne guuno taan ariyaabeeto neene; oogoon taach ne immetoyich, illa ebiyee beshoon amoon neech geton hakkehote!

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

2 Kiinoo 6:30

ne beeyi xaaꞌoo tuneti shimaayoochaa waayebe; maarishoo gete; ashi mulloon ariyaabeeto ne baach ne tunetoyich, bi mulloon ne ariyaabeeti ashich bi shuuni shuunoommon qoce!

Iyoobi 10:4

Ne aafo ashi aafoommone? Ashi ciinoommoniye ne ciinnaabeeto?

Iyoobi 35:5

Ne aafoon kaachiree damba shimaayooch ciine; oogeton wokkiꞌi neyee damba beeti quboon beege.

Shoddo 139:2

Ne, ta timonaa ta kotoonon ariihine; ta gaboo bullin wohoochaa ariihine.

Shoddo 7:9

Gaboonaa mulloonon ariyaabeeti cadiqe Nuggishoocho, gonde asheenaꞌon gonde shuunoon shuunoochee baye; tunebaani cadiqeenaꞌo manji neexemmoyich tuniibe.

Shaahiyoo 15:11

Siꞌooloonaa aallee xaaꞌoona Doono Yeeri aafooch bekkeebeeto bi tunegaata, ashi bushiisheenaꞌo mullo am shaahoon bekkehe!

Shaahiyoo 16:2

Ashich bi gommo bulli xalloo shaahii bekkehe; tunebaani Doono Yeeri mulloon maqqiye.

Shaahiyoo 24:12

“Ebin ta ariyaache” ne getigaata, mulloon haattiibeeto ebin shalligaachehe? Ne kashoon ciinniibeeti aroo ariyaachehe? Asho bullich bi shuuni shuunoommon qocaachehe?

Shaahiyoo 31:30

Malleto kootoone; damee shaawoo duuboone; tunebaani Doono Yeerin shattaabeeti maachee galleteetine.

Erimiyaasi 11:20

Mulloonaa eengoonon haattiibeeti, kaachiinoo nalliibeeti Beshe Mawe Doono Yeero, ta mooyon neech arichiiho; boonoshi toommooch ne gaaccemmi nichoon beegone.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 20:12

Cadiqe ashoon phiree beeggaabeeti, mulloonaa gaboonon ciinnaabeeti, Beshe Mawe Doono Yeero! Ta taggoon neech ta waayiitoyich boonoshi toommooch nichoon ne kichoon beegone.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Yowannisi 7:24

Kaachiree nallibotalli ashi aafoon ciiniree nalliyaahote” iye.

Yowannisi 8:15

Ittoshich ashi gaboommon nalliyote; ta, ta qelloona koni toommoochona nallaache.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

2 Qorontoosi 10:10

Ikkikkeenaꞌo “Phawuloosi kooriibeeti koorichoo maggoonaa giidechonane; tunebaani aroo no waan bi beehooba giidaalloone; bi yibbaatoo qallayeetone” ii beetinaꞌone.

2 Qorontoosi 10:7

Ittoshi aafooch bekkee beeton baachiye ittoshi ciinniibeeto; koniyoona Kiristoosicho bi tunoon iberiito bi tunegaata, aroo Kiristoosicho bi tunoommon, nowoo wotta Kiristoosicho no tunoon wochi bi qelloona gabibe.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

1 Pheexiroosi 2:4

Ashi waanaa hoxetaa duppeti, tunetaa Yeer waanaa kaacheti kashechi aaxxe xaqqoommi Yesuus Kiristoos waan giddemmo ittoshine.

1 Pheexiroosi 3:4

Tunebaani Yeeri aafooch bi gatiyoo oogeton aaxxoo tuneti maacaa mashaamiti ashoon tunebote. Gaꞌi deꞌoonaa gaawe shuriyechonon tuneree aalleyaani malletoon qaawibote.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.

1 Saameeli 9:2

Biichoo Saaꞌooli getteebeeti, mallet gaawe gurimaashe bushoo beetone. Israꞌeeleenaꞌo daggooch biinoommi mallet gaawe asho aalloone. Saaꞌooli neex genjoone; asho bulli bi gogoyee deshiye bi beeto.