1 Saameeli 16:1 - Kafa Linguistics Project

¹ Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 16:1 ပူးပေါင်းရင်းမြစ်များ

2 Taateenaꞌo 9:1

Keemechi Elisayi keemechinaꞌochi guuphi daggoochee ikkoon ceeggiꞌi ishichiye: “Ne shimetoon cuyebe; hini qiicooch beeti zayitoon yeshiree, Gilaadee showooch beeti Ramoot hambe.

2 Taateenaꞌo 9:3

Aroochee qiicoon daami zayitoon bi shimbooch ukkiichi, ‘Doono Yeeri, “Israꞌeelee taatoo ne tunemmoyich neen huutteto taane” itone’ gete. Aroochee kelloon qechiree woce; arooch yagiyaahine” iye.

2 Taateenaꞌo 9:6

Ebich tiyiꞌi kexooch hammiye. Ebi gurimaashoo zayitoon Yehichi shimbooch ukkiichii biich, “Israꞌeelee Nuggishoo Doono Yeeri ishichiye: ‘Doono Yeeri, ta asheenaꞌo tuneti Israꞌeeleenaꞌo toommooch ne taatemmoyich neen huutteto taane.

1 Kiinoo 11:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Daawitiyoo Kebiroonaa Doono Yeeri aafoochaa boonoshina tookkii wogoon giyiye. Doono Yeeri Saameelina bi gettitoommon boonoshiyoo Daawitichi shimbooch zayitoon huuttiꞌi, Israꞌeelee showooch biin taatiiheete.

1 Kiinoo 28:4

“Israꞌeelee Nuggishoo Doono Yeeri ta yaroo bulliichee Israꞌeeleenaꞌo toommooch bulli yemeenoon no taatemmoyich taannaa ta shiijjeroonon kaaccitone. Yihudin iraashoo bi tunemmoyich kaacciye. Yihudi yaroochee ta nihoochi kechi asheenaꞌon kaacciye. Ta nihoochi bushiishoochee Israꞌeelee showoo bulliich taan taatiyoyich shunniye.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Erimiyaasi 11:14

“Newoo ebi asheenaꞌoyich corootiyaahine; boonoshi iritooba ta waan boonoshi corootigaata, waayeyaachemmo ta tunetoyich, boonoshi naboyich cookiyaahine, corootishoo gettaahine.

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 6:30

Doono Yeeri boonoshin bi qajjitoyich Duppeti Birewoo getaa ceekkemminaꞌone” iye.

Erimiyaasi 7:16

“Erimiyaaso, boonoshich ne corootiibeeti corootoon waayeyaachemmo ta tunetoyich, hini asheenaꞌoyich ta waan corootiyaahine; ne qaaroon oogichi cookiree boonoshich qolleyaahine; boonoshin shoobba giyaahine.

Zakaariyaasi 4:14

Biyoo taach “Eboshi showoo bullichi Doonoyich maddeya huutteeti gutte asheenaꞌone” iye.

Roomi 15:12

Wochinnoon wotta keemechi Isiyaasi, “Iseyi yaroo woyemmone; Aageteenaꞌonoo hajjiya tiyemmone; boonoshiyoo biin gibenemminaꞌone” iye.

Hibireena'o 11:32

Illa ama getote? Geediyoonichon, Baraaqichon, Samsoonichon, Yofitaahichon, Daawitichonaa Saameelichonon, keemechinaꞌochonoo, and gettaa ciichoon hakkaache.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.

1 Saameeli 15:23

Hukkoon shuuno kaayee axaaxoon shuunoommone; babberittinoo shahalloyich goyinnoommi gonde mooyone. Ne, Doono Yeerichi getoon ne qajjetoyich, biyoo taatoo ne tuneyaachemmoyich neen qajjitone” iye.

1 Saameeli 15:26

Saameeliyoo wochiꞌi, “Neenna tookki wotteyaache. Doono Yeerichi getoon ne qajjetoyich, Doono Yeeri Israꞌeelee taatoo ne tuneyaachemmoyich neen qajjitone” iye.

1 Saameeli 15:35

Saameeliyoo bi qitimmi wottoon Saaꞌoolina wochinnoon daneyaanoone. Biyoo Saaꞌoolich eeppiye. Doono Yeeriyoo Saaꞌoolin Israꞌeelee taatoo bi tuniitoyich ayiniye.

1 Saameeli 16:15

Bi naayinaꞌo biich ishichiyeete: “Ebiyoche, gonde ayaanoon Yeeri deejjaa, neen xuuxii beetone.

1 Saameeli 16:23

Aroobee aaboochee tiijjiꞌi, Yeeri deejjiti gonde ayaano Saaꞌooli toommooch bi waagaata, Daawiti bi ooge ximboon deebiꞌi yexxii kaachii beehe. Ebina Saaꞌooli achooch gaawee beehe; gonde ayaanoo bi waanee wokkii beehe.

1 Saameeli 17:12

Daawitiyoo Yihudee showooch, Beetilehem beeti Efiraatee asho Iseyi bushoone. Iseyich shimitte anaami bushiishoo beetone. Biyoo Saaꞌoolichi taatittinee yemeenooba geenee baayetone.

1 Saameeli 9:16

“Yaach ebi saatooch Biiniyaamee showoochee tuneti ikke uroon ne waan deejjemmo taane. Ta asheenaꞌo tuneti Israꞌeeleenaꞌo toommooch iraashoo bi tunemmoyich, bi shimbooch zayitoon huute. Biyoo ta asheenaꞌon Filsixeemeenaꞌo kishoochee wodiyemmone. Ta asheenaꞌochi xuuxoon beeggeto taane; boonoshin ta gaachemmoyich boonoshi cookiibeeti cookoon waayeto taane” itone.