1 Saameeli 15:22 - Kafa Linguistics Project

²² Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.

1 Saameeli 15:22 ပူးပေါင်းရင်းမြစ်များ

Halloo 4:4

Abeeliyoo wotta bi bageenaꞌo daggoochee awuyonaa shiichii shiijjetonon guuriꞌi Doono Yeerich deejjiye. Doono Yeeriyoo Abeelinaa bi giddiiti deejjoonon ciinniꞌi emiriye.

Keyo 19:5

Showee toommooch beeti aagetoo bulli taachone; tunebaani aagetoo bulliyee taach shucheti, ta hajjee asho tunemmo ittoshine. Ebiyoo manjiyaꞌa taach deꞌa ittoshi getigaata, ta wogoonoo ittoshi quyegaatane.

Shaahiyoo 21:3

Kaamoonaa tatoona tuneti mooyon tuniyoo, deejjoon deejjoyee beshoon Doono Yeerin emirikkiye.

Dojjecho 5:1

Yeerichi kexooch ne giyaa beegaata, ne qelloon ariibe; waayoyich giddo mullaalleenaꞌo giddiibeeti deejjoyee beshoone. Ebi mullaalleenaꞌo boonoshi tuniibeeto gondo bi tunoonolla ariyaaneenaꞌone.

Erimiyaasi 11:4

ebiyoo boonoshi qaabbechinaꞌon Gibitsee, xuuroo wocciibeeti gemmoochee ta kichiyooba, “Ta qaaroon waayebote; ittoshich ta getteto bullin tuniibote; ebi tunegaata, ittoshi ta ashoon tunemmo ittoshine; tawoo ittoshi Nuggishoo tunemmo taane” iyaꞌa ta gettetone.

Erimiyaasi 11:7

ittoshi qaabbechinaꞌon Gibitsee ta kichitoochee tiijjii hanaach beddaahaa “Taach deꞌa getote” iyaꞌa wochii wochii kupphii gettehoye;

Erimiyaasi 26:13

Andoo ittoshi gommonaa ittoshi shuunoonon gaawichibote; ittoshi Nuggishoo Doono Yeerichi qaaroon waayebote; Doono Yeeri ittoshi toommooch tuniiya bi iti gonde mooyon qajjemmone.

Hosee'i 6:6

Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Maatiyoosi 12:7

Wotta Yeeri ‘Deejjoyee ariqqoon shunnoye’ bi ito ama geto gaata bi tunoon ittoshi ariito gaata, axaaxoon shuuneyaaneenaꞌo toommooch nallaachesho ittoshine.

Maatiyoosi 23:23

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Kefoo, aaꞌaafoonaa kamuunonoochee asraatoon Yeerich kichiyote; tunebaani sheeree daggooch beeti beshe mooyon qajjitote; ebiyoo tachii nalloo, ashich ariqqeꞌi maaroonaa gibeneeto tunoonane. Are Yeerich ittoshi kichii beeton qayaanoon, eboshinoo wotta tuniiya bedo ittoshine.

Maatiyoosi 5:24

are deejjee gudee aafooch deejjoon gediichi shiichi hamiree biinna tookki shunebe; ebiyee gubb wotteree ne deejjoon Yeerich giddiibe.

Maatiyoosi 9:13

Hambote, Yeeri ‘Deejjoyee ariqqoon shunnoye’ bi ito ama geto gaata ariibote. Axaaxechinaꞌonalli cadiqeenaꞌon ceegoyich waataano taane” iye.

Maariqoosi 12:33

Ebich asho ceeni bi mulloona, ceeni bi shalligoona, ceeni bi giidoona Yeerin shunonaa biinoommi bi manoon biinna tachiꞌi shunona micciibeeti deejjoonaa meeti bare deejjeenaꞌo bullinon Yeerich deejjoyee beshoone” iye.

1 Saameeli 13:12

Tawoo ‘Filsixeemee asheenaꞌo hiniich, Galigala waaree taan kochemminaꞌone’ iyaꞌa shattoye. Doono Yeeri gaawe aafoona taan bi ciinnemmoyich qolleyaano ta tunetoyich, deejjoon giddiyoo taach echeyaani mooyo tunehe” iye.

1 Saameeli 13:13

Saameeliyoo Saaꞌoolich ishichiye: “Tun bedaani mooyoniye ne tuniito. Ne tuniyemmoyich ne Nuggishoo Doono Yeeri gettiti getoon tuniyaano neene. Ebin ne tuniito gaata, Doono Yeeri ne shiijjeroo Israꞌeeleenaꞌo toommooch bulli yemeenoon bi taatemmoyich tuniyeshone.