1 Saameeli 13:5 - Kafa Linguistics Project

⁵ Filsixeemeenaꞌo shaashe hume gaarin yechiꞌi, shiritte hume hareshechinaꞌonaa baharee gasheexi qacoochoommon woddeti ginee naayinaꞌonon tuneꞌi, Israꞌeeleenaꞌon kocha kiceeheete. Boonoshiyoo Beet Aweenaa aabi-keyo waan beeti Mikimaash kaamboon geddiꞌi koteheete.

1 Saameeli 13:5 ပူးပေါင်းရင်းမြစ်များ

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

2 Saameeli 17:11

“Ebich ta boyemmo ebiniye: Daanee Beershaab beddaahaa beeti, baharee gasheexi qacoommon woddeti Israꞌeeleenaꞌo bulli ne waan kiceebeete. Ne qelloona newoo, boonoshina tookki koyooch hambe.

1 Taateenaꞌo 20:27

Israꞌeeleenaꞌoo kiceeheete; qaawiibeeti mooyo boonoshich ichetaa, koyeya kechiyeete. Israꞌeeleenaꞌo gishiishi, gutte emmishee gotochoommon tuneꞌi, boonoshi ciinooch koteheete. Tunebaani Sooriyeenaꞌo showoona mashiritinaꞌone.

2 Kiinoo 1:9

Nuggishoo Doono Yeero, ta nihoo Daawitich ne gibenikkiti gibenoon ceechibe. Showee toommeexi qacoochoommon woddeti asheenaꞌo toommooch taan taatiito neene.

Isiyaasi 10:28

Etteenaꞌo Ayaatin yechiyeete; Migiroonina besheheete; boonoshi qiicoonoo Mikimaash kotiiheete.

Isiyaasi 48:19

Ne shiijjeroo haddaa ciireyaani, baharee gasheexi qacoommon tuneshone; boonoshi shigo ciroona ta aafoochee, kuxeree aalleyaacheshone” iye.

Erimiyaasi 15:8

Ittoshi xuumeenaꞌochi haddoon, bahareexi qacoyee bi beshemmoyich tuniihoye; gurimaasheenaꞌochi indeenaꞌo waan aalliyechon aabe tukkehaa deeboye; ayinoonaa keqqoonon diqqoona boonoshi toommooch deeboye.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Hosee'i 5:8

“Gibaahaa tiroon (waaringoon), Raamaa shametoon hugote! Beet Aweenaa, ‘Biiniyaamo, ne hillooch shaggitinaꞌone’ getibee bunnebote!

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

Yaasi 11:4

Eboshiyoo, boonoshi ginechinaꞌo bullina tookkii haddoona meeti haresheenaꞌonaa gaarinaꞌonon yechiꞌi kechiyeete. Boonoshi ginechinaꞌo, haddaa ciyaani baharee gasheexi qacoomminaꞌone.

Yaasi 18:12

Dambi-waani boonoshi daaro Yoordaanoosee tiijjiꞌi, Yaarikaa dambi-waani deshee dambooch shaggii, aabi-gimo waan beeti geppe showoona beshee Beet Aweeni barahooch neexehe.

Yaasi 7:2

Yaasi “Hamiree showoon qiidote” iꞌi Beeteelaa aabi-keyo waan beeti, Beet Aweeni gaꞌooch beeti Aayi katemooch asheenaꞌon Yaarikee wochee daachiihe. Ebina asheenaꞌo kechii Aayin qiiddiyeete.

Woraaferasheenaꞌo 7:12

Gechoommon dofeenaꞌo tuneti Miidiyameenaꞌo, Amaleeqeenaꞌonaa aabi-keyo waani asheenaꞌo bullina are bambooch beetinaꞌone. Boonoshi gaaleenaꞌochi haddoo baharee gasheexi qacoochoommon haddaa ciyaanoone.

1 Saameeli 13:11

Saameeliyoo “Ebi ne shuuneto, amoone?” iye. Saaꞌooliyoo ishichiꞌi wochiye: “Ginee naayinaꞌo taan duppii shaceheete; newoo ne taajjeti aabooba womon qajjehine; wotta Filsixeemeenaꞌo Mikimaash kiceeheete.

1 Saameeli 13:2

keejje hume asheenaꞌon Israꞌeeleenaꞌo daggoochee kaacciye. Gutte humeenaꞌo Saaꞌoolina tookkii Mikimaashinaa geppechi Beeteelinooch tunemmona, ikke humeenaꞌo wotta Yonaataanina tookkii Biiniyaamee showooch beeti Gibaaha beeheete. Echeti asheenaꞌon Saaꞌooli boonoshi ikkikkoona boonoshi kexooch boonoshi wottemmoyich tuniihe.

1 Saameeli 14:23

Asheenaꞌo Beet Aweenin boonoshi beshemmi wottoon kochiyeete. Arooba Doono Yeeri Israꞌeeleenaꞌon wodiihe.

1 Saameeli 14:52

Saaꞌooli kashoona bi beeti yemeeno bullin Filsixeemeenaꞌona kupphe ginoon koyee beehe. Ebich Saaꞌooli giidecho tuneti woyee ginee anaamo tuneti ashoon bi danegaata, daammii bi ginee naayinaꞌo daggooch geddii beehe.

1 Saameeli 17:1

Filsixeemeenaꞌo gino koyeya boonoshi ginee naayinaꞌon Yihudee showooch beeti Sokooha kiciyeete. Boonoshiyoo Sokoohinaa Azeqina daggooch beeti, Efes Damiim kaamboon geddiꞌi koteheete.

1 Saameeli 7:13

Ebina Filsixeemeenaꞌo hakkoo guuteeheete. Aroyee gubb wochinnoon Israꞌeeleenaꞌo showooch shagaaneenaꞌone. Saameeli kashoona bi beeti yemeeno bullin Doono Yeeri bi giidoon Filsixeemeenaꞌo toommooch bekkiihe.