1 Saameeli 13:2 - Kafa Linguistics Project

² keejje hume asheenaꞌon Israꞌeeleenaꞌo daggoochee kaacciye. Gutte humeenaꞌo Saaꞌoolina tookkii Mikimaashinaa geppechi Beeteelinooch tunemmona, ikke humeenaꞌo wotta Yonaataanina tookkii Biiniyaamee showooch beeti Gibaaha beeheete. Echeti asheenaꞌon Saaꞌooli boonoshi ikkikkoona boonoshi kexooch boonoshi wottemmoyich tuniihe.

1 Saameeli 13:2 ပူးပေါင်းရင်းမြစ်များ

2 Saameeli 20:1

Arooba Bikiri bushoo, Sheebi getteebeeti ikke gaacaalli Biiniyaamee asho arooch beehe. Biyoo tiroon (waaringoon) huggiꞌi ishichiye: “Daawit waanee nooch qoodoo aalloone, Iseyi bushoo waanee nooch danemmi mooyo aalloone; Israꞌeeleenaꞌote, ittoshi kexi kexooch wottebote” iye.

2 Saameeli 21:6

are uroochi shiijjeroochee shabaatte anaami bushiisheenaꞌo nooch beshiitaa ichebeete. Nowoo boonoshin Doono Yeeri aafooch, Doono Yeeri kaacciti taatoo Saaꞌooli beeyi katemoo tuneti Gibaahaa yoodone” iyeete. Taatoo “Tunebe; boonoshin ittoshich beshiiree immemmo taane” iye.

2 Saameeli 23:29

Nexoofechi Banaahi bushoo Heleebi, Biiniyaamee showooch beeti Gibaahee asho Ribayi bushoo Itayi,

Iziri 2:27

Mikimaashee asheenaꞌoochee balli hiyaa guttoo;

Nehimi 11:31

Biiniyaami yoodee asheenaꞌo Geebee tiijjiꞌi, Mikimaash, Ayaahi, Beeteelinaa bi guudoona beeti gafoonooch,

Yaasi 22:6

Yaasi daakkiꞌi boonoshich ishichiye: “Wodde gijjoon, ebiyoo oogeti meeti miimon, birewoonaa aachoonon, gooshoonaa xuuroonon, wodde tahoonoo yeshiree wottebote. No etteenaꞌo waanee daneti kecoon ittoshi maneenaꞌona tookki qoodeebote” iye. Aroochee boonoshin diiriꞌi daachiihe. Boonoshiyoo boonoshi kexooch wotteheete. Muusi Minaasi yoodoochee qatinaꞌoyich Bashaanee showooch boonoshi hajjoo tuneti showoon immitone. Echeti qatinaꞌoyich wotta, Yaasi Yoordaanoosi aacoochaa aabi-gimo waani showoochee boonoshi maneenaꞌona tookkii boonoshi hajjoo tuniiꞌi immitone.

Woraaferasheenaꞌo 19:12

Tunebaani bi doono bi aafee bushoyich “Israꞌeeleenaꞌo tuneyaani bare asheenaꞌochi katemooch giyaachone. Besheree Gibaahi katemooch hambone” iye.

1 Saameeli 10:26

Saaꞌooliyoo bi kexooch, Gibaaha hammiye. Yeeri boonoshi mulloon shuurikkiti, giidechi ginee naayinaꞌo biin dabbii hammiyeete.

1 Saameeli 10:5

“Aroyee gubb, Filsixeemee ginee kaambo beeti, Yeerichi geppooch, Gibaaha shaggemmo neene. Aroochee katemooch shagiichi, ooge ximboon, giishi ximboon, kamboonaa shumburoonon yechiꞌi, keemmiibee guudi toommeexi goyinnee xaaꞌoochee kindiibeeti, ikke guuphi keemechinaꞌona danemmo neene.

1 Saameeli 13:1

Saaꞌooliyoo Israꞌeelee showooch gutte naton bi taatetoyee gubb,

1 Saameeli 13:11

Saameeliyoo “Ebi ne shuuneto, amoone?” iye. Saaꞌooliyoo ishichiꞌi wochiye: “Ginee naayinaꞌo taan duppii shaceheete; newoo ne taajjeti aabooba womon qajjehine; wotta Filsixeemeenaꞌo Mikimaash kiceeheete.

1 Saameeli 13:15

Aroochee Saameeli Galigalee tiyiꞌi bi gommon hammiye. Saaꞌooli bi ginee naayinaꞌona yesheya bi hammii beetaa, echeti asheenaꞌo biin dabbiyeete. Boonoshiyoo Galigalee tiyiꞌi Biiniyaamee showooch beeti Gibaaha hammiyeete. Saaꞌooliyoo biinna tookkii beeti asheenaꞌon haddiye. Boonoshiyoo shiritte balli bede asheenaꞌon tuneheete.

1 Saameeli 13:16

Saaꞌooli, bi bushoo Yonaataaninaa boonoshina tookkii beeti asheenaꞌona Biiniyaamee showooch beeti Geeba beeheete. Tunebaani Filsixeemee ginee naayinaꞌo kaamboon geddiꞌi boonoshi koteto, Mikimaashiye.

1 Saameeli 13:23

Areegaata ikke kuxi Filsixeemee ginee naayo Mikimaash waan daammiibeeti kaattooch hammiye.

1 Saameeli 13:5

Filsixeemeenaꞌo shaashe hume gaarin yechiꞌi, shiritte hume hareshechinaꞌonaa baharee gasheexi qacoochoommon woddeti ginee naayinaꞌonon tuneꞌi, Israꞌeeleenaꞌon kocha kiceeheete. Boonoshiyoo Beet Aweenaa aabi-keyo waan beeti Mikimaash kaamboon geddiꞌi koteheete.

1 Saameeli 14:31

Arooba Israꞌeeleenaꞌo Filsixeemeenaꞌon Mikimaashee tiijjiꞌi, Ayaloon beddaahaa dabbii wuxiyeete. Aroochee Israꞌeeleenaꞌo shaacoona oogeton maraateheete.

1 Saameeli 14:5

Ebi kaarechi xaqqeenaꞌoochee ikkoo neexeto dambi-waan, Mikimaashi ciinooch tunemmona, ohe baroo wotta deshi-waan, Geebi ciinoochiye.

1 Saameeli 14:52

Saaꞌooli kashoona bi beeti yemeeno bullin Filsixeemeenaꞌona kupphe ginoon koyee beehe. Ebich Saaꞌooli giidecho tuneti woyee ginee anaamo tuneti ashoon bi danegaata, daammii bi ginee naayinaꞌo daggooch geddii beehe.

1 Saameeli 15:34

Aroochee Saameeli Raama hammiye. Saaꞌooliyoo Gibaaha beeti bi kexooch wottehe.

1 Saameeli 24:3

Saaꞌooliyoo gommi gashooch beeti bagee dogooch shaggiichii, ikke xaqqee gofoon daneꞌi, kubboon kubbeya arooch giyiye. Areegaata Daawitinaa bi asheenaꞌona are xaqqee gofee maaci duꞌooch aasheꞌi beetinaꞌone.

1 Saameeli 26:2

Ebina Saaꞌooli tiyii, Israꞌeeleenaꞌo daggoochee aricheti keejje hume asheenaꞌon yechiꞌi, Daawitin qaawooch desh Ziifi barahooch hammiye.

1 Saameeli 8:11

ishichiinoo iye: “Ittoshi toommooch taatemmi taatoo bi tuniyemmi mooyo ebine: Ittoshi anaami bushiishoon daamiree, gaarinaa hareshoona ginee koyechinaꞌon tuniyemmone; bi gaari aafooch woccii beetinaꞌonoo tuniyemmone;