1 Saameeli 13:18 - Kafa Linguistics Project

¹⁸ Bare kuxo Beet Horoon waan guuddimmona, wotta bare kuxo Seboyimi bambee ciinooch beeti yeshe geppeenaꞌo waan guuddiye.

1 Saameeli 13:18 ပူးပေါင်းရင်းမြစ်များ

Halloo 10:19

Boonoshi shaceto, Kanaanichi daaro Sidoonee tiijjiꞌi, Geraaree showoo waan Gaaza beddaahaane; aroocheenoo Sodoomi, Gomoori, Adiiminaa Tseboyimina waan, Laash beddaahaane.

1 Kiinoo 6:68

Yoqimeꞌami, Beet Horooni,

2 Kiinoo 8:5

Wotta Dambee Beet Horooninaa Deshi Beet Horooninooch uxeroo, shaaqqoonaa tuggoona beeti manje katemeenaꞌon shuuniihe.

Nehimi 11:34

Hadiid, Seboyimi, Nebalaat,

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Yaasi 10:10

Doono Yeeriyoo Amooree ginechinaꞌon Israꞌeeleenaꞌo aafoochee betiihe. Israꞌeeleenaꞌo Gibeꞌoonaa boonoshin wuxii ciichiyeete. Beet Horooni katemooch daammiibeeti, geppechi gommi deshee damboon yookkii dabbiyeete. Azeqinaa Maqidinooch beddaahaa, boonoshin yookkii dabbii wuxiyeete.

Yaasi 10:11

Israꞌeeleenaꞌo aafoochee boonoshi wocee beetaa, Beet Horooni katemoochee Azeqi dugillooch daammiibeeti, geppechi gommoochaa Doono Yeeri xaqqoommi giidechi baderoon shimaayoochee boonoshi toommooch kindiihe; boonoshiyoo qitiyeete. Israꞌeeleenaꞌo goraadoona wuxitinaꞌoyee baderoo wuxitinaꞌo besheenaꞌone.

Yaasi 16:3

Aroochee aabi-gimo waanaa dugilla Yafileteenaꞌo showoo beeti, Deshi Beet Horoonee showooch beddiꞌi, Gezeeri katemooch shaggii, Meditiraanee baharooch neexehe.

Yaasi 16:5

Efreemee asheenaꞌo boonoshi yari yaroona boonoshich icheti showoo ebine: Boonoshi showee daaro aabi-keyo waanaa Axaroot Adaari katemoochee tiijjiꞌi, Dambee Beet Horoonee showooch shaggii,

1 Saameeli 14:15

Keqqoo ginee naayinaꞌo daggooch, goyee xaaꞌoonaa asheenaꞌo bulli daggoonooch tunehe. Kaambooch beeti ginee naayinaꞌonaa koyi aalliiya kechitinaꞌona qeweheete. Showeyoo qewahan. Ebi keqqoo Yeer waanee waati keqqoone.