1 Saameeli 13:13 - Kafa Linguistics Project

¹³ Saameeliyoo Saaꞌoolich ishichiye: “Tun bedaani mooyoniye ne tuniito. Ne tuniyemmoyich ne Nuggishoo Doono Yeeri gettiti getoon tuniyaano neene. Ebin ne tuniito gaata, Doono Yeeri ne shiijjeroo Israꞌeeleenaꞌo toommooch bulli yemeenoon bi taatemmoyich tuniyeshone.

1 Saameeli 13:13 ပူးပေါင်းရင်းမြစ်များ

Halloo 31:28

Ta maache bushiishoonaa boonoshi bushiishoonon shumi diggiiree ta deennemmoyich, amoyich bajjenne? Ebi ne shuuneti shuunoo tate shuunoo toonoone.

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

1 Taateenaꞌo 18:18

Eliyaasi wochiꞌi, “Israꞌeeleenaꞌon duꞌiyaabeeto, neennaa ne nihoochi kechi asheenaꞌonani, ta toono taane. Doono Yeerichi getoon qajjiyote; Baꞌaaleenaꞌonoo dabbiyote.

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

1 Kiinoo 10:13

Saaꞌooli Doono Yeerich gibeneyoo bi qajjitoyich qitiye. Doono Yeerichi getoon ceechaanoone. Beshoonoo qititi ashoona yibbaatee beeti waanee ciicoon qaawiye.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

Iyoobi 34:18

Taatoon ‘Gaacaallo neene,’ iraasheenaꞌonoo ‘Gondo ittoshine,’ geton hakkiibeeto bi toone?

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Shaahiyoo 19:3

Asho bi beemon tuushoona duubiichii, bi mulloona Doono Yeerin gondiihe.

Isiyaasi 39:5

Aroochee Isiyaasi Hiziqiyaasich “Beshe Mawe Doono Yeerichi qaaroon waayebe.

Erimiyaasi 18:10

ta qaaroonoo waayo qajjiꞌi, gonde mooyon bi tuniigaata, tuniyoyich ta getteti gaawe mooyon tuniyaachemmo taane.

1 Saameeli 1:22

Tunebaani Haanni bi kenoyich “Bushoo xano bi kuxxitoyee gubb, daamiree Doono Yeeri aafooch giddiyemmi taane. Biyoo echeti bi yemeeno bullin arooch beeyemmone” iyan. Ebich hamaaneene.

1 Saameeli 13:12

Tawoo ‘Filsixeemee asheenaꞌo hiniich, Galigala waaree taan kochemminaꞌone’ iyaꞌa shattoye. Doono Yeeri gaawe aafoona taan bi ciinnemmoyich qolleyaano ta tunetoyich, deejjoon giddiyoo taach echeyaani mooyo tunehe” iye.

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.

1 Saameeli 15:28

Saameeliyoo ishichiye: “Doono Yeeri Israꞌeeleenaꞌochi taatittinoon hanaach ne waanee keexxiꞌi, neyee besho tuneti bare ashich immitone.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 26:21

Saaꞌooliyoo “Gondeto taane. Ta bushoo Daawito, wottebe; hanaach ta kashe ne aafoochaa aaxxe tunaꞌa bekketine. Ebich ebiyee damba ne toommooch gonde mooyon tuniyaachemmo taane. Tuushe ashi shuunoon shuuneto taane. Oogichaꞌa muricceto taane” iye.