1 Saameeli 12:3 - Kafa Linguistics Project

³ And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.

1 Saameeli 12:3 ပူးပေါင်းရင်းမြစ်များ

2 Saameeli 22:22

Ebiyoo Doono Yeerichi gommon ta dabbitoyichiye; gondoon shuunoona Yeer waanee gubb wotteyaano ta tunetoyichiye.

Nehimi 5:11

Ittoshi deqqiti boonoshi showoon, woyinee goyoon, zayitee mixonaa kexonon wochibote; wotta gijjoochee, maayoochee, woyinee uyoonaa zayitoonoochee ittoshi qochiibee echeti shimon and wochibote” iyo.

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Keyo 23:8

“Xucco kaachii ciinniibeeti ashi aafoon daayii beetone; kaame asheenaꞌochi nalloon xummii beetone; ebich xuccoon maayaahine.

Shaahiyoo 15:27

Tateyaani gommona gaacoon danoyich hiriggiibeeto, bi kechi ashoon xuuxooch geddiye; tunebaani xuccoon shixxiibeeto, kashoona beeyemmone.

Leweenaꞌo 6:4

axaaxoon shuunoona xuꞌecho bi tunegaata, boggii bi deqqiton, dawushii bi deqqiton woyee adero bi maaton, aalletaa bi daneti qiicoon,

Leweenaꞌo 6:5

woyee kootoon wogeꞌi bi deqqiti qiico aabinona wochibe. Xuꞌee deejjoon bi giddiihooba, ebi qiico bullin, wotta bi toommooch qiicee uuche kishoochee ikkoon daakkiree, qiicee doonoyich wochibe.

Haddoo 16:15

Muusiyoo oogichii ippehe; Doono Yeerichoo ishichiye: “Boonoshi deejjoon deqqaahine. Ikke kuroonona, boonoshi waanee deꞌaano taane; boonoshi daggoochee ikkoonolla xuꞌaano taane” iye.

Maatiyoosi 22:21

Boonoshiyoo “Qesaarichone” iyeete. Yesuusiyoo “Ishigaata, Qesaarichon Qesaarich, Yeerichonoo Yeerich imbote” iye.

Luqaasi 19:8

Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.

Mishiraachechinaꞌo 20:33

Ta konichi birewoon woyee aachoon woyee tahoon qaataano taane;

2 Qorontoosi 12:14

Illa ittoshi waan keejjinnoon womoyich qannito taane; ittoshi toommooch shaago tunoon qaawaache. Ta qaawaabeeto ittoshinalli, ittoshi gijjoon toonoone. Boonoshi bushiisheenaꞌoyich gijjoon kicemminaꞌo niheenaꞌonaa indeenaꞌonalli, bushiisheenaꞌo boonoshi niheenaꞌonaa indeenaꞌonoyich kicaacheete.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

1 Tasaloonqi 2:10

Kittinnoo ittoshi daggooch am shaahe yaafittinoonaa cadiqittinoona, ikke bachaalli beemonoo no beemon ittoshinaa Yeerina miixoo ittoshine.

1 Tasaloonqi 2:5

Maree yibbaatoon no yibbaatee qayon woyee gijjoon hiriggoona no getti qayon arii beeto ittoshine; ebichoo Yeeri miixoone.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 12:4

Boonoshiyoo wochiꞌi, “Noon dachaano neene; xuꞌaano neene. Ashi waanee amoonolla deꞌaano neene” iyeete.

1 Saameeli 12:5

Saameeliyoo “Ebi mooyoyich xalloo ta tunoyich, Doono Yeerinaa bi huuttitona hanaach ittoshi toommooch miixeenaꞌone” iye. Boonoshiyoo “Doono Yeeri miixoone” iyeete.

1 Saameeli 2:35

Ta mulleexonaa ta gaboonon ceechemmi, gibeneeti, ta qeeshoon taach kaaccemmo taane. Bi shiijjeroon meeti yemeenoon beeyemmo tuniyemmo taane. Biyoo ta huutteti taatoo aafooch bulli aaboon maddemmone.

1 Saameeli 24:11

Ta nihoocho, ebi ta kishooch beeti ne qoreddee caappoon ciine. Neen wuxoon hakkesho taane. Tunebaani ebin tuniyaanoon ne qoreddee caappoon baachiye ta kuxxeto. Ne toommooch gonde mooyon woyee hukkoon ta tuniyee qayon ebina ariibe. Ne toommooch gondoon shuuneyaano ta tunetaanoona, taan wuxiya yookkaa dabbaabeeto neene.

1 Saameeli 24:6

Biyoo bi asheenaꞌoyich ishichiye: “Doono Yeeri huuttiti ta doono toommooch ebiyoommi mooyon tuniyoonaa Doono Yeeri huuttito toommooch gonde mooyon tuniyoonon Doono Yeeri ta waanee wokkiibe” iye.

1 Saameeli 24:7

Daawiti ebin getona Saaꞌooli toommooch amoonolla boonoshi tuniyaachemmoyich asheenaꞌon bajjiye. Saaꞌooliyoo xaqqee gofoochee kechiꞌi bi gommon hammiye.

1 Saameeli 26:11

Doono Yeeri huuttito toommooch gonde mooyon tuniyoon Doono Yeeri ta waanee wokkiibe. Ebi bi qoy beeti bi ginoonaa aachi qiicoonon baach ne yeshaa hambone” iye.

1 Saameeli 26:9

Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone.