1 Saameeli 12:23 - Kafa Linguistics Project

²³ Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.

1 Saameeli 12:23 ပူးပေါင်းရင်းမြစ်များ

1 Taateenaꞌo 8:36

shimaayoochaa waayebe; ne guuninaꞌochi axaaxoon, ne asheenaꞌo tuneti Israꞌeeleenaꞌochi axaaxoon maaribe; boonoshi hammemmi kaame ne gommon boonoshich dojjibe; boonoshi iristo tuniyaꞌa ne asheenaꞌoyich ne immeti showooch amiyon dichibe.

2 Kiinoo 6:27

shimaayoochaa waayebe; ne guuninaꞌochi axaaxoon, ne asheenaꞌo tuneti Israꞌeeleenaꞌochi axaaxoon maaribe; boonoshi hammemmi, kaame ne gommon boonoshich dojjibe; boonoshi iristo tuniyaꞌa ne asheenaꞌoyich ne immeti showooch amiyon dichibe.

Shoddo 122:6

Yerusaalemi diggoyich ishichiree qollebote: “Neen shunnii beetinaꞌoyich wodoo tunebe.

Shoddo 34:11

Ta bushiisheenaꞌote, waaree ta waanee ellebote; Doono Yeerin shaton ittoshich dojjemmo taane.

Shoddo 34:12

Kashee genjoon qaatiibeeto, meeti yemeenoon beeꞌi gaawe mooyon beegon, qaawiibeeto, konine?

Keyo 32:30

Dechara Muusi asheenaꞌoyich ishichiye: “Oogeti gonde axaaxoon shuuneto ittoshine. Tunebaani and Doono Yeer waan kechemmo taane; diqqich ittoshi axaaxoyich maaroon daniyemmo taane” iye.

Shaahiyoo 4:11

Shalligee gommon neech dojjito taane; kaame gommonoo neen yaabito taane.

Dojjecho 12:10

Dojjecho emirikkiibeeti qaaroon danoyich qaawiye; tunebaani bi koorito iberoonaa tatoonane.

Isiyaasi 30:21

Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 27:18

Boonoshi ibere keemechinaꞌo boonoshi tunegaata, Doono Yeeri ta qaaro boonoshi waan bi beegaata, Doono Yeeri ta yaafee kexooch, Yihudee taatee kexooch, Yerusaalem echeti qiico Baabloonee showooch bi hamaachemmoyich, Beshe Mawe Doono Yeeri taan qollebeete.

Erimiyaasi 42:4

Keemechi Erimiyaasiyoo boonoshich ishichiye: “Waayeto taane; ittoshi echetoommon ittoshi Nuggishoo Doono Yeer waan corootemmo taane; Doono Yeeri wochimmo amoonolla ittoshich gettemmo taane; ittoshich aachaachemmo taane” iye.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Mishiraachechinaꞌo 12:5

Ebichi naboona Pheexiroosi cuyee kexooch quyee beehe. Tunebaani arooba kittinnee guuphi asheenaꞌo kiceeꞌi biich Yeerin manjii qollee beeheete.

Mishiraachechinaꞌo 20:20

iitoonaa ittoshi kexi kexonooch ittoshich dojjaa ta beehooba, ittoshich deꞌo tunemmo bullin gettehoani ikkoonolla echiyaano taane.

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

1 Qorontoosi 9:16

Mishiraachee qaaroon geto taach icheti echeyaani mooyone. Ebich ta geecemmi mooyo taach aalloone; mishiraachee qaaroon geto ta qayigaata, taach woowo!

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

2 Ximootiyoosi 1:3

Ta qaabbechinaꞌochoommon axaaxoon tiyaareebeeti xalle mulloona ta goyinnaabeeti Yeerin ne naboyich galletaabee, xumoonaa areddoonon ta qollaa beegaata kuxaanoon neen gabaabeeto taane.

1 Saameeli 12:19

Asheenaꞌo bulli Saameelich “Taatoo no toommooch bi taatemmoyich echoona, bare no axaaxee toommooch hini axaaxoon daakkaꞌa shuuneto noone. No qitaachemmoyich, ne guuno nooch ne Nuggishoo Doono Yeer waan corootibe” iyeete.

1 Saameeli 8:6

Asheenaꞌo “Noon qeejjemmi taatoon nooch taatiibe” boonoshi geto Saameelin emirikkaanoone. Ebich Doono Yeer waan corootiye.