1 Saameeli 12:22 - Kafa Linguistics Project

²² Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.

1 Saameeli 12:22 ပူးပေါင်းရင်းမြစ်များ

1 Taateenaꞌo 6:13

Israꞌeeleenaꞌo daggooch beeyemmo taane; ta asheenaꞌo tuneti Israꞌeeleenaꞌon dufaachemmo taane” iye.

1 Taateenaꞌo 8:57

No Nuggishoo Doono Yeeri no qaabbechinaꞌona tookkii bi tunoommon, noonna tookki tunebe. Noon qajjaaye; noon duppaaye.

2 Taateenaꞌo 14:27

Tunebaani Doono Yeeri, Israꞌeeleenaꞌochi shigoon showee toommoochee aalliyemmo bi tunoon getaanoone. Ebich Yehoꞌashi bushoo Yeroboꞌamichi kishoona boonoshin wodiihe.

2 Taateenaꞌo 21:14

curo tuneꞌi echemmi ta asheenaꞌon qajjemmo taane; boonoshi etteenaꞌo kishooch boonoshin beshiiree immemmo taane. Boonoshi etteenaꞌo boonoshin bogi keccemminaꞌone.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Shoddo 106:8

Tunebaani Doono Yeeri ooge bi hakkoon arichiyoyich, bi shigoyicha ii boonoshin wodiihe.

Shoddo 94:14

Ebiyoo Doono Yeeri bi asheenaꞌon dufaachemmo, bi hajjoonoo qayaachemmo bi tunetoyichiye.

Keyo 32:12

Gibitseenaꞌo ‘Guudinaꞌo toommoochaa boonoshin wuxiya, showee toommoocheenoo boonoshin ciroona aalliiya gabiiniye, boonoshin bi kichito’ getiree, amoyich geteeta? Kupphe ne kaaroochee wottebe. Ne asheenaꞌo toommooch kindiiya ne gabiti mooyon qaye.

Isiyaasi 37:35

“ ‘Ta oogoyicha getiree, ta guuno Daawiticha getiree, hini katemeen deebe wodiyemmo taane’ itone” iye.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 43:25

“Ta shigoyicha geti ne axaaxoon maaremmo, ta qelloona Yeeri taane; ne axaaxoon gabaachemmo taane.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 48:11

Ta qellicha getiree, eeha, ta qellicha getiree, ebin tuniyemmo taane; taan boonoshi giishiyemmoyich, aabichiree tuniyehote? Ta oogoon konichona imaachemmo taane.

Isiyaasi 49:15

“Indee bi xaachaa beeti bushoon battoon hakkehane? Bi shiyeti bushoyich maaxeyaachehane? Diqqich battoon hakkiyane; tunebaani ta, ittoshin batteyaache.

Isiyaasi 63:8

Doono Yeeri ishichiye “Iberoochaa boonoshi ta asheenaꞌo, taach kootaachemmi ta bushiisheenaꞌone” iye; boonoshichoo Wodiyechon tunehe.

Erimiyaasi 14:21

Ne shigoyicha geti noon hoxeyaahine; ne oogee qeenon cooniyaahine; noonna tookkii ne giyeti wogoon gabiballi happiyaahine.

Erimiyaasi 14:7

Doono Yeero, gubb wottoon no woddiyoona, axaaxoon ne toommooch shuuneto noone; no axaaxoo no toommooch bi miixetaanona, ne shigoyich noon gaachebe.

Erimiyaasi 14:9

Biich yoocheti ashoommon, wodiyoon hakkaani ginee anaamoommon ne tunaabeeto amoyichiye? Tunebaani Doono Yeero, ne andoo no daggooch neene; nowoo ne shigoona ceekketo noone; noon qajjaahine.

Shoosho 5:20

Bulli yemeenoon noon ne batteto amoyichiye? Yage yemeenoon noon ne qajjeto amoyichiye?

Hiziqeeli 20:14

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane.

Hiziqeeli 20:9

Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane.

Milikiyaasi 1:2

Doono Yeeri bi asheenaꞌoyich ishichiye: “Ta ittoshin shunnaabeeto taane” iye. Tunebaani boonoshi “Noon ne shuno aaye?” iyeete. Doono Yeeri ishichiꞌi wochiye: “Esayi Yaaqobichi manoo toone? Tunebaani Yaaqobin shunnaachaa,

Maatiyoosi 11:26

Iberoone, ta Nihoocho; ebin tuniyoyich gaaweti ne daaggoo tunetone” iye.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Roomi 11:1

Illa “Yeeri bi asheenaꞌon shixxii qajjitone?” iyo. Ciroona qayaanoone! Ta wotta Israꞌeelee asho, Abrahamichi yaroo, Biiniyaami yoodeexo taane.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

1 Qorontoosi 4:7

Haano, bareenaꞌoyee besho neen tuniito, konine? Yeeri neech imaanee mooyo amo beete? Illa Yeeri neech immito bi tunegaata, amoyichiye Yeer waanee ne daneyaani wojjoon tuniiꞌa geecaabee ne naadee beeto?

Efesooni 1:12

Ebin bi tuniito, Kiristoosin gibenoona shiichoo tuneti noonna bi oogee yiiroyich bi galleteyemmoyichiye.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 31:6

Kupphebote; maaci kuxo tunebote. Boonoshin shati keqqiyaahote. Ne Nuggishoo Doono Yeeri neenna tookkii hammii beetone; neen dufaachemmone; neenoo qayaachemmone” iye.

Yibbaatoo 31:8

Doono Yeeri ne aafooch shiichemmone; neenna tookkishoo tunemmone. Neen dufaachemmone; neenoo qayaachemmone. Shattaahine; keqqishoo gettaahine” iye.

Yibbaatoo 7:6

Ebiyoo ittoshi Nuggishoo Doono Yeerich yaafeeti asho ittoshi tunetoyichiye. Biyoo bi hajjee asho ittoshi tunemmoyich, showee toommooch beeti asheenaꞌo bulli daggoochee ittoshin kaacciye.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

Filipphisiyoosi 1:6

Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaasi 7:9

Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.