1 Saameeli 12:2 - Kafa Linguistics Project

² Illa and ebiyee damba ittoshin yaabi qeejjemmo biine. Tawoo geenaa bukketo taane. Ebiyoche, ta bushiisheenaꞌo ittoshina tookkii beetinaꞌone. Tawoo gurimaashittinoochee tiijjaꞌa and beddaahaa, ittoshin yaabaa qeejjaabee echeto taane.

1 Saameeli 12:2 ပူးပေါင်းရင်းမြစ်များ

Shoddo 71:18

Yeero, ne hakkoonaa ne giidoonon, woyemmi shiijjeroyich ta awaajjimmi wottoon, geeneꞌa ta bukketaanona taan duppaahine.

2 Ximootiyoosi 4:6

Uyee deejjoochoommon ta kasho deejjeya ii beetone; Yeer waan ta hammemmi aabo katinnitone.

Yaasi 23:1

Meeti yemeeno beshetoyee gubb, Doono Yeeri Israꞌeeleenaꞌon boonoshi guudoona beeti etteenaꞌo bulli kishoochee bi kashiitoyee gubb, Yaasi oogeton geenee baayehe.

Yaasi 23:2

Yaasi Israꞌeeleenaꞌo bullin, boonoshi geeneenaꞌon, ukkireenaꞌon, nallechinaꞌonaa iraasheenaꞌo bullinon ceeggiꞌi ishichiye: “Ta, geenee baayeto taane.

1 Saameeli 2:22

Ebiyooba Eeli oogeton geenetone. Biyoo bi bushiisheenaꞌo Israꞌeeleenaꞌo toommooch boonoshi tuniibeeto bullin, danee duukkaanee kellooch maddeebeeti genneenaꞌon boonoshi qemonoo waayee beehe.

1 Saameeli 2:29

Ishigaata, ta beeyi kexooch bi giddemmoyich ta getteti deejjoonaa buuroonon ittoshi qallayiibeeto amoyichiye? Ta asheenaꞌo tuneti Israꞌeeleenaꞌo giddiibeeti deejjoochee gaawi gaaweton maabee ittoshin aangiyoona tayee beshoon ne bushiisheenaꞌon ne oogiyaabeeto, amoyichiye?

1 Saameeli 3:10

Doono Yeeri waa arooch neexeꞌi, aafichoommon “Saameelo! Saameelo!” iꞌi ceeggiye. Saameeliyoo “Ne guuno ta, waayaabeeto taane; gete” iye.

1 Saameeli 3:13

Bi kechi asheenaꞌon bulli yemeenoon naxemmo ta tunoon shiichaꞌa getteto taane. Ebiyoo bi bushiisheenaꞌo taan boonoshi qallayitoyichiye. Ebin tunii beetinaꞌo boonoshi tunoon Eeli ariibee boonoshin kaaree bayaanoone.

1 Saameeli 3:16

Eeliyoo Saameelin “Ta bushoo Saameelo!” iꞌi ceeggiye. Saameeliyoo eekkeꞌi, “Hini tawoche” iye.

1 Saameeli 8:1

Saameeli bi geenetoyee gubb, bi anaami bushiisheenaꞌo Israꞌeeleenaꞌon boonoshi nalli qeejjemmoyich ukkiriihe.

1 Saameeli 8:20

Nowoo wotta bare aageteenaꞌochoommon, noon qeejjemmi, ginee koyee xaaꞌoochaanoo no aafooch shiichemmi taatooniye no qaawaabeeto” iyeete.

1 Saameeli 8:3

Tunebaani bi bushiisheenaꞌo boonoshi nihoochi gommon dabbaaneenaꞌone. Boonoshiyoo gaacoon dano waan guuddiyeete. Xuccoon maabee dayinnetoon dabii beeheete.

1 Saameeli 8:5

biich ishichiyeete: “And ne, geeneto neene. Ne bushiisheenaꞌoo ne gommon dabbaaneenaꞌone. Ebich bare aageteenaꞌo bullichoommon noon qeejjemmi taatoon taatiibe” iyeete.