1 Saameeli 12:11 - Kafa Linguistics Project

¹¹ Doono Yeeriyoo Geediyoonin, Baraaqin, Yofitaahin, wotta taanoo deejjiꞌi ittoshi etteenaꞌo kishoochee ittoshin wodiihe. Ittoshiyoo keqqaalloon kotehote.

1 Saameeli 12:11 ပူးပေါင်းရင်းမြစ်များ

2 Taateenaꞌo 13:5

Israꞌeeleenaꞌon wodiyemmi ashoon boonoshich immiye. Ebina boonoshiyoo Sooriyeenaꞌo kishoochee wodiyeete. Israꞌeeleenaꞌoo aafichoommon diggoona boonoshi kexi kexooch koteheete.

1 Kiinoo 7:17

Ulaami bushoo Bedaanine. Eboshi bulli Minaasi bushoochi bushoo, Makiri bushoo Gilaadichi anaami bushiisheenaꞌone.

Woraaferasheenaꞌo 4:6

Ikke areddoon Diiboori Nifitaalee showooch, Qedeeshi katemooch beeti, Abinoꞌami bushoo Baraaqin bi waan ceekkiyaꞌa ishichiyan: “Israꞌeelee Nuggishoo Doono Yeeri ishichiye: ‘Tiyiree Nifitaali yoodoonaa Zebulooni yoodoonoochee aashire hume asheenaꞌon yeshi, Taaboori guudi toommooch hambe.

Woraaferasheenaꞌo 6:14

Areegaata, Doono Yeeri bi waan wotteꞌi, “Ebi ooge ne giidoona hamiree, Israꞌeeleenaꞌon Miidiyameenaꞌo kishoochee wodiibe; neen wochaa daachiibeeto ta qelloona taane” iye.

Woraaferasheenaꞌo 6:31

Tunebaani Yoꞌaashi biinna tookkii hayeebeeti asheenaꞌoyich ishichiye: “Ittoshi Baꞌaaloyich taggeeniye ittoshi beeto? Biin wodiiya qiicceeniye ittoshi beeto? Biich taggeebeeto bi beegaata, yaachi maadda beddaahaa qitibe. Baꞌaalo iberoon nuggishoo bi gaata, ebi happeeto bi deejjee gudo bi tunetoyich, bi qellich bi taggebe” iye.

Woraaferasheenaꞌo 6:32

Ebich aroobiyee tiijjiꞌi Geediyooni Yerubaꞌali getaa ceekkehe; ebiyoo Yoꞌaashi “Ebi happeeto bi deejjee gudo bi tunetoyich, Baꞌaalo biinna taggebe” bi itoyichiye.

Woraaferasheenaꞌo 7:1

Yerubaꞌali getteeti Geediyooninaa biinna tookkii beeti asheenaꞌo bullina maaddoona tiyii hammii, Haroodi aachi xuuphee gaꞌooch kaamboon geddiꞌi koteheete. Miidiyameenaꞌo kaamboon geddiꞌi koteti xaaꞌoo beeto, boonoshiyee dambi-waan, Mooreehi geppee gaꞌooch beeti bamboochiye.

Woraaferasheenaꞌo 8:29

Yoꞌaashi bushoo Yerubaꞌali bi kexooch wottee hammiꞌi arooch kotehe.

Woraaferasheenaꞌo 8:35

Ebiyoommon wotta Yerubaꞌali getteeti Geediyooni boonoshich bi tuniiti gaawe mooyo bullich bi kechi asheenaꞌoyich deꞌe mooyon tuniyaaneenaꞌone.

1 Saameeli 3:20

Daanee Beershaab beddaahaa beeti Israꞌeeleenaꞌo bulli Saameeli Doono Yeer waanee tuneti, gibeneeti keemecho bi tunoon ariiheete.

1 Saameeli 7:13

Ebina Filsixeemeenaꞌo hakkoo guuteeheete. Aroyee gubb wochinnoon Israꞌeeleenaꞌo showooch shagaaneenaꞌone. Saameeli kashoona bi beeti yemeeno bullin Doono Yeeri bi giidoon Filsixeemeenaꞌo toommooch bekkiihe.