1 Saameeli 11:13 - Kafa Linguistics Project

¹³ Tunebaani Saaꞌooli “Hanaachi aabo Doono Yeeri Israꞌeeleenaꞌon bi shiweti aabo bi tunetoyich, hanaach ikke asholla qitaachemmone” iye.

1 Saameeli 11:13 ပူးပေါင်းရင်းမြစ်များ

2 Saameeli 19:22

Tunebaani Daawiti ishichiye: “Tseruuyi bushiisheenaꞌote, ebiich ittoshin geddemmo amolla aalloone. Hanaach, taach ettoon tuneto ittoshine. Ta and Israꞌeelee taatoo taane. Ebich Israꞌeeleenaꞌo daggoochee hanaach koniyoona qitaachemmone” iye.

2 Saameeli 19:23

Aroochee taatoo Shimeꞌich “Qitaachemmo neene” iye. Ebinoo wogoona manjiihe.

2 Saameeli 23:10

Biyoo manjii neexeꞌi bi kishoo taahimmi wottoon, bi kishoo shikkee cubooch wogimmi wottoon Filsixeemeenaꞌon kochiye. Arooba Doono Yeeri worganikkiti wudoon bi danemmoyich tuniihe; Israꞌeelee ginee naayinaꞌo bi beetooch boonoshi wotteto ginee qiicoon dubenee toommoochee shootoyich baachiye.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Keyo 14:30

Arooba Doono Yeeri Israꞌeeleenaꞌon Gibitseenaꞌo kishoochee wodiihe. Israꞌeeleenaꞌo Gibitseenaꞌochi dubeno baharee gashooch dihiꞌi beeton beeggiyeete.

Isiyaasi 59:16

Ebi xukketinaꞌon gaachemmi asho ikkolla aallo tunoon beeggiꞌi worganehe; bi hajjee mochoo wudoon deebiye; bi cadiqoo biin deggii yechiye.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

1 Saameeli 10:27

Tunebaani ikkikke gonde asheenaꞌo “Hini uro aabichireeshiye noon bi wodiyemmo?” iꞌi biin qallayiyeete; biich wojjoon immemmon qajjiyeete. Tunebaani Saaꞌooli cikkii qajjiye.

1 Saameeli 14:45

Aroochee asheenaꞌo Saaꞌoolich “Israꞌeeleenaꞌoyich ebiyoommi worganikkiti wudoon daniiti Yonaataani iberoon qitiba? Ebi tuneyaache; hanaach ebin bi tuniito, Yeerichi gaachoonane. Ebich beeyechi Doono Yeeri beege! Bi qelli eexoocheenolla ikkee showooch hollaachemmine” iyeete. Ebina asheenaꞌo Yonaataanin qitoochee wodiiheete.

1 Saameeli 19:5

Daawiti Gooliyaadin bi wuxito, bi kashoon qitooch beshiiꞌi imonane. Doono Yeeriyoo Israꞌeeleenaꞌo worganikkiti wudoon boonoshi danemmoyich tuniihe. Newoo ebin beeggaꞌa emirihine. Ishigaata, ikke naboo aalloon Daawitin wuxoona xalle ashi toommooch gonde mooyon ne shuuneya iyaabeeto, amoyichiye?” iye.