1 Saameeli 11:11 - Kafa Linguistics Project

¹¹ Aroobee xum Saaꞌooli bi asheenaꞌon keejj beera qoodiye. Showee harooch Amoonee asheenaꞌo beetooch waaꞌi, aabo qeeccimmi wottoon, boonoshin wuxii aalliiheete. Qitoochee muriccitinaꞌo shacee aalleheete. Boonoshi daggoochee gutteꞌinona ikkooch echeto aalloone.

1 Saameeli 11:11 ပူးပေါင်းရင်းမြစ်များ

Halloo 22:14

Ebich Abrahami ebi xaaꞌoon “Doono Yeeri qanniyemmone” ii shigiihe. Hanaach beddaahaa, “Doono Yeerichi guudi toommoochaa qannemmone” getteehe.

2 Saameeli 18:2

Daawiti bi ginee naayinaꞌon keejj beera qoodiye. Keejje beereexi ikkoon Yoꞌaabi kishooch, andoo keejje beereexi ikkoon Yoꞌaabi manoo, Tseruuyi bushoo Abishayi kishooch, wotta echeti keejje beereexi ikkoon Gaati katemee asho Itayi kishooch tuniihe. Taatoo boonoshich “Ta qelloona ta, ittoshina tookki hammemmo taane” iye.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Keyo 14:24

Showoo hariya iyaa, Doono Yeeri giimboommi quboonaa qaaqqoonochi daggooch tuneechii, dugilla ciinniꞌi, Gibitsee ginechinaꞌo keqqoona shaaweyemmoyich tuniihe;

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

Woraaferasheenaꞌo 1:7

Adon Bezeeqiyoo “Boonoshi kishee indecheenaꞌonaa baatee indecheenaꞌona kucheti shabe taateenaꞌo ta madee ooyoon maciibee echetinaꞌone. Ebi boonoshi toommooch ta tuniitoommon, Yeeri ta toommooch tuniitone” iye. Biinoo Yerusaalem daammiyeete. Biyoo aroochaa qitiye.

Woraaferasheenaꞌo 4:16

Baraaqiyoo Harosheet Hagoyim beddaahaa ebi gaarinaꞌonaa ginee naayinaꞌonon yookkii dabbiye. Siseerichi ginee naayinaꞌo bulli goraadoona qitiyeete. Kashoona echeti ikke asholla aalloone.

Woraaferasheenaꞌo 7:16

Keejje balle asheenaꞌonoo keejj beera qoodiye; asheenaꞌo boonoshi ikkikkoona tiroon, wotta ceechoo bi daggooch geddeti qulloon boonoshi yechemmoyich tuniihe.

Woraaferasheenaꞌo 7:20

Ebi keejje kaattoona waati asheenaꞌo bulli tiroon huggiyeete; qulloonoo tiichiyeete. Boonoshi yooche kishoona ceechoon, boonoshi qanne kishoonoo tiroon yechiꞌi huggiibee, “Doono Yeerinaa Geediyooninoyich koyeebeeti koyo!” iꞌi cookiyeete.

Woraaferasheenaꞌo 9:43

Bi asheenaꞌonoo daammii keejje beera qoodiꞌi, gaddooch ottii quyee beehe. Asheenaꞌo katemoochee keyon beeggiꞌi bi aashetoochee boonoshin kocha kechiye.

1 Saameeli 11:2

Tunebaani Amoonee taatoo Nahaashi boonoshich ishichiye: “Ittoshina tookki wogoon ta giyemmo, ebi ikke mooyon deꞌa ittoshi getigaata baachiye. Ebiyoo ittoshi qanne aafoon qoqene kichiree, Israꞌeeleenaꞌo bulli cooneyemmoyich ta tunii gaatane” iye.

1 Saameeli 14:47

Saaꞌooli Israꞌeeleenaꞌo toommooch bi taatittinoon bi manjiitoyee gubb, bi guudoona beeti bi etteenaꞌo bullina koyehe. Eboshiyoo Moꞌabeenaꞌo, Amooneenaꞌo, Edoomeenaꞌo, Tsobaahee taateenaꞌonaa Filsixeemeenaꞌone. Bi hammito, aabiichona beetinaꞌo bullin kochii wochiye.