1 Saameeli 11:1 - Kafa Linguistics Project

¹ Ebiyee gubb, Amoonee taatoo Nahaashi Gilaadee showooch beeti Yabeesh hammiꞌi, katemoon giichiye. Yabeeshi asheenaꞌo bulli biich “Noonna tookki wogoon gibe; nowoo neech hajjeyemmo noone” iyeete.

1 Saameeli 11:1 ပူးပေါင်းရင်းမြစ်များ

Halloo 26:28

Boonoshiyoo ishichiyeete: “Iberoon Doono Yeeri neenna tookkii beemon beeggeto noone; ebich ‘Neennaa noonna daggooch wogo gibe. Ne toommooch gondoon shuuneyaanoon, gaawe mooyon baach tuniyaabee diggoona no showoochee ne kechemmoyich no tuniitoommon, ebiyoommon wotta gondoon no toommooch ne shuuneyaachemmoyich neenna tookki wogoon gibone’ iyaꞌaniye. And Doono Yeerina diireeto neene” iyeete.

2 Saameeli 10:1

Ebiyee gubb, Amoonee taatoo Nahaashi qitiye. Bi bushoo Hanuuni bi xaaꞌooch kereeꞌi taatehe.

2 Saameeli 10:2

Daawitiyoo “Bi nihoo Nahaashi taach deeti deꞌoommon, bi bushoo Hanuunich deemo taach qaawiihe” iye. Ebina bi nihoochi eefon bi cacheyoon boonoshi gettemmoyich, Daawiti bi asheenaꞌon wochee daachiihe. Daawitichi asheenaꞌo Amoonee showooch hammii shaggiyeete.

2 Saameeli 17:27

Daawiti Mahanayimi bi shaggimmona Amoonee showooch beeti Raabi katemee asho, Nahaashi bushoo Shoobi, Lodebaari katemee asho, Ameli bushoo Makirinaa Gilaadee showooch beeti Rogelimi katemee asho Barizilayina biinna daneheete.

2 Saameeli 2:5

Daawiti ebin bi waayehooba, Gilaadee showooch beeti Yabeeshi asheenaꞌo waan wocheyechinaꞌon daachiiꞌi ishichiye: “Ittoshi doono Saaꞌoolich ebi shaahoon gibeneeto ittoshi tunetoyich, bi dubenoonoo ittoshi duukkitoyich, Doono Yeeri ittoshin diiribe.

1 Taateenaꞌo 20:34

Been Hadaadiyoo taatoyich, “Ne nihoo waanee ta nihoo deqqiti katemeenaꞌon neech wochemmo taane. Shamaara ta nihoo tuniitoommon, newoo Damaasiqa neech meeti gabiyoon neechoon hakkihine” iye. Akaabiyoo, “Ebi wogoona neen gawukkemmo taane” iye. Ebina biinna tookkii wogo giyiꞌi biin gawukkiye.

1 Kiinoo 10:11

Filsixeemeenaꞌo Saaꞌooli toommooch tuniito bullin Gilaadee showooch beeti, Yabeeshi asheenaꞌo bulli waayeꞌi,

1 Kiinoo 10:12

ginee anaaminaꞌo tiyii hammii, Saaꞌoolichi dubenoonaa bi bushiisheenaꞌochi dubenoonon tiijjii, Yabeeshi katemooch deebiyeete. Boonoshi shaawushoon Yabeesh beeti ooge michi baatooch duukkiyeete. Shabaatte qemonoo coomiyeete.

Iyoobi 41:4

Bulli yemeenoon neech hajjeeree maddeya, neenna tookki wogoon giyehe?

Keyo 23:32

Boonoshina tookki tuneba boonoshi goyinneebeeti nuggisheenaꞌona tookki wogoon giyaahine.

Isiyaasi 36:16

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

Erimiyaasi 40:11

Moꞌabee showooch, Amoonee asheenaꞌo daggooch, Edoomee showoonaa showoo bullinooch beeti Ayihudeenaꞌo bulli Baabloonee taatoo Ayihudee cureenaꞌon echiyoon, Shafaanichi bushoo Ahiqaamichi bushoo Gedaliyin boonoshi toommooch bi ukkiriyoon waayeꞌi,

Erimiyaasi 40:14

biich ishichiyeete: “Amoonee asheenaꞌo taatoo Baꞌaalisi neen wuxoyich Netaani bushoo Ishmaꞌeelin bi deejjoon arii beetine?” iyeete. Tunebaani Ahiqaamichi bushoo Gedaliyi boonoshin iberiyaanoone.

Hiziqeeli 17:13

Taatee yaroochee ikkoon daammiꞌi biich gibeneeto bi tunemmoyich wogiiꞌi, biinna tookkii wogoon giyiye; biyoo wotta aricheti asheenaꞌonoo keccii daammiye.

Yibbaatoo 23:3

“Amoonee asho tuneba Moꞌabee asho, aashirinnee shiijjerooch beddaahaa Doono Yeer asheenaꞌochi iitee daggooch bulli yemeenoon giyaaye.

Woraaferasheenaꞌo 10:7

Ebina Doono Yeeri kaaro boonoshi toommooch cufiye; biyoo boonoshin Filsixeemeenaꞌonaa Amooneenaꞌonochi kishooch beshiiꞌi immiye.

Woraaferasheenaꞌo 11:4

Ebiyee gubb, Amooneenaꞌo Israꞌeeleenaꞌona koyeya hammiyeete.

Woraaferasheenaꞌo 21:8

Boonoshiyoo “Israꞌeelee yoodeenaꞌo daggoochee Doono Yeeri aafooch, Mitsipha waataanoon echeto, konine?” iꞌi echeheete. Arooba Gilaadee showooch beeti Yabeeshi katemoochee ikke asholla arooch waataanoone.

1 Saameeli 12:12

“Tunebaani Amoonee taatoo Nahaashi ittoshin kocha bi womon ittoshi beeggiyooba, ittoshi taatoo tuneti Nuggishoo Doono Yeerin qajjiichii, ‘Ebi tuneyaache; noon yaabi qeejjemmi taatoon qaawaabeeto noone’ iyote.

1 Saameeli 14:47

Saaꞌooli Israꞌeeleenaꞌo toommooch bi taatittinoon bi manjiitoyee gubb, bi guudoona beeti bi etteenaꞌo bullina koyehe. Eboshiyoo Moꞌabeenaꞌo, Amooneenaꞌo, Edoomeenaꞌo, Tsobaahee taateenaꞌonaa Filsixeemeenaꞌone. Bi hammito, aabiichona beetinaꞌo bullin kochii wochiye.