1 Saameeli 10:5 - Kafa Linguistics Project

⁵ “Aroyee gubb, Filsixeemee ginee kaambo beeti, Yeerichi geppooch, Gibaaha shaggemmo neene. Aroochee katemooch shagiichi, ooge ximboon, giishi ximboon, kamboonaa shumburoonon yechiꞌi, keemmiibee guudi toommeexi goyinnee xaaꞌoochee kindiibeeti, ikke guuphi keemechinaꞌona danemmo neene.

1 Saameeli 10:5 ပူးပေါင်းရင်းမြစ်များ

1 Taateenaꞌo 18:29

Showoo beshetoyee gubb womikkee deejjoo giddeebeeti saatee wottoon geyee beeheete. Tunebaani qaareto, ebin aaxxiito, boonoshi qolloonoo waayeto aalloone.

2 Taateenaꞌo 2:15

Yaarikee waaꞌi, arooch beeti, ikke guuphi keemechinaꞌo ebin beeggiꞌi, “Eliyaasichi ayaano Elisayi toommooch kinditone” iyeete. Biinna daneya waaꞌi baroona bi aafooch showooch guufeheete.

2 Taateenaꞌo 2:3

Beeteel beeti, ikke guuphi keemechinaꞌo Elisayi waan waaꞌi biich, “Doono Yeeri, ne doono Eliyaasin hanaach neyee bariiree daammemmo bi tunoon ariitine?” iyeete. Biyoo, “Eeha, ariito taane; cikki qayote” iye.

2 Taateenaꞌo 2:5

Yaarika beeti, ikke guuphi keemechinaꞌo Elisayi waan waaꞌi biich, “Doono Yeeri ne doono Eliyaasin hanaach neyee bariiree daammemmo bi tunoon ariitine?” iyeete. Biyoo wochiꞌi, “Eeha, ariito taane; cikki qayote” iye.

2 Taateenaꞌo 2:7

Eliyaasinaa Elisayina Yoordaanoosi aachi gashooch neexeꞌi beetaa, keemechinaꞌochi guuphi daggoochee aache asheenaꞌo hammiꞌi, boonoshi ciinooch giishechoon wokkiꞌi neexeheete.

2 Taateenaꞌo 3:15

Andoo ooge ximboon yexxii beeton taach deebote” iye. Ooge ximboon yexxiibeeto bi yexximmona, Doono Yeerichi giidoo Elisayi toommooch kindiye.

2 Taateenaꞌo 4:38

Elisayi wochinnoon Galigali hammiye. Are showooch shaacoo giyitone. Ikke guuphi keemechinaꞌo bi aafooch koteꞌi beetaa, bi aafee bushoyich, “Ooge shexxoon gemmooch kotiiree, ebi asheenaꞌoyich woxoon woxebe” iye.

2 Taateenaꞌo 6:1

Ikke areddoon keemechinaꞌochi guupho Elisayich, “Ebiyoche, ne aafooch no kotemmi xaaꞌoo nooch giishetone.

1 Kiinoo 11:16

Ebiyooba Daawiti mishigooch bi beetaa, Filsixeemee ginee naayinaꞌo Beetilehemin yechitinaꞌone.

1 Kiinoo 13:8

Daawitinaa Israꞌeeleenaꞌo bullina boonoshi giidoon qoophaanoon, Yeerin oogiyoyich, giishi ximboon, ooge ximboon, kamboonaa qaaxilloonon yexxii kaachiibee, tiroon (waaringoon) huggiibee shoddee beeheete.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 16:5

Boonoshi wulloo Asaafine; biyee deshoo Zakaariyaasi, Yeꞌeeli, Shemiramooti, Yehiꞌeeli, Matitiyi, Eliyaabi, Beenayi, Obeed Edoominaa Yeꞌeelina ukkireheete. Boonoshiyoo ooge ximboonaa giishi ximboona shoddee beetaa, Asaafi qaaxilloon yexxii beehe.

Shoddo 49:4

Ta waamon shaahiyeenaꞌo waan gaꞌiyemmo taane; ooge ximboon yexi kaayibee, boonoshi biishoon gettemmo taane.

Shoddo 92:3

Aashire maqqechi ooge ximboonaa masinqee qaaroona neen galleto gaawetone.

1 Qorontoosi 14:1

Illa bulliyee beshoon kupphiiree shunoon dabbibote; Yaafe Ayaanee wojjoon danoyich qaatibote; eboshiyee keemoon keemoyich beshoon qaatibote.

1 Saameeli 10:10

Gibaaha boonoshi shaggimmona, ikke guuphi keemechinaꞌo biinna daneheete. Yeerichi Ayaano giidoona bi toommooch kindaa, boonoshina tookkii keemoon keemmiye.

1 Saameeli 10:4

Boonoshiyoo neen diggiiree, gutte xekee koshon neech immemminaꞌone. Newoo boonoshi kishoochee deqqemmo neene.

1 Saameeli 13:2

keejje hume asheenaꞌon Israꞌeeleenaꞌo daggoochee kaacciye. Gutte humeenaꞌo Saaꞌoolina tookkii Mikimaashinaa geppechi Beeteelinooch tunemmona, ikke humeenaꞌo wotta Yonaataanina tookkii Biiniyaamee showooch beeti Gibaaha beeheete. Echeti asheenaꞌon Saaꞌooli boonoshi ikkikkoona boonoshi kexooch boonoshi wottemmoyich tuniihe.

1 Saameeli 13:3

Yonaataani Geeba beeti Filsixeemeenaꞌon kochii wochiye. Filsixeemeenaꞌo ebin waayeheete. Saaꞌooliyoo “Hibireenaꞌo ebin waayebeete” iꞌi showoo bulliich tiroon (waaringoon) hukkiihe.

1 Saameeli 19:20

Ebina Saaꞌooli Daawitin yeshi deebemmi asheenaꞌon wochee daachiihe. Tunebaani ikke guuphi keemechinaꞌo, Saameeli boonoshin yaabaa keemoon keemmii boonoshi beetaa beeggiyeete. Yeerichi Ayaano ebi Saaꞌooli wocheti asheenaꞌo toommooch kindaa boonoshiyoo keemoon keemooch giyiyeete.

1 Saameeli 9:12

Maache bushiisheenaꞌo boonoshich wochiꞌi ishichiyeete: “Eeha, beetone. Ittoshiyee aaf hammiibeeto bi tunetoyich, kaate afaafine hambote. Asheenaꞌo hanaach guudi toommeexi goyinnee xaaꞌoochaa deejjoon giddiyemminaꞌo boonoshi tunetoyich, no katemooch bi waato, batt hanaachiye.