1 Saameeli 10:3 - Kafa Linguistics Project

³ “Aroochee hamibee, Taaboor beeti ooge mixo beetooch shaggemmo neene. Aroochaa keejje asheenaꞌona, eboshiyoo ikkoo keejje emmishee bushiishoon, ikkoo keejje xekee koshon, wotta ikkoo mollexxee ceeni woyinee uyoon shaaggiꞌi, Beeteelaa Yeerich deejjoon giddiiya hammii beetinaꞌona danemmo neene.

1 Saameeli 10:3 ပူးပေါင်းရင်းမြစ်များ

Halloo 28:19

Ebi xaaꞌoon, Beeteeli ii shigiihe. Shiichiꞌi ebi katemoo, Luuzi gettee beehe.

Halloo 28:22

hini ta neechiti xaqqo Yeeri ne kexo tunemmone; taach ne immemmi mooyo bulliicheenoo aashiroochee ikke beeroon neech immemmo taane” iye.

Halloo 35:1

Aroyee gubb Yeeri Yaaqobich ishichiye: “Tiyiree Beeteel hambe; aroochoo kotebe. Ne manoo Esayi aafoochee ne maxxehooba, neech bekketi Yeeri taach deejjee gudoon shuunebe” iye.

Halloo 35:3

Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye.

Shoddo 89:12

Dambi-waaninaa deshi-waaninon hallito neene; Taaboorinaa Hermoonina ne shigoyich emiroona shoddeheete.

Erimiyaasi 32:8

Doono Yeeri bi qaaroona bi gettitoommon, ta niheeshoochi bushoo Hanameeli ta beeti kellechinaꞌochi addibaabooch waaꞌi taan “Biiniyaamee showooch, Anaatoot beeti ta budon ne kemebe; ebiyoo biishi bedo, wottoo hajja bedo ne tunetoyich neech kemebe” iye. Ebiyooba ta waayeto Doono Yeerichi qaaro bi tunoon ariiho.

Leweenaꞌo 1:10

“ ‘Uro micciibeeti deejjoyich bi giddiibeeto, bagoon woyee emmishoon bi tunegaata, bachaalli baaddoo tunebe.

Leweenaꞌo 23:13

Ebi aroona tookki, maayi buuroyich zayitoona xirikketi awudde kobbaye qacini buddinoon, Doono Yeeri taach gaawe cinnoon cinneebeeti, micciibeeti deejjoon tuniiree deejjibote. Wotta uyee deejjoyich ikke neetiree woyinee uyoon giddiibote.

Leweenaꞌo 3:12

“ ‘Deejjoyich bi giddiibeeto emmishoon bi tunegaata, Doono Yeeri ta aafooch deebi,

Leweenaꞌo 3:6

“ ‘Ikkittinee deejjoyich Doono Yeeri taach giddeebeeto, bago woyee emmisho bi tunegaata, bachaalli gideree woyee baaddoo tunebe.

Leweenaꞌo 7:13

Galletoon bechoyich bi giddiibeeti ikkittinee deejjoona tookki shittoo gedaa kachiti koshon giddiibe.

Yaasi 19:12

Sariidaa aabi-keyo waan guuddii, Kisiloot Taaboori danooch beddii, Daberaat hammii, aroona Yafiy shaggiye.

Woraaferasheenaꞌo 20:18

Israꞌeeleenaꞌo tiyiꞌi Beeteeli hammiyeete; boonoshiyoo “No daggoochee Biiniyaami yoodee asheenaꞌon shiichiree koni koya?” iꞌi Yeerin echeheete. Doono Yeeriyoo “Yihudi shiichiree hambe” iye.

Woraaferasheenaꞌo 20:27

Arooba Yeerichi wogee taabooto arooch beetone. Harooni bushoochi bushoo, Elazaari bushoo Finihaasi arooch maddee beetone. Israꞌeeleenaꞌo “No maneenaꞌo tuneti Biiniyaameenaꞌona koyoyich wochinnoon hambonaa, illa echeba?” iꞌi Doono Yeerin echeheete. Doono Yeeriyoo “Hami koyebote; yaach boonoshin ittoshi kishooch beshiiree immemmo taane” iye.

Woraaferasheenaꞌo 4:12

Abinoꞌami bushoo Baraaqi Taaboori guudooch bi keyon Siseeri waayeꞌi,

Woraaferasheenaꞌo 4:6

Ikke areddoon Diiboori Nifitaalee showooch, Qedeeshi katemooch beeti, Abinoꞌami bushoo Baraaqin bi waan ceekkiyaꞌa ishichiyan: “Israꞌeelee Nuggishoo Doono Yeeri ishichiye: ‘Tiyiree Nifitaali yoodoonaa Zebulooni yoodoonoochee aashire hume asheenaꞌon yeshi, Taaboori guudi toommooch hambe.

Woraaferasheenaꞌo 8:18

Aroochee Geediyooni Zebaahinaa Tsalmuninon “Taaboori guudoochaa ittoshi wuxiti asheenaꞌo, am shaaheenaꞌone?” iꞌi echehe. Boonoshiyoo “Boonoshi bulliyona neen shaaheenaꞌone; taatoochi bushiishoonoo shaaheenaꞌone” iyeete.

1 Saameeli 10:4

Boonoshiyoo neen diggiiree, gutte xekee koshon neech immemminaꞌone. Newoo boonoshi kishoochee deqqemmo neene.