1 Saameeli 10:1 - Kafa Linguistics Project

¹ Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 10:1 ပူးပေါင်းရင်းမြစ်များ

2 Saameeli 1:14

Daawitiyoo “Doono Yeeri huuttiton wuxoon, aabichaꞌa shattemmon qajjenne?” iye.

2 Saameeli 19:39

Aroochee asheenaꞌo bulli Yoordaanoosin kimmiyeete. Taatoo kimmiye. Taatoo, Barizilayin shummiye; diiriinoo iye. Barizilayiyoo bi kexooch wottehe.

2 Saameeli 20:19

Ta katemee Israꞌeelee showee daggooch diggeenaa gibeneetina tuneti katemeene. Israꞌeelee showee daggooch indee tuneti katemeen aalliiya qaawaabeeto neene. Doono Yeericho tuneton aalliiya ne qaawaabeeto amoyichiye?” iyan.

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

1 Taateenaꞌo 1:34

Aroochaa qeeshoo Sadooqinaa keemechi Naataanina biin huutiree, Israꞌeeleenaꞌo toommooch taatiibeete; tiroon (waaringoon) hugibee, ‘Taatoo Solomooni hume naton taatebe!’ getote.

1 Taateenaꞌo 19:18

Tawoo Israꞌeeleenaꞌo daggoochee shabaatte hume asheenaꞌon taach echiyemmo taane. Eboshi bulliyoo Baꞌaaloyich goyinneyaani, boonoshi noonoonoo Baꞌaaloochi shahalloon shumaani asheenaꞌone” iye.

2 Taateenaꞌo 20:5

“Wotte hamiree, ta asheenaꞌon yaabii qeejjiibeeti taatoo Hiziqiyaasich ishichibe: ‘Ne qaabbechi Daawitichi Nuggishoo Doono Yeeri ishichiye: “Ne corootoon waayeto taane; ne acimoon beeggeto taane; neen woddiyemmo taane; keejjinnee qemooba, damba Doono Yeeri ta yaafee kexooch hammemmo neene.

2 Taateenaꞌo 9:1

Keemechi Elisayi keemechinaꞌochi guuphi daggoochee ikkoon ceeggiꞌi ishichiye: “Ne shimetoon cuyebe; hini qiicooch beeti zayitoon yeshiree, Gilaadee showooch beeti Ramoot hambe.

2 Taateenaꞌo 9:12

Boonoshiyoo, “No ariyaano noone. Bi gettito amo gaata nooch gete” iyeete. Biyoo keemecho gettiton boonoshich gettiye: “ ‘Doono Yeeri: “Israꞌeelee taatoo ne tunemmoyich neen huutteto taane” itone’ iꞌi taach gettitone” iye.

Shoddo 135:4

Ebiyoo Doono Yeeri Yaaqobin bi qellicho, Israꞌeelinoo bi hajjoo, tuniiꞌi bi kaaccitoyichiye.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 78:71

Bi ashoo Yaaqobich qiddoo, bi iristo Israꞌeelich taatoo bi tunemmoyich, xaachiibeeti bageenaꞌon quyoochee deebiye.

Keyo 30:23

“Beshe gaawe cinnechi qimaameenaꞌon, eboshiyoo, uuche balle sheqeelee nagaani hareboon, gutte ballaa aache sheqeelee gaawe cinnechi qarefoon, gutte ballaa aache sheqeelee gaawe cinnechi toochoonaa

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Hiziqeeli 16:13

Aachoonaa birewoonon geddaꞌa shasheti neene; muttee tuppoochee shippeti gaawe taho, shashe qamisoonaa aaxxe tahoona neech beetone; ne maayo gaawe buddino, eeyonaa zayitoonane. Newoo beshoon mallet gaawee tunaꞌa diccehine; taatee tunoyichoo beddehine.

Hosee'i 13:2

Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Mishiraachechinaꞌo 13:21

Aroochee asheenaꞌo taatoo boonoshich taatemmoyich qolleheete. Yeeriyoo Biiniyaami yoodoochee Qiishichi bushoo Saaꞌoolin boonoshi toommooch aabbe naton taatiihe.

Yibbaatoo 32:9

Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

1 Tasaloonqi 5:26

Kittinnee maneenaꞌo bullin yaafeeti gommona shumona ittoshinaa ittoshina ikkoo baroon diggiibe.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,

1 Saameeli 12:3

And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.

1 Saameeli 13:14

Tunebaani and illa ne taatittino gappaachemmone. Doono Yeeri bi mullooch giyiti ashoon danetone. Ne, Doono Yeerichi getoon tuniyaano ne tunetoyich, bi asheenaꞌon bi qeejjemmoyich biin ukkiriitone” iye.

1 Saameeli 15:1

Saameeli Saaꞌoolich ishichiye: “Zayitoon huutiree bi asheenaꞌo tuneti Israꞌeeleenaꞌo toommooch neen ta taatiyemmoyich Doono Yeeri bi wocheto taaniye. Andoo Doono Yeeri gettii beeton waayebe;

1 Saameeli 15:17

Saameeliyoo ishichiye: “Ne qelloon wochaꞌa ne qallayitaanona, Israꞌeelee yoodeenaꞌo toommooch iraashoo tuneto neene. Doono Yeeri Israꞌeelee taatoo ne tunemmoyich neen huuttitone.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.

1 Saameeli 2:10

Doono Yeerin shixxii beetinaꞌo buricemminaꞌone; biyoo shimaayoochaa boonoshi toommooch gigemmone; Doono Yeeri showee toommo bulliich nallemmone. Bi taatiiti taatoyich giidoon immemmone; bi huuttiti taatoon giidechon tuniyemmone” iyan.

1 Saameeli 24:6

Biyoo bi asheenaꞌoyich ishichiye: “Doono Yeeri huuttiti ta doono toommooch ebiyoommi mooyon tuniyoonaa Doono Yeeri huuttito toommooch gonde mooyon tuniyoonon Doono Yeeri ta waanee wokkiibe” iye.

1 Saameeli 26:11

Doono Yeeri huuttito toommooch gonde mooyon tuniyoon Doono Yeeri ta waanee wokkiibe. Ebi bi qoy beeti bi ginoonaa aachi qiicoonon baach ne yeshaa hambone” iye.

1 Saameeli 26:9

Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone.

1 Saameeli 8:19

Tunebaani asheenaꞌo Saameelichi yibbaatoon waayemmon qajjiichii, ishichiyeete: “Ebi tuneyaache; no qaawaabeeto, no toommooch taatemmi taatooniye.

1 Saameeli 8:9

Ebich boonoshi gettii beeton waayebe; tunebaani boonoshi toommooch taatemmi taatoo bi tuniyemmi mooyon getiree, boonoshin meeqqeqqiibe” iye.

1 Saameeli 9:16

“Yaach ebi saatooch Biiniyaamee showoochee tuneti ikke uroon ne waan deejjemmo taane. Ta asheenaꞌo tuneti Israꞌeeleenaꞌo toommooch iraashoo bi tunemmoyich, bi shimbooch zayitoon huute. Biyoo ta asheenaꞌon Filsixeemeenaꞌo kishoochee wodiyemmone. Ta asheenaꞌochi xuuxoon beeggeto taane; boonoshin ta gaachemmoyich boonoshi cookiibeeti cookoon waayeto taane” itone.

1 Saameeli 9:27

Katemee ciirooch boonoshi shaggimmona, Saameeli Saaꞌoolin “Ne aafee bushoo noyee aaf shiichi bi hammemmoyich gete” iye. Aafee bushoo hammimmona, Saameeli Saaꞌoolin “Ne, hiniich giishechoon ne yagaa, Yeeri gettiton neech getona” iye.