1 Saameeli 1:19 - Kafa Linguistics Project

¹⁹ Bi dechara maaddoona Eliqaaninaa bi kechi asheenaꞌona tiyiꞌi Doono Yeerich goyinneheete. Aroochee Raama beeti boonoshi kexooch wotteꞌi hammiyeete. Eliqaani bi mechee Haannina danehe. Yeeriyoo Haanni qolloon waayehe.

1 Saameeli 1:19 ပူးပေါင်းရင်းမြစ်များ

Halloo 21:1

Doono Yeeri Abrahamich bi gettitoommon, Saarin diiriye. Doono Yeeri bi gibenikkitoommon, Saarich tuniihe.

Halloo 30:22

Yeeriyoo Raaheelin gabiye; bi qolloon waayeꞌi, bi shiyemmoyich bi maacoon qechiye.

Halloo 4:1

Aroyee gubb Addaami bi mechee Hewaanina danehe. Biyoo xifaꞌa Qayeelin shiyahan. Hewaaniyoo “Anaami bushoon Doono Yeer waanee danete” iyan.

Halloo 8:1

Yeeri Noohin, biinna tookkii markabooch beeti cooxinaꞌon, gijjeenaꞌo bulloshinoo gabiye. Yeeriyoo showooch taheeꞌi beeti aachi toommooch yongoon yongiihe. Aacoo shappii shappii hammiye.

2 Taateenaꞌo 4:17

Ureyoo xifahan; Elisayi gettitoommon, are goorooch, gubbi natooch anaami bushoon shiyahan.

Shoddo 119:147

Taan ne gaachemmoyich haraan beetaa tiyaꞌa ne waan cookiyoye; ne qaaroonoo gibenehoye.

Shoddo 136:23

No coonehooba noon gabito, bulli yemeenoon shoodechone.

Shoddo 25:7

Doono Yeero, ta bushittinee axaaxoonaa xuꞌoonon shalligiyaahine; ne shoodoona, ne deꞌittinoyicha getiree taan gabibe.

Shoddo 5:3

Doono Yeero, maaddoona ta qaaroon waayehine; maaddoona ta qolloon ne waan giddiyaachaa, quyaa beehoye.

Shoddo 55:17

Maaddoonaa womikkoonon, aabe tukkehaanoo, gaashillaa cookaabeeto taane; biyoo ta qaaroon waayemmone.

Maariqoosi 1:35

Maaddoona, showoo batt haraan beetaa, Yesuusi tiyii ikke qere xaaꞌooch hammiꞌi aroochaa corootiye.

Luqaasi 23:42

Aree hillooch Yesuusin “Yesuuso, ne taatittineech ne giyiyooba, taan batteyaahine” iye.

Yaasi 18:25

Wotta aaraa awudde katemeenaꞌo, Gibeꞌooni, Raami, Beerooti, Mitsiphi, Kefiraahi, Mosaahi, Reqeemi, Iripeeli, Taralaahi, Tselaahi, Haꞌeleefi, Yebuseenaꞌochi katemoo Yerusaalemi, Gibaahinaa Qiriyaat Yeꞌariiminane; ebi katemeenaꞌo bullichi guudoona gafeenaꞌo beetinaꞌone. Illa, Biiniyaami yoodo boonoshi yari yaroona boonoshi woraashiti showoo, ebine.

1 Saameeli 1:1

Geppechi Efreemee showooch beeti Raami katemooch, Efreemi yoodoochee tuneti Eliqaani getteebeeti ikke uro beehe. Biyoo Tsuufi bushoo, Toohi bushoo, Elihi bushoo, Yerohaami bushoone.

1 Saameeli 1:11

Ishichaanoo mookkahan: “Beshe Mawe Doono Yeero, ne gonnee ta xuuxoon beeggaꞌa taan ne gabigaata, ne gonnee taanoo batteyaanoon anaami bushoon taach ne imigaata, kashoona bi beemmi yemeeno bullin neech immemmi taane; bi qelloochoo appoo shagaachemmone” iyan.

1 Saameeli 15:34

Aroochee Saameeli Raama hammiye. Saaꞌooliyoo Gibaaha beeti bi kexooch wottehe.

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.

1 Saameeli 19:18

Daawiti aroochee bi muriccitoyee gubb, Raama, Saameel waan hammiye. Biyoo Saaꞌooli bi toommooch tuniito bullin Saameelich gettiye. Aroochee biinnaa Saameelina Nayoot hammiꞌi koteheete.

1 Saameeli 2:11

Aroochee Eliqaani Raama beeti bi kexooch wotteꞌi hammiye. Tunebaani bushoo Saameeli Shilooha echeꞌi, qeeshoo Eeli aafooch tunee, Doono Yeerich maddee beehe.

1 Saameeli 25:1

Saameeli qitiye. Israꞌeeleenaꞌo bulli kiceeꞌi biich eeppiyeete. Bi kexo beeti Raama biin duukkiyeete. Aroochee Daawiti tiyiꞌi desh Faraani barahooch hammiye.

1 Saameeli 7:17

Aroochee bi kexo Raama bi tunetoyich, Raama wottee beehe. Aroochaanoo Israꞌeeleenaꞌo mooyon nallii qeejjii beehe. Biyoo Doono Yeerich deejjee gudoon Raama shuunehe.

1 Saameeli 8:4

Ebich Israꞌeeleenaꞌon qeejjiibeeti geeneenaꞌo bulla kicee, Saameel waan Raama waaꞌi,

1 Saameeli 9:26

Boonoshiyoo yaaꞌoona tiyiyeete. Showoo bekkemmona, Saameeli Saaꞌoolin kechi toommoochee ceeggiꞌi, “Ne tiyaa neen gommon deeni beshiibona” iye. Ebina Saaꞌooli tiyaa, biinnaa Saameelina maaxooch kechiyeete.