1 Pheexiroosi 5:6 - Kafa Linguistics Project

⁶ Illa Yeeri bi daaggiti aabooba ittoshin bi oogiyemmoyich, Beshe Mawe Yeeri aafooch ittoshi qelloon giishiibote.

1 Pheexiroosi 5:6 ပူးပေါင်းရင်းမြစ်များ

1 Taateenaꞌo 21:29

“Akaabi bi qelloon ta aafooch aabichiꞌi bi giishiito gaata beeggaa beetine? Bi qelloon ta aafooch bi giishiitoyich, gonde mooyon bi yemeenooch deebaachemmo taane. Tunebaani bi bushoochi yemeenooch gonde mooyon bi kexooch deebemmo taane” iye.

2 Taateenaꞌo 22:19

hini xaaꞌoon uppeton, ashaalli xafoonoo tuniyemmo ta tunoon, ta getteti qaaroon waayaꞌa, ne mullo tiishetoyich, Doono Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

2 Kiinoo 12:12

Roboꞌami bi qelloon bi giishiitoyich, Doono Yeeri kaaro bi waanee wottehe. Ciroona biin aalliyaanoone. Yihudee showoo bulliichoo wochinnoon mooyo mashaamiye.

2 Kiinoo 30:11

Tunebaani Aseeri, Minaasinaa Zebulooninochi asheenaꞌoochee ikkikkeenaꞌo boonoshi qelloon giishiiꞌi, Yerusaalem waaheete.

2 Kiinoo 32:26

Tunebaani ciiroochaa Hiziqiyaasinaa Yerusaalemi asheenaꞌona boonoshi qelloon giishiiheete. Ebich Hiziqiyaasichi taatee yemeenooch Doono Yeeri kaaro boonoshi toommooch waataanoone.

2 Kiinoo 33:12

Minaasi bi xuuxehooba, bi Nuggishoo Doono Yeerichi gaachoon qaawiye. Bi qaabbechinaꞌochi Nuggishoo aafooch bi qelloon oogeton giishiiꞌi corootiye;

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 33:23

Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.

2 Kiinoo 36:12

Bi Nuggishoo Doono Yeeri aafoochoo gonde mooyon tuniihe. Doono Yeerichi qaaroon biich gettiti keemechi Erimiyaasi aafooch bi qelloon giishiyaanoone.

Iyoobi 36:22

“Ebiyoche, Yeeri hakkoona beshitone; biinoommi dojjecho aalloone.

Shoddo 75:10

Biyoo gondeenaꞌochi qaroon tiichemmone; tunebaani cadiqeenaꞌochi qaro qaalli qaalli hammemmone.

Shoddo 89:13

Giidechi mochecho neene. Ne kishoo kupphoone; ne qanne kishoo kaama tiyitone.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Keyo 3:19

Tunebaani Gibitsee taatoo giidechi ta mochoon ta bekkiyaanoon, ittoshin gawukkaachemmo bi tunoon ariyaabeeto taane.

Keyo 32:11

Tunebaani Muusi bi Nuggishoo Doono Yeerichi ariqqoon qolleebee ishichiye: “Doono Yeero, ooge ne hakkoonaa giidechi ne mochoona Gibitsee ne kichiti, ne asheenaꞌo toommooch ebi shaahoon oogichaa amoyich kaarenne?

Shaahiyoo 29:23

Ashoon bi geecoo giishiihe; tunebaani bi qelloon giishiibeeto, oogoon danemmone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 40:4

Bamboo bulli kaama ceennemmone; guudo bullinaa geppoona dugilla yittemmone; keyaa giye showoo tatemmone; boge showoo naqqo tunemmone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Erimiyaasi 13:18

Doono Yeeri ishichiye: “Taatoonaa taatoochi indee gennee abeetinoyich ishichibe: Ittoshi oogee gubbichoo ittoshi qelloochee kindemmo bi tunetoyich, ittoshi qeenoochee kindibote.

Erimiyaasi 44:10

Hanaach beddaahaa boonoshi qelloon giishiyaaneenaꞌone; shataaneenaꞌone; ittoshinaa ittoshi qaabbechinaꞌonochi aafooch ta kotiiti qociyoona hamaaneenaꞌone.

Hiziqeeli 17:21

Aricheti bi ginee naayinaꞌo bulli goraadoona dihemminaꞌone; aroochee echemminaꞌo kaatti kaatta shacemminaꞌone; ebin getteto Doono Yeeri ta tunoon ariyemmo ittoshine’ iye.

Hiziqeeli 21:6

“Ebich ashi bushoocho, tuumbe; tiisheti mulloona wottoo caammeyoona boonoshi aafoochaa tuumbe.

Daaneeli 5:22

“Belshasooro, ne, bi bushoo neene; ebi bullin ariibeeto neene; tunebaani ne qelloon giishiyaano neene.

Leweenaꞌo 26:41

ebiyoo boonoshin ta shixxemmoyich tuniiti, wotta boonoshi etteenaꞌo showooch kecaa boonoshi hammemmoyich tuniiti boonoshi xuꞌoon aanniꞌi, getaa giyaani boonoshi mulloon kaachiꞌi, boonoshi xuꞌoyich bede sheeroon boonoshi deꞌigaata,

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Maatiyoosi 23:12

Bi qelloon oogiimmo bulli giishemmone; bi qelloon giishiimmo bulli oogemmone” iye.

Luqaasi 1:52

giidechi taateenaꞌon boonoshi taatee qeenoochee kindiitone; boonoshi qelloon giishii beetinaꞌonoo oogiitone.

Luqaasi 14:11

Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Roomi 5:6

Hakkoon guuteeꞌa no beetaa, Yeeri bi taajjeti yemeenooba Kiristoosi gondeenaꞌoyicha iꞌi qititone.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

1 Ximootiyoosi 2:6

Asho bullin biisheree wodiiya bi kashoon deejjito biine. Ebiyoo tate yemeeno shagiyooba Yeerichi wodiyee shuunoon bekkiibeeti miixittinoone.

Titoosi 1:3

Bi daaggiti yemeenooba, noon Wodiyechi Yeerichi getoona taach adero icheti wochee gommona bi qaaroon gaxxiye.

Yaaqobi 4:10

Doono Yeeri aafooch ittoshi qelloon giishiibote; biyoo ittoshin oogiyemmone.

Yaaqobi 4:7

Illa Yeerich hajjeebote; daabiloosinoo koyebote; biyoo ittoshi waanee wokkemmone.

Yaaqobi 5:10

Ta maneenaꞌote! Doono Yeerichi wochoon gettiti keemechinaꞌon shalligibote. Boonoshiyoo xuuxoon haaꞌiyoona nooch shaahiyoon tunetinaꞌone.