1 Pheexiroosi 5:5 - Kafa Linguistics Project

⁵ Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

1 Pheexiroosi 5:5 ပူးပေါင်းရင်းမြစ်များ

2 Kiinoo 6:41

Nuggishoo Doono Yeero, and tibe; ne giidee malletoo tuneti ne taabootoona tookki ne kashee xaaꞌooch gibe; Nuggishoo Doono Yeero, ne qeesheenaꞌo ne wodiyoon tahebeete; ne yaafeenaꞌo ne deꞌittinoona emiribeete.

Iyoobi 22:29

Asheenaꞌo giishetaa, ‘Boonoshin oogiibe’ ne getaa, Yeeri giishetinaꞌon wodiyemmone.

Iyoobi 29:14

Cadiqoon tahoochoommon tahehoye; dayinnetoonoo qoreddoochoommon xappaa ukoochoommon ukehoye.

Shoddo 132:16

Bi qeesheenaꞌoyichoo wodoon tajjemmo taane; yaafeeti bi asheenaꞌoo ililemminaꞌone.

Shoddo 132:9

Ne qeesheenaꞌo cadiqoon tahebeete; yaafeeti ne asheenaꞌo ililibeete.

Shoddo 138:6

Doono Yeeri oogoona beshoo bi tunetaanoona hoxeeton dufaache; tunebaani geecechinaꞌon wohoochaa ariihe.

Shaahiyoo 25:7

Iraashoo aafoochaa ne giishoyee, “Hach damba wobe” ne getteyoo gaawiye. Ne aafoona ne beeggeti mooyon,

Shaahiyoo 3:34

Coonechinaꞌon coonemmone; tunebaani boonoshi qelloon giishii beetinaꞌoyich wojjoon immemmone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Hiziqeeli 26:16

Baharee gasheexi taateenaꞌo boonoshi taatee qeenoochee kindemminaꞌone; toommeexi boonoshi tahoonoo shoottemminaꞌone; shashechi boonoshi tahoon kichemminaꞌone; boonoshi qellich keqqoon taheree showooch kotemminaꞌone; kuxaanoon qewebee ne toommooch shaggitona geewemminaꞌone.

Daaneeli 11:12

Eboshin kochii bi wochitonaa dofee ginee naayinaꞌon bi wuxitonoyich, oogeton geecemmone. Tunebaani kochii wochoona manjiree beetaachemmone.

Leweenaꞌo 19:32

“ ‘Bukkechi ashi aafooch tiyi neexebe. Geene ashoon oogiibe. Ne Nuggishoo taanoo shate. Ta, Doono Yeeri taane.

Luqaasi 22:26

Tunetaa ittoshi daggooch ebiyoommon tunaaye. Ebich ittoshi daggoochee oogoo giishochoommon, doonjeto wotta bi wochee bushoochoommon tunebe.

Roomi 12:10

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Efesooni 5:21

Kiristoosin oogoyicha getiree, ittoshinaa ittoshina ikkoo baroyich hajjeebe.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

1 Ximootiyoosi 5:1

Geeneton ne nihoon tuniiree ciicalli noggeyaahine; gurimaashoon ne manoon tuniiree,

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Pheexiroosi 4:1

Kiristoosi meenona xuuxoon bi beeggitoyich, ittoshi wotta ebi shaahe gaboon yeshoyich qannibote. Ebiyoo bi meenona xuuxoon beeggiti asho, axaaxoon shuunoon qajjito bi tunetoyichiye.

1 Pheexiroosi 4:5

tunebaani kashoona beetinaꞌonaa qititinaꞌonochi toommooch nalloyich qannito aafooch neexeree boonoshi shuuneti shuunoyich echeyemminaꞌone.