1 Pheexiroosi 5:4 - Kafa Linguistics Project

⁴ Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.

1 Pheexiroosi 5:4 ပူးပေါင်းရင်းမြစ်များ

Shoddo 23:1

Doono Yeeri ta qiddoone; amoonolla mucceyaachemmo taane.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Hiziqeeli 34:23

Boonoshi toommooch ikke qiddoon tiijjemmo taane; biyoo boonoshin quyemmone; ebi aroo ta guuno Daawitine; biyoo boonoshich qiddoo tuneree boonoshin quye maanjemmone.

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Daaneeli 12:3

Yiiteenaꞌo gumeexi bekkoochoommon (acacoochoommon), meeti asheenaꞌon gonde gommoochee kaame gommooch wochii beetinaꞌo xojjenoochoommon, bulli yemeenoon aaxxemminaꞌone.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Yowannisi 10:11

“Deꞌe qiddoo taane. Deꞌe qiddoo bi bageenaꞌo keroyich qitemmone.

1 Qorontoosi 9:25

Wotta qiiccebone iꞌi qiiccoyich tiyiibeeto bulli, bulli mooyona bi ashittinoon manjiiꞌi kupphiihe. Eboshi qiicceebeeto, aallemmi naadee gubbichoon danoyichiye; tunebaani no qiiccaabeeto, aalleyaani gubbichoon danoyichiye.

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

1 Pheexiroosi 1:4

Ebich Yeeri shimaajji kexooch ittoshich aalleyaani, duubeyaani, ciireyaani iristoon kotiitone.

1 Pheexiroosi 2:25

Ebiyee aaf aalleti bagoochoommon yallyallimiibeeto ittoshine; tunebaani and ittoshi kashee Qiddoonaa Quyechona tuneti Kiristoos waan wotteto ittoshine.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

1 Yowannisi 3:2

Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 3:11

“Kaateree woyemmo taane; neech ichemmi gubbichoon koniyoona bi bogaachemmoyich, neech beeti mooyon manjiiree yeshe.