1 Pheexiroosi 5:3 - Kafa Linguistics Project

³ Kittinnee guuphinaꞌoyich gaawe shaahiyoon tuneree bekkebotalli, boonoshin giidoona hajjiyaahote.

1 Pheexiroosi 5:3 ပူးပေါင်းရင်းမြစ်များ

Shoddo 33:12

Doono Yeeri bi Nuggishoo tuneti aagetoo, bi iristo tuniiꞌi bi kaacciti maccoo, diireetone.

Shoddo 74:2

Wonna ne kaacceti ne iiteenaꞌon, ne biisheti ne iristee yoodee asheenaꞌon, ne beeyi xaaꞌoo ne tuniiti Tsiyooninoo, gabibe.

Hiziqeeli 34:4

Nireton kupphiyaano ittoshine; biiyeton attee wodiyaano ittoshine; tiisheton sheppheyaano ittoshine; yallyallimiton wochaano ittoshine; aalleton qaawaano ittoshine; giidoona, mullee manjoonoo neexxii hajjiyote.

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Yowannisi 13:15

Ebi ittoshich ta tuniitoommon ebiyoommon wotta ittoshinaa ittoshina ittoshi tuniyemmoyich bekkiito taane.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

1 Qorontoosi 11:11

Tunebaani Yeeri maacheen anaamo waanee bi hallitoommon, ebiyoommon anaamo wotta maachee waaneeniye bi shiijjeebeeto; bullinoo hallito Yeerine. Ebich Doonona no beeti beemooch, maachee anaamona, anaamoo maacheena degee beetinaꞌone.

1 Qorontoosi 3:5

Illa Aphiloosiyoo tuneba ta Phawuloosiyoo tunebon, amoon hallesho noone? Ittoshi mulloon Kiristoosi toommooch ittoshi tooꞌiiti mishiraachee qaaroon gettaabee, Doono Yesuus Kiristoosi no ikkikkoyich bi immitoommon, biich maddaabeeti bi wochee bushiishoo baach noone.

1 Qorontoosi 3:9

Ebich Yeerina tookkaa shuunaabeeti bi wochee bushiishoo noone; ittoshiyoo Yeeri gochiibeeti goyee budo ittoshine; ebiyoommon wotta Yeeri haggiibeeti kexo ittoshine.

2 Qorontoosi 1:24

Yeeri toommooch mullee tooꞌiyoona manjii ittoshi neexoon ariito noone; ebich ittoshina tookkaa no shuunaabeeto ittoshi emiremmoyich qaawaꞌaanalli, ittoshi mullee tooꞌiyee toommooch doonjittinoon qaawaꞌa toonoone.

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

Yibbaatoo 32:9

Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

Filipphisiyoosi 3:17

Ta maneenaꞌote! Taan shaahii beeton tunebote. No tuniyaabeeti gaawe shaahiyoon dabbii beetinaꞌon ciinote.

Filipphisiyoosi 4:9

Ittoshich ta dojjitonaa ittoshich beshii ta immetonon, ittoshi waayeti ta qaaroon, ittoshi beeggiti ta shuunoon, eboshi bullin shuunee toommooch heechiibote. Arooboo diggee Nuggishoo ittoshina tookki tunemmone.

1 Tasaloonqi 1:7

ebich Makidoonee showoonaa Akaayee showoonooch beeti kittinneenaꞌo bullich gaawe shaahiyoo tuneto ittoshine.

2 Tasaloonqi 3:9

Ebin no tuniito, no shaahiyoon ittoshi dabbemmoyichalli, nooch qaawiibeeti mooyon ittoshi waanee danoyich aalloo nooch aalletaa toonoone.

1 Ximootiyoosi 4:12

Koniyoona ne bushittinoon hoxaaye; ne yibbaatoonaa ne qocoona, ashoon ne shunonaa Kiristoosi toommooch ne mullee tooꞌiyoona, ne xallittinoonoo, boonoshi mulloon Kiristoosi toommooch tooꞌii beetinaꞌoyich gaawe shaahiyoon tunebe.

Titoosi 2:7

No doyoon shixxiibeeti asho no shigoon bi gondiyemmi mooyon mucceree bi yeellemmoyich, bulli gommona gaaweton shuunebee deꞌe mooyon bekkiyecho tunebe. Ne dojjaabeeti doyoona deꞌe moochecho, asho bullina naadeeto, koniyoona oonon hakkaani iiwe yibbaatecho ne tunoon bekkiibe.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.