1 Pheexiroosi 5:13 - Kafa Linguistics Project

¹³ Ittoshina tookkii wotta Yeeri biich kaacciti, Baablooni kittinnee guuphi asheenaꞌo, ta bushoo Maariqoosiyoo ittoshin diggii beetinaꞌone.

1 Pheexiroosi 5:13 ပူးပေါင်းရင်းမြစ်များ

Shoddo 87:4

Gibitseenaꞌonaa Baablooneenaꞌonon, Filsixeemeenaꞌo, Xirooseenaꞌonaa Topphiyeenaꞌonon, taan ariibeeti asheenaꞌona tookki koberemmo taane; eboshi bulli, “Tsiyooneeniye boonoshi shiijjeto” getteyemmone.

Mishiraachechinaꞌo 12:12

Pheexiroosi bi mullo yeshaa, meeti asheenaꞌo kiceeꞌi, Yeerin boonoshi qolleebeeti, Maariyami kexooch hammiye; hini are Maariyamiyoo Maariqoosi getteebeeti Yowannisi indeene.

Mishiraachechinaꞌo 12:25

Barnabaasinaa Sawulina boonoshi wocheeton bechiꞌi, Yerusaalemee Antsooka Maariqoosi getteebeeti Yowannisin yechiꞌi wotteheete.

Mishiraachechinaꞌo 15:37

Barnabaasiyoo Maariqoosi getteebeeti Yowannisi boonoshina tookki bi hammemmoyich qaawiye.

Mishiraachechinaꞌo 15:39

Ebich kaareꞌi shaceheete. Aroochee Barnabaasi Maariqoosin yechii markaboona Qoophiroos hammiye.

Qolaasiyaasi 4:10

Barnabaasichi niheeshoo bushoo Maariqoosi, Yusxoosi getteeti Yaasi, taanna tookkii cucheti Arsixirokoosi, eboshi bulli ittoshin diggiitinaꞌone. “Maariqoosi ittoshi waan bi waagaata, iibbiibote” ii beeti wocho ittoshich shaggitone. Ayihudeenaꞌo daggoochee Yeerichi taatittino gaminnemmoyich taanna tookkii shuunee beetinaꞌo eboshi baachiye; taanoo goggiitinaꞌone.

Filimooni 1:24

Ebiyoommon wotta taanna tookkii shuuneebeeti Maariqoosi, Arsixirokoosi, Deemaasinaa Luqaasina neen diggiitinaꞌone.

2 Yowannisi 1:1

Geeno ta waanee, No daggooch iberee qaaro bi beetoyich, bulli yemeenoonoo noonna tookki beeyemmo bi tunetoyich, iberoon ta shunnaabeeti, ta ikkeeto baach tuneyaanoon iberoon arii beetinaꞌo bulli wotta shunniibeeti, Yeeri kaacciti indeenaa bi bushiisheenaꞌonoyich:

2 Yowannisi 1:13

Yeeri kaacciti ne maneechi bushiisheenaꞌo neen diggii beetinaꞌone.

Yaaꞌoo 17:5

Bi baroochoo aacheeti mooyon yechiti shigo: Ooge Katemee Baablooni, Yahechinaꞌonaa Showee Toommeexi Ciigeetinaꞌonochi Indee, getaa kooreetone.

Yaaꞌoo 18:2

Oogeti qaaroona cookiibee, “Ooge katemee Baablooni dihitiyoche; dihitiyoche! Yinneenaꞌo bulli qeyi xaaꞌee tunetiyoche! Eeꞌeenaꞌonaa tiyaariitinaꞌona tuneti kafeenaꞌo [cooxinaꞌoo] kuppee xaaꞌee tunetiyoche!