1 Pheexiroosi 5:10 - Kafa Linguistics Project

¹⁰ Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Pheexiroosi 5:10 ပူးပေါင်းရင်းမြစ်များ

Shoddo 119:28

Ta kashe ayinoona nirahane; taach ne gibenikkitoommon taan kupphiibe.

Shoddo 138:7

Xuuxo taan giishi gaatoona, ne ta kasheen wodiihine. Ta etteenaꞌochi kaaree toommooch ne mochoon tiijjihine; ne hakkoona taan wodiihine.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Zakaariyaasi 10:12

Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.

Zakaariyaasi 10:6

“Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

Luqaasi 22:32

Tunebaani ta toommooch ne mullee tooꞌiyoon ne qayaachemmoyich corootito taane; ta waan ne wottehooba ne maneenaꞌo mulloon kupphiibe” iye.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 15:5

Ikke mulloona tuneree ikke qaaroona no Doono Yesuus Kiristoosichi Nihoo Yeerin ittoshi oogiyemmoyich, haaꞌiyoonaa goggiyoona bi waan ceenniti Yeeri Kiristoos Yesuusichi qocoon dabbiree ittoshinaa ittoshina ikke mulloona ikkotteꞌi beemi hakkoon ittoshich imbe.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 9:11

Yeeri biich “Qaabboo guuchoyich hajjeyemmone” iye. Ebin bi ito bushiisheenaꞌo batt shiijjeyaani boonoshi beetaa, gaaweto tuneba gondo, ikkeenolla boonoshi tuniyaan beehoobane. Ebich Yeeri kaaccitoommon bi gaboo manjito bi tunemmoyich, ikkoon bariiꞌi bi kaaccito boonoshi shuuneti shuunoona tuneyaanoon, bi ceeggiti ceegoonane.

Roomi 9:24

Eboshiyoo noone getone; noonoo Ayihudeenaꞌo daggoochee baach tuneyaanoon, Aageteenaꞌo daggoochee wotta ceeggitone.

1 Qorontoosi 1:10

Tunebaani ta maneenaꞌote! Ittoshi daggooch kupphe kaaro beemon ikkikke Qelooꞌi kechi asheenaꞌo waanee waayeto taane. Ebiyoo ittoshi daggoochee ikkoo “Ta Phawuloosicho taane” bi immona baroo “Ta Aphiloosicho taane” ii beeto bi tunoon, wotta ikkoo “Ta Keeficho taane” bi immona baroo “Ta Kiristoosicho taane” ii beeto bi tunooniye. Ebich ta maneenaꞌote! Ittoshi bulli ikke yibbaatoon ittoshi yibbaatemmoyich, no Doono Yesuus Kiristoosichi shigoona ittoshin qollehoye; ikke mulloonaa ikke gaboona ikkottebotalli, kaareꞌi baribara guupheyoo ittoshi daggooch beeyaaye.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Qolaasiyaasi 2:7

biinna cammon awure eeniree, ittoshi doyitoommon bi toommooch mullee tooꞌiyoona manjibote; Yeerich galletoon woddiiree imbote.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

2 Tasaloonqi 3:3

No Doono gibeneetone; biyoo ittoshin kupphiyemmone; gondoochi nihoo kishoocheenoo ittoshin quyemmone.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:10

Ebiyeenoo Kiristoos Yesuusi waanee wodoonaa bulli yemeenee oogee yiiroonon boonoshi danemmoyich kaachetinaꞌoyicha iyaꞌa hini xuuxo bullin haaꞌiibeeto taane.

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

1 Pheexiroosi 1:15

“Ta, yaafoo taane; ebich ittoshi yaafeeton tunebote” getaa Yaafe Macaafooch bi kooreetoyich, ittoshin ceeggiti Yeeri yaafoo bi tunetoommon, ittoshi wotta ittoshi beemi qoco bullina yaafeeton tunebote.

1 Pheexiroosi 4:10

Asho bi ikkikkoona Yeeri biich immiti baribare wojjoona tatoona shuuneree, are Yeer waanee bi deqqiti wojjoon bareenaꞌoyich gaaccemmon tuniibe.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

2 Pheexiroosi 1:3

Yesuus Kiristoosi bi oogee yiiroonaa bi deꞌittinoonoochee no qoodeyemmoyich, noon ceeggiton no ariyoona yaafeeti kashoonaa Yeerin oogiibeeti qocoona no beeyemmoyich bi Nuggishittinee giidoona qaawiibeeti mooyo bullin nooch immiye.

1 Yowannisi 2:25

Kiristoosi nooch bi gibenikkiti hini gibeno, bulli yemeenee kashoone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,