1 Pheexiroosi 4:3 - Kafa Linguistics Project

³ Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.

1 Pheexiroosi 4:3 ပူးပေါင်းရင်းမြစ်များ

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

1 Taateenaꞌo 21:26

Doono Yeeri Israꞌeeleenaꞌo aafoochee yookkii kichiti Amooree asheenaꞌo tuniitoommon, biyoo shahalloyich goyinnee maddoona oogichii ciigiiti shuunoon shuunehe.

2 Kiinoo 15:8

Aasi Odeedi bushoo keemechi Azariyaasi keemmiti, ebi keemee qaaroon waayeꞌi goggehe. Yihudee showoochee, Biiniyaamee showoonaa geppechi Efreemee showoonoochee bi yechiti katemeenaꞌoochee ciigiiti shahalloon aalliihe. Doono Yeerichi yaafee kechi ciinooch beeti deejjee gudoon wochinnoon shuunehe.

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Isiyaasi 5:11

Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 65:4

Maashooch kotee beetinaꞌo, qere xaaꞌooch xumoon beshii beetinaꞌo, gudichi meenon maa beetinaꞌo, boonoshi qiicooch eeꞌe meechi cabboon geddiibeeti asheenaꞌone.

Erimiyaasi 16:11

Newoo boonoshich ishichibe: ‘Ittoshi qaabbechinaꞌo taan boonoshi qajjitoyichiye, iye Doono Yeeri. Bare nuggisheenaꞌon dabbiyeete; boonoshich maddeheete; goyinneheete; taanoo qajjitinaꞌone; ta sheeroonoo quyeyaaneenaꞌone.

Erimiyaasi 16:18

Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.

Hiziqeeli 44:6

Hukkechi Israꞌeelee macceenaꞌoyich ishichibe: ‘Nuggishoo Doono Yeeri ishichiye: Israꞌeeleenaꞌote, ebi ciigiiti ittoshi mooyon qayote.

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Maariqoosi 7:22

shunee mamo, hiriggoo, gondo, dawushoo, yeelliibeeti kaayo, qanaato, oono, geecoo, shalligee shappoo, eboshine.

Mishiraachechinaꞌo 17:30

Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

1 Qorontoosi 12:2

Ebiyee aaf Yeerin ariyaano ittoshi beehooba, gasheeꞌi kashaalli shahalleenaꞌo waan oriheebee ittoshi echoon tuushaano ittoshine.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

2 Qorontoosi 12:21

Wochinnoon ittoshi waan ta waahooba, ta Nuggishoo ittoshi aafooch taan cooniyemmone iyaꞌa shattaabeeto taane; ebiyee aaf boonoshi shuuneti axaaxoochee, ebiyoo tiyaariibeeti mooyoochee, shunee mamoochee, yeelliibeeti kaayoocheenoo Yeer waan wotteyaani meetinaꞌochi naboona diqqich ayini eeppemmo taane iyaꞌa shattaabeeto taane.

Galaati 5:19

Meechi shuunoo arichetone; ebiyoo yahoo, eeꞌe shuunoo, yeelliibeeti kaayo,

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

1 Pheexiroosi 1:14

Yeerich deꞌa ii beeti bushiishoon tunebotalli, ebiyee aaf tuushoona ittoshi shuunetoommi qaatoon dabbiyaahote.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.