1 Pheexiroosi 4:14 - Kafa Linguistics Project

¹⁴ Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

1 Pheexiroosi 4:14 ပူးပေါင်းရင်းမြစ်များ

1 Taateenaꞌo 10:8

Ne asheenaꞌo am shaahe ixechinaꞌone! Bulli aaboon ne aafooch neexeꞌi, ariyoona ceenniti ne yibbaatoon waayeebeeti ne maddechinaꞌo am shaahe ixechinaꞌone!

2 Taateenaꞌo 2:15

Yaarikee waaꞌi, arooch beeti, ikke guuphi keemechinaꞌo ebin beeggiꞌi, “Eliyaasichi ayaano Elisayi toommooch kinditone” iyeete. Biinna daneya waaꞌi baroona bi aafooch showooch guufeheete.

Shoddo 146:5

Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

Shoddo 49:9

Maash hamaanoon bulli yemeenoon beemoyich, amoonolla bi qoccitaa bedaache.

Shoddo 89:51

Doono Yeero, ne etteenaꞌo ne huutteton naaggiyeete; bi hammimmo bulliichaa biin cooneheete.

Isiyaasi 11:2

Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Maatiyoosi 5:11

“Ta naboyich ittoshin boonoshi naageteenoo, boonoshi duꞌiiteenoo, gonde mooyon ittoshi toommooch koottiꞌi boonoshi yibbaateteenoo diireeto ittoshine.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Luqaasi 6:22

Asheenaꞌo Ashi Bushoo naboyich ittoshin shixxiteenoo, boonoshi shiqqiiteenoo, boonoshi naaggiteenoo, ittoshi shigoon tiijjoo ciigeꞌi boonoshi sheeneteenoo, diireeto ittoshine.

Yowannisi 15:21

Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Yowannisi 8:48

Ayihudeenaꞌo wochiꞌi, “Shamaarecho ne tunoon, yinnoo ne toommooch beemon no geto iberoo toone?” iyeete.

Yowannisi 9:28

Boonoshiyoo biin naaggiibee, “Ne bi dabboo neene; tunetaa no Muusichi dabboo noone.

Yowannisi 9:34

Boonoshiyoo wochiꞌi, “Hini axaaxoona qoqqaanneeꞌa shiijjetocho, nooch dojjiya qaawaa beetine?” iyeete. Aroochee Ayihudeenaꞌo kiceebeeti kexoochee biin kichiyeete.

Mishiraachechinaꞌo 13:45

Tunetaa hini kiceeti dofee asheenaꞌon Ayihudeenaꞌo beeggiꞌi oogichii qanaateheete; naageebee, “Phawuloosi gettiti qaaro tato toonoone” iyeete.

Mishiraachechinaꞌo 18:6

Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.

Mishiraachechinaꞌo 28:22

Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

2 Qorontoosi 12:10

Illa giidoon ta danemmo, hakka guutoo ta tunehoobane; ebich Kiristoosicha iyaꞌa ta maraategaata, ta naakkegaata, ta iritee gaata, ta duꞌegaata, ta xuuxegaatoo, oogichii taan emirikkiye.

2 Qorontoosi 4:10

Yesuusichi kashee giidoo wotta no ashittinoochaa bi bekkemmoyich, bulli aaboon Yesuusichoommon qitemmo nooch bi shaahaa gabaabee guuddaa beehone.

2 Qorontoosi 4:16

Ebich taahaachone; maachi no ashittino yicciteenolla, maaci no ashittino qemi qemona andiree beetone.

Galaati 1:24

ta nabonoo Yeerin galleteheete.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 5:11

Haaꞌiyoona manjitinaꞌon diireetinaꞌone ii beeto noone. Iyoobichi haaꞌiyoon waayeto ittoshine; wotta ciiroochaa Doono Yeeri biich tuniiton beeggito ittoshine; Doono Yeeri oogeti deꞌoonaa ariqqechonane.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Pheexiroosi 3:14

Tunebaani cadiqee shuunoon ittoshi shuunetoyich ittoshin xuuxoon boonoshi bekkiigaata, diireeto ittoshine. Asheenaꞌochi miichoon shattaahote; keqqiyaahote.

1 Pheexiroosi 3:16

Tunebaani shiimebee boonoshi yibbaatoon qallayaanoon oogiibee yibbaatebote. Kiristoosina ittoshi daneti gaawe qocoon naageebeeti asheenaꞌo boonoshi oonniibeeti oonoyich boonoshi yeellemmoyich, xalle mullo ittoshich beebe.

1 Pheexiroosi 4:16

Tunebaani kittinnoo bi tunetoyich xuuxo bi toommooch shagigaata, are shigoona bi ceekketoyich Yeerin galleteballi, yeellaye.

2 Pheexiroosi 2:2

Meetinaꞌo yeelliibeeti boonoshi gonde qocoon dabbemminaꞌone; eboshi naboona iberee gommo naakkemmone.