1 Pheexiroosi 3:9 - Kafa Linguistics Project

⁹ Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

1 Pheexiroosi 3:9 ပူးပေါင်းရင်းမြစ်များ

Halloo 42:25

Boonoshi mollexxi mollexxoona maayo ceechaa, boonoshi bulli gijjoo are boonoshi mollexxi mollexxooch wochaa geddeyemmoyich, boonoshi gommoyichoo shoho ichemmoyich, Yooseefi gettiye. Ebiyoo boonoshich geddehe;

Shaahiyoo 17:13

Deꞌee kaalloon gondoon wochiibeeto kexoochee, gonde mooyo bulli aaboon kuxeyaachemmone.

Shaahiyoo 20:22

“Gondee kaalloon wochemmo taane” gettaahine; Doono Yeerin quyebe; bi neen gaachemmone.

Shaahiyoo 28:10

Kaameenaꞌon gonde gommooch yaabiibeeto, bi iijjiti oppooch dihemmone; tunebaani xalleenaꞌo gaawe mooyon woraashemminaꞌone.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Maatiyoosi 5:39

Tunebaani and ta waanee waayebote! Ittoshi toommooch gondoon shuuneebeeto toommooch nichoon kichiyaahote. Tunebaani ne qanne gaakkoon tappemmoyich yoochoon bajjaahine.

Maatiyoosi 5:44

Tunebaani and ta waanee waayebote! Yeeri bi halliti aabeen deꞌeenaꞌonaa gondeenaꞌonoyich kichii beetone; kaameenaꞌonaa xummeenaꞌonoyich tachiꞌi amiyon dichii beetone. Illa shimaayooch beeti ittoshi Nihooyich bushiishoo ittoshi tunemmoyich, ittoshi shixechinaꞌon shunote; ittoshin duꞌii beetinaꞌoyich corootibote.

Maariqoosi 10:17

Yesuusi aroochee tiyiꞌi bi hammii beetaa, ikke uro bi waan woccii waaꞌi bi baatooch goyinneechii, “Deꞌe Dojjechocho, bulli yemeenee kashoon ta danemmoyich amoon hallibote?” iꞌi echehe.

Luqaasi 10:25

Ikke areddoon, Muusichi Sheeree dojjecho Yesuusin muriciiya qaawii kotoochee tiyiꞌi, “Dojjechocho, bulli yemeenee kashoon ta danemmoyich, amoon hallibote?” iꞌi echehe.

Luqaasi 18:18

Ebiyee gubb, Ayihudee ukkireenaꞌo daggoochee ikkoo tiyiꞌi Yesuusin “Deꞌe Dojjechocho, bulli yemeenee kashoon ta danemmoyich amoon hallibote?” iꞌi echehe.

Roomi 12:14

Ittoshin duꞌii beetinaꞌon Yeeri diiremmoyich qollebotalli, uppaahote.

Roomi 12:17

Konichona gondoochi keroon gondoon wochiyaahote; asho bulli aafooch gaaweto tuneti mooyon gabibote.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

Hibireena'o 12:17

Aroyee gubb Esayi bi nihoochi diiroon daneya bi qaawitaanona, bi muccoon ariibeeto ittoshine; amoommon acimoon eeppii bi qolletaanona, ebiyee aaf bi shuuneti mooyon bi tachemmi gommo biich daneyaanoone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Saameeli 26:11

Doono Yeeri huuttito toommooch gonde mooyon tuniyoon Doono Yeeri ta waanee wokkiibe. Ebi bi qoy beeti bi ginoonaa aachi qiicoonon baach ne yeshaa hambone” iye.