1 Pheexiroosi 3:7 - Kafa Linguistics Project

⁷ Keneenaꞌote! Ebiyoommon wotta hakka guuteenaꞌo boonoshi tunoon ariiree, gaawe shalligoona ittoshi mecheenaꞌona tookki beebote. Yeeri aafooch giddeꞌi corootoyich bajjiibeeti amee mooyolla bi beetaachemmoyich, boonoshiyoo wotta ittoshina tookki bulli yemeenee kashee wojjoon Yeer waanee danemminaꞌo boonoshi tunoon gabibee boonoshin oogiibote.

1 Pheexiroosi 3:7 ပူးပေါင်းရင်းမြစ်များ

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Maatiyoosi 18:19

“Wotta ittoshich gettoye: Hini showee toommoochaa ittoshi daggoochee guttoo, amee mooyonona ikke mulloona tuneꞌi boonoshi qollegaata, shimaayooch beeti ta Nihoo boonoshi qolleto bullin boonoshich tuniyemmone.

1 Qorontoosi 7:3

Keno bi mechech bi ashittinoon woonnaaye; mecheyoo ebiyoommon wotta bi kenoyich bi ashittinoon woonnaayuye.

Efesooni 3:6

Ebi gaxxeeti mooyoo mishiraachee qaaroona Aageteenaꞌo Ayihudeenaꞌona tookkiꞌi boonoshi woraashoo, ikke ashittino boonoshi tunoonaa Kiristoos Yesuusina Yeeri gibenikkiti gibenee qaaroon tookkiꞌi boonoshi qoodeyoonane.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Efesooni 5:33

Tunetaa ebi qaaro wotta ittoshichoonane; asho bi ikkikkoona bi mecheen bi qelloommon tuniiree shune; mecheyoo bi kenoon oogiibuye.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Qolaasiyaasi 3:19

Keneenaꞌote, ittoshi mecheenaꞌon shunote; sheeniibeeto tuneyaahote.

1 Tasaloonqi 4:4

Biin ariyaani Aageteenaꞌochoommon cakkii qaatoona tuneyaanoon, ittoshi bulli ittoshi qelli qelloona ittoshi ashittinoon yaafittinoonaa oogiyoona quyee yeshon ittoshi doyooniye;

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

1 Pheexiroosi 3:1

Mecheenaꞌote, ebiyoommon wotta ikkikke ittoshi keneenaꞌo Kiristoosichi wochoon iberiyaaneenaꞌo boonoshi tunegaata, noonoona getona tuneyaanoon, boonoshin oogiibee, gaawe qocoona ittoshi beemon boonoshich bekkiibee, ebi ittoshi gaawe beemi qoco boonoshin Kiristoos waan bi deebemmoyich boonoshich deꞌa getote.