1 Pheexiroosi 3:4 - Kafa Linguistics Project

⁴ Tunebaani Yeeri aafooch bi gatiyoo oogeton aaxxoo tuneti maacaa mashaamiti ashoon tunebote. Gaꞌi deꞌoonaa gaawe shuriyechonon tuneree aalleyaani malletoon qaawibote.

1 Pheexiroosi 3:4 ပူးပေါင်းရင်းမြစ်များ

Shoddo 131:2

Xachi kuxe bushoo bi indee sheenooch cikkii bi tooꞌoommon, tawoo cikkaa tooqqehoye.

Shoddo 147:6

Boonoshi qelloon giishiitinaꞌon Doono Yeeri damba tiijjiye; tunebaani gondeenaꞌon showooch dichiye.

Shoddo 149:4

Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

Shoddo 25:9

Boonoshi qelloon giishii beetinaꞌon kaame gommona yaabiye; boonoshichoo bi gommon dojjiye.

Shoddo 45:13

Taatoochi bushee bi gatoochaa shashetine; bi tahoo aachoona wacwaccitone.

Shoddo 51:6

Ne, iberoon ne shunnaa beetoyich, mullecho tunoon taach dojjibe.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Erimiyaasi 51:59

Sedeqiyaasi taateti awuddinnee natooch, Mahisiyi bushoochi bushoo, Neraayichi bushoo, taatoochi katini naayo Seraayi, Yihudee taatoo Sedeqiyaasina tookkii Baabloonee showooch bi hamiyooba keemechi Erimiyaasi Seriyaahina wochoon daachiihe.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Maatiyoosi 23:26

Hini aaf dooge Farisoocho, shiichiree maacichon mayi xalliibe; maachichoo tookki xallemmone.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Luqaasi 11:40

Hini mullaalleenaꞌote, maachi achoon hallito maacichon wotta hallaache?

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Roomi 1:23

Oogee yiirechi bulli yemeenee Nuggishoyich goyinnemmon qajjiichii, qitemmi asheenaꞌochi, yoobbereenaꞌochi, gijjeenaꞌonaa kubbi cooxinaꞌonochi, yuummereenaꞌochi shahalloon boonoshi kishoona shuuneꞌi eboshich goyinneheete.

Roomi 2:29

Tunebaani ashi beꞌenoyich tuneyaanoon, bi mulloona Ayihudee asho tunetone ibere Ayihudee asho; kooreeti sheeroona tuneyaanoon, Yeerichi Ayaanoona tuneebeeti mullee dokireyoone ibere dokireyoo. Ebiyoommi asho galletoon bi danemmo ashi waanee tuneyaanoon, Yeer waaneeniye.

Roomi 6:6

Axaaxee gommo waan yeepphiibeeti gonde qaatoo ciroona aallemmoyich, Kiristoosi masqalooch bi yooddehooba, wonnee geene no mullo biinna tookkii yooddeꞌi bi qitoon ariibeeto noone; ebi tuneto ebiyee bekk axaaxoyich no hajjeyaachemmoyichiye.

Roomi 7:22

Maaci ta mulloona Yeerichi sheeroona emiraabeeto taane.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 4:16

Ebich taahaachone; maachi no ashittino yicciteenolla, maaci no ashittino qemi qemona andiree beetone.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Efesooni 4:2

Bulli aaboon qellee giishiyoona, shiimecho tunoona, haaꞌiyoona ittoshinaa ittoshina ikkoo baroon shunibee haaꞌiibote.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

1 Tasaloonqi 4:11

diggoona beemon manjiiree ittoshi qaawemmonoyich, bare ashi mooyooch gimoochee ittoshi qelloon ittoshi quyemmonaa shiichaꞌa ittoshich no dojjitoommon ittoshi kishoona ittoshi shuunemmonoyichiye.

2 Tasaloonqi 3:12

Eboshiyoommi asheenaꞌo yiti shuuneree boonoshi hajjee koshon boonoshi maayemmoyich, no Doono Yesuus Kiristoosichi yakkirecho tunaꞌa gettaabeeto noone; manjiiꞌaanoo ciiccaabeeto noone.

2 Ximootiyoosi 2:25

Bi dojjiibeeti mooyon happiya qiiccee beetinaꞌon shiimoona dojjibee ciice. Diqq Yeeri iberoon boonoshi ariyemmoyich, axaaxee gommoocheenoo bi waan boonoshi wottemmoyich bi daaggigaata,

Titoosi 3:2

koninolla oonaaneenaꞌo, hayoochee wokkitinaꞌo, shiimechinaꞌo, asho bulli aafooch boonoshi qelloon giishii beetinaꞌo boonoshi tunemmoyich shalligichibe.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.