1 Pheexiroosi 3:3 - Kafa Linguistics Project

³ Qellee shippeyoonaa aachee gudichoon gedona woyee gatiyoo aaxxoo tuneti qoreddoon tahoona ashi beꞌenoyich tuneebeeti maachi shashoon qaawiyaahote.

1 Pheexiroosi 3:3 ပူးပေါင်းရင်းမြစ်များ

Halloo 24:22

Gaaleenaꞌo aacon uchii michitoyee gubb, uro sheqeelee qachi muddee aachoonaa gutte kishooch bi geddemmi aashire sheqeelee gutte ogooge aachee shagaamoonon bi deebiti qiicee daggoochee kichii biich immiye.

Halloo 24:47

“Aroochee ‘Koni bushee neene?’ iyaa echeho. “Biyoo ‘Nakoorichi bushoo Batuꞌeeli bushee taane; ta nihondeyoo Milikine’ iyane. “Ebich ta, bi muddooch aachoon, bi kishoochoo aachee shagaamoon geddoye.

Halloo 24:53

Aroochee birewoonaa aachoonoochee shuuneeti shasheenaꞌon, tahoonoo kichii Ribiqich immiye; wotta aaxxe gatiyechi qiiceenaꞌon bi manoonaa bi indeenoyich immiye.

2 Taateenaꞌo 9:30

Aroochee Yehi Yezireel hammiye. Elizabeeliyoo ebin waayaꞌa, bi aafooch huutoon huutahan. Bi qelloonoo kaaccaa mashaamiiꞌa, mallee kelloona ciinnaa beehan.

Asteeri 5:1

Keejjinnee qemooba Asteeri taatee kechi tahoon tahaꞌa hammaa, taatoochi qeechi kechi ciinooch beeti, taatee kexooch giyaꞌa neexahan. Taatoo are kechi kellee ciinooch, bi qeenooch koteꞌi beehe.

Shoddo 45:9

Ne taatee kexooch beeti genneenaꞌo daggooch, taateenaꞌochi bushiisheenaꞌo beetinaꞌone; ne woꞌeyoo, Ofiiree aachoona shashaꞌa ne qanne badd neexetine.

Keyo 3:22

Hibiree maachee bi ikkikkoona bi giyee tuneti, biinna tookkaa beeti Gibitsee maachee waanee birewoonaa aachoonoochee shuuneeti shashoon, tahoonoo bi immemmoyich echebuye. Eboshi bullin daamiree ittoshi anaami bushiisheenaꞌonaa maache bushiisheenaꞌonoyich eddii tajjemmo ittoshine. Ebiyoommi gommona Gibitseenaꞌo gaanno ittoshicho tunetaa yeshi kechemmo ittoshine” iye.

Keyo 32:2

Harooniyoo boonoshich, “Ittoshi mecheenaꞌo, anaami bushiisheenaꞌonaa maache bushiisheenaꞌonochi waameexi aachoon kichiree taach deebote” iye.

Keyo 33:4

Asheenaꞌo ebi ayinikkiti mooyon waayeꞌi, ayinii tuummiyeete; aroobiyee tiijjiꞌi koniyoona shashoon gedaanoone.

Keyo 35:22

Boonoshi mullo shunnitinaꞌo bulli, anaaminaꞌoo maacheenaꞌoo tahooch geddeebeeti aachoon, boonoshi waameexi aachoon, boonoshi kisheexi axxaamittoon, boonoshi qetteexi aachoonaa baribare aachoo bullinon deebiyeete. Boonoshi bulliyoo aachoon yaafeeti wojjoo tuniiꞌi Doono Yeerich giddiiheete.

Keyo 38:8

Betsaleeli danee duukkaanee kellooch maddeebeeti genneenaꞌo deebiti, gooshee heeraawoochee machee aaco koteebeeti gafetoonaa bi kotoonon, shuunehe.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Erimiyaasi 4:30

Hini aallooch beddeti Yerusaaleme! Amooniye ne tunaabeeto? Ceelle tahoon ne taho, aachee tahoona ne cocoo, ne aafooch huutoon ne huuto, ne achoonoo ne shiimo duuboone. Ne shunechinaꞌo neen hoxetinaꞌone; ne kashoonoo qaawii beetinaꞌone.

Hiziqeeli 23:40

“Anaaminaꞌo ooge wohi showoochee woyemmoyich, wocheyechinaꞌon daachiiheete; boonoshiyoo waaheete; ebi gutte maneenaꞌo boonoshi achoon macheheete; boono aafoonoo huuteheete; boono shashoonoo geddiyeete.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.