1 Pheexiroosi 3:21 - Kafa Linguistics Project

²¹ Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

1 Pheexiroosi 3:21 ပူးပေါင်းရင်းမြစ်များ

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Maariqoosi 16:16

Mulloon ta toommooch tooꞌiiꞌi aacona afaalleemmo wodemmone; tunebaani tooꞌiyaano toommooch nalleyemmone.

Yowannisi 13:9

Simoon Pheexiroosiyoo “Ta Doonocho, ishigaata, ta kishoonaa ta qelloonon daakkiree mayalli ta baatoo baach machaaye” iye.

Mishiraachechinaꞌo 16:33

Cuyee kechi quyecho bekkech xumoona boonoshin daammiꞌi, boonoshi mayon aacona machiye. Aree hillooch biinnaa bi kechi asheenaꞌo bullina aacona afaalleeheete.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 22:16

Andoo yagaanoon tiyiree bi shigoon ceegiree, aacona afaalleebe; ne axaaxoocheenoo xallebe’ iꞌi taach gettiye” iye.

Mishiraachechinaꞌo 8:36

Tookkii gommo hammiibee aaco beetooch shaggiyeete; uro tiyiꞌi, “Ebiyoche, hiniich aaco beete; aacona ta afaalleyaachemmoyich, taan bajjemmi mooyo amoone?” iꞌi echehe.

Mishiraachechinaꞌo 8:37

[Filipphoosiyoo “Ceeni ne mulloon Yesuusi toommooch ne tooꞌiigaata, neen bajjemmi mooyo aalloone” iye. “Ta, Yesuus Kiristoosi Yeerichi Bushoo bi tunoon iberiihoye” iye.]

Roomi 5:14

Tunetaa Addaamichoommon Yeeri gettiti qaaroon boonoshi shaaddo qajjitaanona, Addaamiichee tiijjiꞌi Muusichi yemeenooch beddaahaa, asho bulli toommooch qitoo taatehe. Addaamiyoo woyemmone iꞌi asheenaꞌo quyeti Kiristoosichi shaahiyoone.

1 Qorontoosi 12:13

Ebiyoo Ayihudoon tunebon, Giriikoonoo tunebon, guunonoo tunebon, doononoo tunebon, ikke ashittinoon tunoyich ikke Yaafe Ayaanoona no afaalleetoyichiye; wotta Yeeri are ikke Yaafe Ayaanoochee no bullich bi uchitoyichiye.

1 Qorontoosi 4:6

Ta maneenaꞌote! “Kooreeti sheeroon shaaddiyaahote” getteeton no waanee ittoshi ariyemmoyich, ittoshicha iyaꞌa taannaa Aphiloosinochi mooyon malletoon tuniiꞌa getteto taane. Ebich ittoshi daggoochee koniyoona ikkoona geecibee baroon hoxaaye.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Galaati 3:27

Kiristoosina tookkii ikkotteꞌi afaalleeti ittoshi bulli Kiristoosin taheto ittoshine.

Efesooni 5:26

Kiristoosi bi kashoon kittinnee guuphoyich beshiiꞌi bi immito, aacona machii, bi gettiti mishiraachee qaaroona xalliiꞌi yaafoyichiye.

Qolaasiyaasi 2:12

Aacona afaalleyoona Kiristoosina tookkii duukkehote; wotta qitoochee biin tiijjiti Yeerichi shuunee toommooch mulloon ittoshi tooꞌitoyich Kiristoosina tookkii kashechon tunehote.

1 Ximootiyoosi 1:5

Ebin neech ta gettaabeeto, “Noonnaa noonna shunebone” getoyichiye. Ebi shuno bi danemmo xalle mulloonaa gaawe gaboona, Kiristoosi toommooch mulloon ibere tooꞌiyoonane.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 11:19

Ebiyoo, Yisaaqi qititaanona, Yeeri biin qitoochee tiijjoon hakkemmo bi tunoon Abrahami iberiitoyichiye; ebina Abrahami Yisaaqin qitoochee tiyitoommi shaahoona danehe.

Hibireena'o 13:18

Nooch corootibote; bulli mooyona gaawe qocoona beemon no qaawaa beetoyich, xalle mullo nooch beemon ariito noone.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

1 Pheexiroosi 3:16

Tunebaani shiimebee boonoshi yibbaatoon qallayaanoon oogiibee yibbaatebote. Kiristoosina ittoshi daneti gaawe qocoon naageebeeti asheenaꞌo boonoshi oonniibeeti oonoyich boonoshi yeellemmoyich, xalle mullo ittoshich beebe.