1 Pheexiroosi 3:20 - Kafa Linguistics Project

²⁰ Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

1 Pheexiroosi 3:20 ပူးပေါင်းရင်းမြစ်များ

Halloo 6:13

Ebich Yeeri Noohich ishichiye: “Ashi yaroo bullin showee toommo bulliichee ciroona aalliyoyich maacceto taane; boonoshi naboona xuꞌo showee toommo bulliich ceennitone. Tawoo ebiyoche, boonoshinaa showee toommooch beeto bullinon aalliyemmo taane.

Halloo 6:3

Arooba Doono Yeeri “Asho qitemmo bi tunetoyich, ta Ayaano ashoona tookki bulli yemeenoon beetaachemmone. Asho ebiyee bekk bi beeyemmo balli hiye natoniye” iye.

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Halloo 6:8

Tunebaani Noohi Doono Yeeri aafooch gidoon danehe.

Halloo 7:13

Ebi arooba Noohinaa bi mecheena boonoshi bushiishoo, Sheemi, Kaaminaa Yafeetina boonoshi mecheenaꞌona tookkii markabooch giyiyeete.

Halloo 8:1

Yeeri Noohin, biinna tookkii markabooch beeti cooxinaꞌon, gijjeenaꞌo bulloshinoo gabiye. Yeeriyoo showooch taheeꞌi beeti aachi toommooch yongoon yongiihe. Aacoo shappii shappii hammiye.

Halloo 8:18

Ebich Noohi bi mecheen, bi bushiishoonaa boonoshi mecheenaꞌonon yechiꞌi, markaboochee kechiye.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Maatiyoosi 7:14

Tunetaa bulli yemeenee kashooch bechiibeeti kello xebboo, gommoo geppoone. Are gommon danee beetinaꞌo giishecheenaꞌone” iye.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

Efesooni 5:26

Kiristoosi bi kashoon kittinnee guuphoyich beshiiꞌi bi immito, aacona machii, bi gettiti mishiraachee qaaroona xalliiꞌi yaafoyichiye.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 1:9

Ittoshi emiriibeeto, Yeeri ittoshin wodii bi beetoyichiye; ebiyoo ittoshi mulloon bi toommooch ittoshi tooꞌitoyichiye.

1 Pheexiroosi 2:25

Ebiyee aaf aalleti bagoochoommon yallyallimiibeeto ittoshine; tunebaani and ittoshi kashee Qiddoonaa Quyechona tuneti Kiristoos waan wotteto ittoshine.

1 Pheexiroosi 3:19

Are beeyechon bi tuneti ayaanoona hammiꞌi, cuyee kexooch cucheꞌi beeti kasheenaꞌoyich Yeerichi qaaroon gettiye.

1 Pheexiroosi 4:19

Ebich Yeerichi daaggoona xuuxoon beeggii beetinaꞌo, deꞌe mooyon tuniibee, gibeneeto tuneti, halliti Yeerichi kishooch boonoshi kashoon quyiibeete.

2 Pheexiroosi 2:5

wonna showee toommooch beeti asheenaꞌoyich ariqqeyaanoon, axaaxechi asheenaꞌo toommooch aalliibeeti aacon kindiiꞌi, cadiqee gommichon boonoshich gettiibeeti Noohin bare shabaatte asheenaꞌona tookkii bi wodiitoyee;

2 Pheexiroosi 3:15

No Doono Yeeri haaꞌii bi beeto ittoshi wodoyich bi tunoon shalligibote. No shunnaabeeti no manoo Phawuloosi Yeeri biich immiti ariyoona ittoshich bi koorito ebiniye.