1 Pheexiroosi 2:9 - Kafa Linguistics Project

⁹ Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Pheexiroosi 2:9 ပူးပေါင်းရင်းမြစ်များ

Shoddo 106:5

Ebiyoo ne kaaccetinaꞌo gaannoon ta beeggemmoyich, ne asheenaꞌona tookki ta emiremmoyich, ne hajjee asheenaꞌona tookki oogoona ta bekkemmoyichiye.

Shoddo 118:27

Doono Yeeri Nuggishoone; bekkoon nooch bekkiitone. Michi kishoon yeshiree deejjee gudee qareechi guudoona baaroon wonnibote.

Shoddo 135:4

Ebiyoo Doono Yeeri Yaaqobin bi qellicho, Israꞌeelinoo bi hajjoo, tuniiꞌi bi kaaccitoyichiye.

Shoddo 22:30

Woyemmi shiijjereenaꞌo biich maddemminaꞌone; boonoshiyee gubbi shiijjeroyichoo Doono Yeerichon gettemminaꞌone.

Shoddo 33:12

Doono Yeeri bi Nuggishoo tuneti aagetoo, bi iristo tuniiꞌi bi kaacciti maccoo, diireetone.

Shoddo 73:15

Ebiyoommi mooyon ta yibbaatemmo gaata, ne asheenaꞌoyich gibeneyaano tunesho taane.

Isiyaasi 26:2

Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 41:8

“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 44:1

Doono Yeeri ishichiye: “Ta guuno Yaaqobo, ta kaacceti Israꞌeelo, eke waayebe.

Isiyaasi 61:6

Ittoshiyoo, Doono Yeerichi qeesheenaꞌonaa no Nuggishoochi maddechinaꞌona getaa ceekkemmo ittoshine; aageteenaꞌo gaannoon maayemmo ittoshine; boonoshi yaaphoona geecemmo ittoshine.

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Isiyaasi 66:21

“Boonoshi daggoochee ikkikkeenaꞌon, qeesheenaꞌonaa Leweenaꞌonon tuniyemmo taane” iye Doono Yeeri.

Isiyaasi 9:2

Manderoona shaꞌeebeeti asho oogeti bekkoon beeggiye; qitee yiirechi showooch kotetinaꞌoyichoo, bekko bekkehe.

Milikiyaasi 3:17

Beshe Mawe Doono Yeeri ishichiye: “Ta shuunemmi aabooba boonoshi ta hajjee asheenaꞌo tunemminaꞌone. Asho biich maddeebeeti bi bushoyich bi ariqqoommon tawoo boonoshich ariqqemmo taane.

Maatiyoosi 4:16

manderooch koteti ittoshi oogeti bekkoon beeggito ittoshine; qitee yiiroo beeti showooch koteti ittoshich bekko bekketone” ii beetone.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Luqaasi 1:79

No waan bi woyemmo, manderoonaa qitee yiiroonooch kotaabeeti nooch bekkiiya, diggee gommoochoo noon yaabiyane” iye.

Yowannisi 17:19

Boonoshiyoo wotta iberittinoona yaafeetinaꞌo boonoshi tunemmoyich ta boonoshicha iyaꞌa ta qelloon neech yaafito taane.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Mishiraachechinaꞌo 26:28

Agripphiyoo Phawuloosin, “Hini qamini saatooch taan kittinnoo tuniiya gabaa beetine?” iye.

Roomi 9:24

Eboshiyoo noone getone; noonoo Ayihudeenaꞌo daggoochee baach tuneyaanoon, Aageteenaꞌo daggoochee wotta ceeggitone.

1 Qorontoosi 3:17

Koniyoona Yeerichi yaafee kexon bi happigaata, Yeeri biin wochiree happemmone; ebiyoo hini Yeerichi yaafee kexo Yeerich bi yaafeetoyichiye; are yaafee kexoo ittoshine.

Efesooni 1:14

Ebi Yaafe Ayaano Yeeri biicho tunetinaꞌo bullin bi biishemmi wottoon bi asheenaꞌoyich imma bi gibenikkiti iristoyich yechiyoone; ebiyoo Yeeri bi oogee yiiroyich bi galleteyemmoyichiye.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Efesooni 3:21

shiijjereenaꞌo bulliich beddaahaa kittinnee guuphonaa Kiristoos Yesuusina waanee bulli yemeenoon oogee yiiroo tunebe. Ameena.

Yibbaatoo 10:15

Tunebaani Doono Yeeri ittoshi qaabbechinaꞌon bi shunniti shunoo manjoo bi tunetoyich, showee toommooch beeti aageteenaꞌo bulli daggoochee, boonoshi shiijjeroo tuneti ittoshin kaacciye. Ebich and beddaahaa ittoshi biinna kaacheti asho ittoshine.

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Yibbaatoo 18:2

Boonoshi maneenaꞌo daggooch iristo boonoshich beetaachemmone. Boonoshich bi gettitoommon, boonoshi iristo Doono Yeerine.

Yibbaatoo 4:20

Tunebaani ittoshi and ebi ittoshich bi tunetoommon bi hajjee ashoon ittoshi tunemmoyich, ittoshi Nuggishoo Doono Yeeri xuuroon wociibeeti qaaqqee sheelloommi Gibitsee ittoshin kichiꞌi deebitone.

Yibbaatoo 7:6

Ebiyoo ittoshi Nuggishoo Doono Yeerich yaafeeti asho ittoshi tunetoyichiye. Biyoo bi hajjee asho ittoshi tunemmoyich, showee toommooch beeti asheenaꞌo bulli daggoochee ittoshin kaacciye.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.

Yaaꞌoo 20:6

Qitoochee shiichiree tiyemminaꞌo diireetinaꞌonaa yaafeenaꞌonane; guttinnee qitoo boonoshi toommooch giidoon daneyaachemmone. Boonoshiyoo Yeerinaa Kiristoosinochi qeesheenaꞌo tunemminaꞌone; Kiristoosina tookkiree hini hume naton taatemminaꞌone.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.