1 Pheexiroosi 2:6 - Kafa Linguistics Project

⁶ “Yeeri ‘Ebiyoche, kexon deggii neechiibeeti, giimbee guummoommon tuniiꞌa ta kaacceti, taach aaxxoo tuneti xaqqoon Tsiyoon kotiyemmo taane; bi toommooch mulloon tooꞌiibeeto yeelleyaachemmone’ itone” getaa Yaafe Macaafooch kooreetone.

1 Pheexiroosi 2:6 ပူးပေါင်းရင်းမြစ်များ

Halloo 49:24

Tunebaani ginoon manje bi kishoona yaaddiyemmone. Yaaqobi goyinneebeeti Giidechi Nuggishoo Yeerichi kishoona, Qiddoo, Israꞌeelichi Xaqqee Inderoo, Yeerina bi mochoo manjiye.

Shoddo 40:14

Ta kasheen aalliiya qaawii beetinaꞌo yeellebeete; ikkittinoona tambibeete. Taach gondoon gabii beetinaꞌo yeelleree gubb wottebeete.

Shoddo 89:19

Gibeneeti ne guunoyich wonna ishichaꞌa yaaꞌoona getteto neene: “Ikke ginee anaamon gaachehoye; asheenaꞌo daggoochee ta kaaccetoyich oogoon immehoye.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 41:11

Ne toommooch tiyimmo bulli yeellemmone; cooneyemmone; neen shixxii beetinaꞌo billiiree aallemminaꞌone.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 50:7

Nuggishoo Doono Yeeri taan gaachee bi beetoyich, cooneyaachemmo taane; ebich, ta aafoon xaqqo kupphoommon kupphiyemmo taane; yeelleyaachemmo ta tunoon ariyaabeeto taane.

Isiyaasi 54:4

“Yeelleyaachemmi neene, shattaahine; cooneyaachimmi neene, keqqiyaahine. Ne bushittinooba ne toommooch shaggiti yeelloon battemmi neene; xuumittinee naagoon ebiyee bekk gabaachemmi neene.

Zakaariyaasi 10:4

Yihudee asheenaꞌo daggoochee kexon tuuggii neechiibeeti giimbee guummo, duukkaanee xogoo, ginee koyee maꞌoonaa taateenaꞌo bullina kechemminaꞌone.

Maatiyoosi 12:18

“ ‘Ebiyoche, taach bi wocheyemmoyich ta kaacceti ta naayo, ta shunnaabeeto, taanoo emirikkito hinine. Ta Ayaanoon bi toommooch kotiyemmo taane; biyoo dayinnetoon Aageteenaꞌoyich gettemmone.

Maariqoosi 12:10

“Illa ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee shemmeyaachote?” iye.

Luqaasi 20:17

Tunebaani Yesuusi boonoshi waan ciinniꞌi, “Ishigaata, Yaafe Macaafooch ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone’ getaa kooreeto ama getone?

Luqaasi 23:35

Aroochaa meeti asheenaꞌo neexeꞌi ciinnii beeheete. Ayihudee nallechinaꞌo wotta “Bareenaꞌon wodiihe; eke Yeeri kacciti Kiristoosi bi gaata, bi qelloon wodiibe” iibee cooqqiriyeete.

Yowannisi 7:38

Bi mulloon ta toommooch tooꞌiibeeto, Yaafe Macaafoochaa bi getteetoommon, ‘Kashee aachi xuupho bi maacoochee xuupphemmone’ ” iye.

Mishiraachechinaꞌo 1:16

“Ta maneenaꞌote! Ebiyee aaf Daawitin Yaafe Ayaano shalligichaa, Yesuusin yechiti asheenaꞌon dabbiiꞌi deebiti Yihudichi mooyon keemmitone. Hini bi keemmiti macaafee qaaro ceenn bedo bi tunetoyich ceennitone.

Roomi 10:11

Yaafe Macaafo “Bi toommooch mulloon tooꞌiimmo koniyoona yeelleyaachemmone” itone.

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

2 Ximootiyoosi 3:16

Yaafe Macaafooch kooreeto bulli Yeerichi kashechone; dojjoyich, ciicoyich, mullee kaachoonaa ashich cadiqee gommi dojjoonoyich gaaccemmone.

1 Pheexiroosi 2:4

Ashi waanaa hoxetaa duppeti, tunetaa Yeer waanaa kaacheti kashechi aaxxe xaqqoommi Yesuus Kiristoos waan giddemmo ittoshine.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.

2 Pheexiroosi 1:20

Bulliyee shiichiree ebin shalligibote: Asheenaꞌo Yaafe Ayaanoona yaabeeꞌi Yeeri boonoshich immiti wochoon gettiyeetalli, keemo ciroona ashi daaggoona waataanoone. Ebich asho koniyoona Yaafe Macaafooch kooreeti keemoon bi hajjee gaboona tachiꞌi biishoon hakkaache.

2 Pheexiroosi 3:16

Bi kooriti wocho bulliich wotta ebi mooyon gettitone; ebi are wocheenaꞌo daggooch shalligoyich iritiibeeti ikkikke mooyo beetone; ariyaaneenaꞌonaa ikke gaboona manjaani asheenaꞌona kooreeti bare Yaafe Macaafeexi qaaroon boonoshi wuuqqoommon, Phawuloosi kooriton wotta wuuqqii beetinaꞌone; eboshiyoo boonoshi toommooch aalloon deebii beetinaꞌone.