1 Pheexiroosi 2:5 - Kafa Linguistics Project

⁵ Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 2:5 ပူးပေါင်းရင်းမြစ်များ

1 Taateenaꞌo 7:11

Ebi xaqqeenaꞌo toommooch qeelleeꞌi, kiikketi, aaxxe gatiyechi, ogooge xaqqeenaꞌonaa yigee shaaqqeenaꞌona beetinaꞌone.

Shoddo 141:2

Ta corooto ne aafoochaa ixaanochoommon shucheto tunebe; kishee ta tiijjoo womikkee deejjochoommon ciichebe.

Shoddo 50:14

Galletee deejjoon Yeerich giddiibe; Beshoo Yeerich ne tiikkeshoon imbe.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Keyo 19:6

Taatoo Yeeri taach maddeebeeti qeesheenaꞌon, yaafeeti aagetoon tunemmo ittoshine’ gete. Israꞌeeleenaꞌoyich ne gettemmi qaaro ebine” iye.

Shaahiyoo 9:1

Shalligee shabaatte giimboon xaraa qanniyaꞌa bi kexon haggahan.

Isiyaasi 61:6

Ittoshiyoo, Doono Yeerichi qeesheenaꞌonaa no Nuggishoochi maddechinaꞌona getaa ceekkemmo ittoshine; aageteenaꞌo gaannoon maayemmo ittoshine; boonoshi yaaphoona geecemmo ittoshine.

Isiyaasi 66:21

“Boonoshi daggoochee ikkikkeenaꞌon, qeesheenaꞌonaa Leweenaꞌonon tuniyemmo taane” iye Doono Yeeri.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

1 Qorontoosi 3:16

Ittoshi Yeerichi yaafee kexo ittoshi tunoonaa Yeerichi Yaafe Ayaano ittoshi mullooch bi beemonon ariyaachote?

1 Qorontoosi 3:9

Ebich Yeerina tookkaa shuunaabeeti bi wochee bushiishoo noone; ittoshiyoo Yeeri gochiibeeti goyee budo ittoshine; ebiyoommon wotta Yeeri haggiibeeti kexo ittoshine.

1 Qorontoosi 6:19

Woyee ittoshi ashittino Yeeri ittoshich bi immiti Yaafe Ayaano beeti yaafee kexo bi tunoon ariyaachote? Yeeri aaxxe gatiyoona ittoshin kemetone; ebich ittoshi ashittino ittoshi hajjoo toonoone. Illa ittoshi ashittinoona Yeerin oogiibote.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Galaati 6:10

Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

Yibbaatoo 18:2

Boonoshi maneenaꞌo daggooch iristo boonoshich beetaachemmone. Boonoshich bi gettitoommon, boonoshi iristo Doono Yeerine.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.

Yaaꞌoo 20:6

Qitoochee shiichiree tiyemminaꞌo diireetinaꞌonaa yaafeenaꞌonane; guttinnee qitoo boonoshi toommooch giidoon daneyaachemmone. Boonoshiyoo Yeerinaa Kiristoosinochi qeesheenaꞌo tunemminaꞌone; Kiristoosina tookkiree hini hume naton taatemminaꞌone.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.