1 Pheexiroosi 2:21 - Kafa Linguistics Project

²¹ Yeeri ittoshin bi ceeggito ebichiye. Wotta Kiristoosi bi qelloona ittoshicha ii xuuxoon beeggiꞌi, bi hilloon dabbibee, bi shuunetoommon ittoshi shuunemmoyich ittoshich bekkiitone.

1 Pheexiroosi 2:21 ပူးပေါင်းရင်းမြစ်များ

Shoddo 85:13

Cadiqittino Doono Yeeriyee aaf shiichemmone; bi baatoyich gommon qanniyemmone.

Maatiyoosi 10:38

Bi masqaloon shaaggiꞌi taan dabbaani asho koniyoona taacho tunoon hakkaache.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Maatiyoosi 16:24

Arooba wotta Yesuusi daakkiꞌi bi dabbeenaꞌoyich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Luqaasi 24:26

Kiristoosich hini xuuxoon beego, oogee yiiree xaaꞌoochoo gimo qaawiyaache?” iye.

Yowannisi 13:15

Ebi ittoshich ta tuniitoommon ebiyoommon wotta ittoshinaa ittoshina ittoshi tuniyemmoyich bekkiito taane.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Mishiraachechinaꞌo 17:3

Macaafooch kooreeton kichii gettiibee, “Kiristoosi xuuxee beegonaa qitoochee timona biich qaawiihe” iibee boonoshich manjiihe. “Ta ittoshich gettaabeeti Yesuusi aroo Kiristoosine” ii beehe.

Mishiraachechinaꞌo 9:16

taachon miixeya ambiche xuuxoon bi beeggemmo gaata ta biich bekkiyemmo taane” iye.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

1 Qorontoosi 11:1

Kiristoosichi qocoon ta dabboommon, ittoshi wotta ta qocoon dabbibote.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Filipphisiyoosi 2:5

Kiristoos Yesuusich beeti gaboommi gaboo ittoshi waan wotta tunebe.

1 Tasaloonqi 4:2

Doono Yesuusina wocheeꞌa, “Ebin tuniibote” iyaꞌa ittoshich no getteti mooyon ariibeeto ittoshine.

2 Ximootiyoosi 3:12

Iberoon Kiristoos Yesuusina tuneꞌi Yeerin oogiibeeti beemon beeya qaawii beetinaꞌo bulli duꞌemminaꞌone.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

1 Pheexiroosi 1:20

Biinoo Yeeri alemo halleyaan beetaa kaaccitone; wotta qitoochee biin tiijjiti, oogee yiiroonoo biich immiti Yeeri toommooch bi naboona ittoshi mulloon tooꞌiibeeti ittoshicha iꞌi hini yemeenee ciiroochaa bekkehe. Ebich ittoshi mullee tooꞌiyoonaa gibenoona Yeeri toommooch tunetone.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

1 Pheexiroosi 4:1

Kiristoosi meenona xuuxoon bi beeggitoyich, ittoshi wotta ebi shaahe gaboon yeshoyich qannibote. Ebiyoo bi meenona xuuxoon beeggiti asho, axaaxoon shuunoon qajjito bi tunetoyichiye.

1 Pheexiroosi 4:13

Tunebaani bi oogee yiiroo gaxxeehooba oogichi ittoshi emiremmoyich, and kiristoosichi xuuxee qoodeyecho ittoshi tunetoyich emiribote.

1 Yowannisi 3:16

Kiristoosi no keroyich bi kashoon beshiiꞌi immitone; ebina ashoon shuno amo gaata beeggeto noone. Ebich, no maneenaꞌochi keroyich no kashoon beshiiꞌi imo nooch qaawiihe.

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.