1 Pheexiroosi 2:2 - Kafa Linguistics Project

² Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.

1 Pheexiroosi 2:2 ပူးပေါင်းရင်းမြစ်များ

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Hosee'i 14:7

Asheenaꞌo wochinnoon boonoshi yiirooch kotemminaꞌone. Boonoshiyoo maayoochoommon waarwaariyemminaꞌone; woyinee qomboochoommon bungemminaꞌone; boonoshi cinno Libanoosee woyinee uyoochoommon aricheto tunemmone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Maatiyoosi 18:3

Boonoshichoo ishichiye: “Iberoon ittoshich gettoye, wotto ittoshi qayigaata, gishiishi bushiishoommonoo tuno ittoshi qayigaata, shimaajji taatittineech cir giyaachemmo ittoshine.

Maatiyoosi 19:14

Tunebaani Yesuusi bi dabbeenaꞌon “Qayote! Shimaajji taatittine tunemmo eboshiyoominaꞌoyichiye; ebich gishiishi bushiisheenaꞌo ta waan wobeete; bajjaahote” iye.

Maariqoosi 10:15

Iberoon ittoshich gettoye: Yeerichi taatittinoon giisheche bushoochoommon deꞌaano arooch cir giyaachemmone” iye.

Luqaasi 18:17

Iberoon ittoshich gettoye: Yeerichi taatittinoon giisheche bushoochoommon deꞌaano arooch cir giyaachemmone” iye.

Roomi 6:4

Illa Nihoo Yeeri bi oogee yiiroona Kiristoosin qitoochee bi tiijjitoommon, ebiyoommon wotta noonoo bi tiijjaa andire kashoona shaꞌebee no beeyemmoyich, Kiristoosi qitoona ikkoo tunaꞌa no afaalleyoona biinna tookkaa duukkehone.

1 Qorontoosi 14:20

Ta maneenaꞌote! Gonde mooyoyich nallefoon tunebotalli, gabee shappoona gaggereyaahote; gaboona dicciti ashoon tunebote.

Efesooni 2:21

Biyoo kexo bullin koceebee Doono Yeerichi yaafee kexo bi tunemmoyich neechii beetone;

Efesooni 4:15

Ebiyeenoo, iberoon shunoona yibbaatebee shimbo tuneti Kiristoosin shaahoyich bulli mooyona diccemmo noone.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.