1 Pheexiroosi 2:12 - Kafa Linguistics Project

¹² Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Pheexiroosi 2:12 ပူးပေါင်းရင်းမြစ်များ

Shoddo 37:14

Gondeenaꞌo, girechonaa amaalli hulloonon wuxoyich, gaawe boochechinaꞌon guuroyich, boonoshi goraadoon kaacciyeete; maꞌoonoo yeepphiyeete.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Isiyaasi 10:3

Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?

Daaneeli 6:4

Ebich ebi iraasheenaꞌo Daaneeli shuuneebeeti taatee kexeexi shuunoochee muricoon daneree biin taggeya qaawiyeete; tunebaani Daaneeli gibeneeto, muricoon woyee shappe mooyon tuniyaani asho bi tunetoyich, biin boonoshi taggemmi mooyon mucceheete.

Maatiyoosi 10:25

Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.

Maatiyoosi 5:11

“Ta naboyich ittoshin boonoshi naageteenoo, boonoshi duꞌiiteenoo, gonde mooyon ittoshi toommooch koottiꞌi boonoshi yibbaateteenoo diireeto ittoshine.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Maatiyoosi 9:8

Dofee asheenaꞌo ebin beeggiꞌi shattiyeete; ebiyoommi doonjittinoon ashich bi immitoyich Yeerin oogiiheete.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

Luqaasi 19:44

Hini katemeexi asho ittoshinoo, ittoshi bushiishoonoo showoo maanjjemminaꞌone; xaqqo xaqqee toommooch keddeeree bi echemmoyich tuniyachemminaꞌone. Ebiyoo, Yeeri ittoshin wodiiya bi waati aaboon shalligoo ittoshi qajjitoyichiye” iye.

Luqaasi 6:22

Asheenaꞌo Ashi Bushoo naboyich ittoshin shixxiteenoo, boonoshi shiqqiiteenoo, boonoshi naaggiteenoo, ittoshi shigoon tiijjoo ciigeꞌi boonoshi sheeneteenoo, diireeto ittoshine.

Yowannisi 13:31

Yihudi kechitoyee gubb Yesuusi ishichiye: “And Ashi Bushoo oogoon danetone; Yeeriyoo biinna oogetone.

Mishiraachechinaꞌo 15:14

Yeeri shiichiꞌi Aageteenaꞌo daggoochee bi hajjoo tunemmi asheenaꞌon bi kichoona boonoshin bi shunon aabichiꞌi bi bekkiito gaata, Simooni and gettitone.

Mishiraachechinaꞌo 24:13

And taan boonoshi taggeebeeti taggoon miixiyoon hakkaacheete.

Mishiraachechinaꞌo 25:7

Phawuloosiyoo ceegaa bi waan giddemmona Yerusaalemee waati Ayihudeenaꞌo biin giichiꞌi neexeheete; miixiyoon boonoshi hakkaani meeti magge taggoon yaaqqiyeete.

Mishiraachechinaꞌo 28:22

Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.

Roomi 12:17

Konichona gondoochi keroon gondoon wochiyaahote; asho bulli aafooch gaaweto tuneti mooyon gabibote.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

Roomi 14:18

Ebiyoommon tuniyoona Kiristoosich hajjeebeeti asho Yeerin emirikkii beetone; ashoonoo naadee beetone.

Roomi 15:9

wotta Aageteenaꞌo Yeerin bi maaroyich boonoshi oogiyemmoyichiye iyo. Ebiyoo, “Ebich Aageteenaꞌochi daggoochaa neen galletemmo taane; ne shigoyichoo shoddemmo taane” getaa bi kooreetoommoniye.

1 Qorontoosi 14:25

Ebina bi mullooch aacheeti mooyo xalla bekkemmone; biyoo “Iberoon Yeeri ittoshi daggooch beetone” getibee yitiree Yeerich goyinnemmone.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

2 Qorontoosi 13:7

Amee gonde mooyonona ittoshi tuniyaachemmoyich Yeer waan corootaabeeto noone; bedditon tuneree no bekkemmoyich toonoone; tunebaani no amoommon bedaano no shaahitaanona, ittoshi gaaweton ittoshi tuniyemmoyichiye.

2 Qorontoosi 8:21

Doono Yeeri aafooch ikkeeto baach tuneyaanoon, ashi aafoochoo wotta gaaweto tuneton tuniyoyich qaawaabeeto noone.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.

1 Tasaloonqi 4:12

Ebin ittoshi tuniigaata, Kiristoosi toommooch mulloon tooꞌiyaani asheenaꞌo aafooch naadeeto tunemmo ittoshine; ittoshichoo qaawiibeeti amee mooyoyichona bare ashoona degeyaachemmo ittoshine.

1 Ximootiyoosi 4:12

Koniyoona ne bushittinoon hoxaaye; ne yibbaatoonaa ne qocoona, ashoon ne shunonaa Kiristoosi toommooch ne mullee tooꞌiyoona, ne xallittinoonoo, boonoshi mulloon Kiristoosi toommooch tooꞌii beetinaꞌoyich gaawe shaahiyoon tunebe.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

Hibireena'o 13:18

Nooch corootibote; bulli mooyona gaawe qocoona beemon no qaawaa beetoyich, xalle mullo nooch beemon ariito noone.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaaqobi 3:13

Ittoshi daggoochee ariyechonaa shalligechona konine? Shalligoonaa shiimoona deꞌe shuunoon shuunebee gaawe bi qocoona ebin bekkiibe.

1 Pheexiroosi 2:15

Ebiyoo deꞌe shuunoon shuunebee, iberoon ariyaani mullaalleenaꞌo ittoshi toommooch boonoshi yibbaatemmi yibbaatoon ittoshi mucciyemmoyich, Yeerichi daaggoo bi tunetoyichiye.

1 Pheexiroosi 3:16

Tunebaani shiimebee boonoshi yibbaatoon qallayaanoon oogiibee yibbaatebote. Kiristoosina ittoshi daneti gaawe qocoon naageebeeti asheenaꞌo boonoshi oonniibeeti oonoyich boonoshi yeellemmoyich, xalle mullo ittoshich beebe.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

2 Pheexiroosi 3:11

Ebi bulli ebiyoommon aallemmo bi tunegaata, Yeerichi aabo shagon quyebee, kaate bi woyemmoyichoo afaafinikkibee, yaafeeti qocoonaa Yeerin oogiibeeti beemonon beemo am shaahoon ittoshich qaawiibeeto tunehe? Arooba shimaayoo miciree aallemmone; shimaayooch beeti mooyinaꞌoo oogeti qaaqqee gaamoona muuyi aallemminaꞌone.

Ruuti 3:14

Ruutiyoo harimmi wottoon, Boꞌaazi baata tokketehan. Boꞌaaziyoo maache ure ebi sheqoo bucheebeeti xaaꞌooch waati bi tunoon asho koniyoona ariyemmoyich qaawaanoone. Ebich Ruuti haree gaargaarooch hamma tiyahan.