1 Pheexiroosi 2:1 - Kafa Linguistics Project

¹ Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

1 Pheexiroosi 2:1 ပူးပေါင်းရင်းမြစ်များ

Iyoobi 36:13

“Boonoshi mulloon Yeer waanee wokkiiti asheenaꞌo, ippoonane boonoshi beeyemmo; boonoshin bi sheeriyoobolla, ‘Noon gaachebe’ iꞌi bi waan cookaacheete.

Shoddo 32:2

Doono Yeeri bi axaaxoon haddaani, bi kashooch dawushoo aalli, asho diireetone.

Shoddo 34:13

Ne heciyoon gondoochee, ne noonoon dawushoochee quyebe.

Shoddo 37:1

Gondeenaꞌochi naboona ippeyaahine; hukkoo shuunee beetinaꞌona qanaateyaahine.

Shoddo 73:3

Ebiyoo gonde asheenaꞌoyich mooyo kaamoon beegona, ebi geecechi asheenaꞌon ta qanaatetoyichiye.

Shaahiyoo 14:30

Mullee diggo ashittinoyich iiwittinoon immiye; tunebaani qanaato shaawushoon maabeeti biiyoommone.

Shaahiyoo 24:1

Gonde asheenaꞌona qanaateyaahine; boonoshina nuuchittinoon qaatiyaahine.

Shaahiyoo 24:19

Gonde asheenaꞌochi naboona ippeyaahine; axaaxechinaꞌonoo qanaateyaahine.

Shaahiyoo 3:31

Xuꞌechi ashoona qanaateyaahine; bi gommo aabinona dabbiyaahine.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Maatiyoosi 15:7

Hini ittoshi maacoon xalloo shaahii beetinaꞌote! Isiyaasi ittoshichon ishichitone: ‘Hini asheenaꞌo boonoshi noonoona taan oogii beetinaꞌone; tunetaa boonoshi mullo ta waanee oogeton wohone; ashi doyoon Yeerichi qaaro tuniiꞌi dojjiibee, duuboon taach goyinneheete’ iꞌi bi keemmito iberooniye” iye.

Maatiyoosi 23:28

Ebiyee ittoshi wotta maaxoochaa ashich cadiqo shaahii bekkehote; tunebaani ittoshi maacooch mulloon xalloo shaahoonaa gondoonon ceechiyote” iye.

Maatiyoosi 24:51

Biin yeshiree gutte beera gaakkemmone; bi ixoonoo kaamoo shaahiibeeti xummeenaꞌochi ixooch haddemmone. Aroochaa eefonaa gashee qaayona tunemmone” iye.

Maatiyoosi 7:5

Hini ne maacoon xalloo shaahiibeeti uroocho, shiichiree ne aafeexi xuggoon kichibe. Ebiyee gubb ne manoo aafeexi guudeen kichoyich manjiiree ciinnemmo neene.

Maariqoosi 12:15

Tunetaa Yesuusi boonoshi noonee noocon ariiꞌi, “Amoyich taan muriciiya qaawii beetote? Eke ikke diinaaroon taach deebi bekkiibote” iye.

Luqaasi 12:1

Arooba meeti hume asheenaꞌo ikkooch kiceeꞌi xuꞌeebee baatoona boonoshinaa boonoshina ariyaanoon neexee beetaa, Yesuusi shiichii bi dabbeenaꞌoyich ishichiꞌi getooch giyiye: “Fariseenaꞌochi bukee shittoochee ittoshi qelloon quyebote. Ebiyoo maacoon xalloo shaahiyoocheeniye.

Luqaasi 6:42

Wotta ne aafooch giyiti xuggoon ciinaanoon, aabichiree ne manoon ‘Ta manoocho, eke ne aafeexi guudeen kichibona’ geton hakkenne? Hini ne maacoon xalloo shaahiibeeti uroocho, shiichiree ne aafeexi xuggoon kichibe. Ebiyee gubb ne manoo aafeexi guudeen kichoyich manjiiree ciinnemmo neene” iye.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

Roomi 1:29

Axaaxoona, xuꞌoona, hiriggoona, gondo bullinoo ceenniyeete; qanaato, ashoon wuxoo, kaaro, dawushoo, baroon gondiyoo boonoshi mullooch ceenniye. Ashi shigoon gondii beetinaꞌo,

1 Qorontoosi 14:20

Ta maneenaꞌote! Gonde mooyoyich nallefoon tunebotalli, gabee shappoona gaggereyaahote; gaboona dicciti ashoon tunebote.

1 Qorontoosi 5:8

Ebich xalle ibere mulloona shittoo giyaani koshonalli, xuꞌoonaa gondoona ceenniti mulloona shittoo giyiti bukoona hini baaroon baaraayone.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Efesooni 4:31

Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

1 Tasaloonqi 2:3

No gettaabeeti wochoon ittoshi waayemmoyich ittoshin no qollaa beegaata, kootoona woyee gonde gaboona woyee dawushoona toonoone.

1 Ximootiyoosi 3:11

Ebiyoommon genneenaꞌo asho bulli oogii beetinaꞌo, oonaaneenaꞌo, dagg tate gaawe shuriyechinaꞌo, mooyo bullina gibeneetinaꞌo tunebeete.

Titoosi 2:3

Ebiyoommon wotta geene genneenaꞌo boonoshi qocoona Yeerich diireetinaꞌo, oonaaneenaꞌo, wodde woyinee uyoon wotaaneenaꞌo, deꞌe mooyon dojjii beetinaꞌo boonoshi tunemmoyich ciice.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

Yaaqobi 3:14

Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

Yaaqobi 4:11

Ta maneenaꞌote! Ittoshinaa ittoshina ooneyaahote; bi manoon oonniibeeto, bi oonniibeeto sheerooniye; bi manoo toommooch nallii beetoo, bi nalliibeeto sheeree toommoochiye. Wotta sheeree toommooch ne nalligaata, nallee gabberooch koteto nealli, sheeroon quyeebeeto toono neene.

Yaaqobi 4:5

Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?

Yaaqobi 5:9

Ta maneenaꞌote! Yeeri ittoshi toommooch bi nallaachemmoyich, ittoshinaa ittoshina guruuxiyaahote. Ebiyoche, nallecho kelletooch katinniꞌi neexetone.

1 Pheexiroosi 2:16

Guuchittinooch hajjeyoochee keyiree Yeerichi guuninaꞌochoommon beebotalli, are guuchittinoochee ittoshi keyon gonde shuunee qeroon tuniyaahote.

1 Pheexiroosi 2:22

Biyoo axaaxoon shuuneyaanoone; kooto bi noonoochee keyaanoone;

1 Pheexiroosi 3:10

Yaafe Macaafooch bi kooreetoommon, “Emiree kashoona beemon shunniibeeto, bi beeti yemeenooch gaawe mooyon beegoyich qaawiibeeti asho, bi heciyoona gondoon, bi noonoonoo dawushee yibbaatoon, yibbaataaye.

1 Pheexiroosi 4:2

Illa ebiyee gubb meenona beemoyich biich echeti yemeenooch bi beeyemmo Yeerichi daaggoyichalli, bi meechi gonde qaatoyich hajjeeree toonoone.

1 Pheexiroosi 4:4

Ebi mooyoyich boonoshina tookkii ikkotteꞌi meechi qaatoo bullin ceechoyich ittoshi woco qajjitoyich worganeebee, ittoshin naagee beetinaꞌone;

Yaaꞌoo 14:5

Kootoon koottii ariyaaneenaꞌone; ikke bachaalleenaꞌone.