1 Pheexiroosi 1:8 - Kafa Linguistics Project

⁸ Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Pheexiroosi 1:8 ပူးပေါင်းရင်းမြစ်များ

Solomooni 1:7

Ta shunnaabeetocho, eke taach gete: Ne bageenaꞌon ne quyaabeeto aabiichiye? Aabee qellayooch ne kashiyaabeeto aabiichiye? Bi aafoon kaappeti ureechoommon, ne nuucheenaꞌochi bagee hillooch ta, yallyallimi beeyemmo amoyichiye?

Solomooni 5:16

Bi yibbaatoo oogeti shaawone; bi hullimallo macecikkitone. Yerusaalemi gidiideenaꞌote, ta shiiqqi, ta shunecho, ebiyoommone.

Solomooni 5:9

Genneenaꞌo daggoochee beshe gaaweene! Ne shiiqqi bareenaꞌoyee bi beshito amoonane? Noon ne aderaa qollaabeeto ne shiiqqi bareenaꞌoyee amoon bi besheenane?

Maatiyoosi 10:37

“Tayee beshiiꞌi bi nihoon woyee bi indeen shunniibeeto taacho tunoon hakkaache; ebiyoommon tayee beshiiꞌi bi bushoon woyee bi busheen shunniibeeto taacho tunoon hakkaache.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Yowannisi 14:24

Taan shunaano ta qaaroon ceechaachemmone. Hini ittoshi waayeebeeti qaaro taan wocheti Nihoo Yeerichoani, taacho toonoone.

Yowannisi 16:22

Illa ittoshi and ayiniibeeto ittoshine; tunebaani wochinnoon ittoshin beeggemmo taane; arooba emiroona wucwuccemmo ittoshine; ittoshi emiroonoo boggemmo aalloone.

Yowannisi 20:29

Yesuusiyoo “Taan ne beeggetoyichiye ne iberiito; beegaanoon iberii beetinaꞌo diireetinaꞌone” iye.

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

Mishiraachechinaꞌo 16:34

Ebiyee gubb, Phawuloosinaa Sillaasinon bi kexooch daammiꞌi, maayoon boonoshich giddiihe. Biinnaa bi kechi asheenaꞌo bullina boonoshi mulloon Yesuusi toommooch boonoshi tooꞌitoyich, emiroona wucwucciyeete.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

2 Qorontoosi 12:4

Yannetooch tiijjaa hammiye; asho koniyoona yibbaatemmoyich daaggeyaani, getteyoo hakkeyaani qaaroon aroochaa waayehe.

2 Qorontoosi 4:18

Ebich bekkeyaanoonalli bekkee beeton ciinaachone; bekkeebeeto andich baachiye; tunebaani bekkeyaano bulli yemeeneechone.

2 Qorontoosi 9:15

Ebine, getaa ashi qaaroona getteyoo hakkeyaani, worganikkiti bi wojjoyich Yeeri galleteebe.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Efesooni 3:19

Wotta ariyoyee beshiti Kiristoosichi shunoon ittoshi ariyemmoyich, ebina Yeerin ciroona shaahoyich ittoshi beddemmoyich corootaabeeto taane.

Efesooni 6:24

shaddeyaani shunoona no Doono Yesuus Kiristoosin shunnii beetinaꞌo bullina tookki Yeerichi wojjoo tunebe.

Filipphisiyoosi 1:25

Ebinoo iberiiꞌa meenona ta beeyemmonaa ittoshi bullina tookki ta yagemmonon ariibeeto taane. Arooba Kiristoosi toommooch mulloon tooꞌiyoona diccemmo ittoshine; emirishoo gettemmo ittoshine.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

Hibireena'o 11:1

Illa Yeeri toommooch mulloon tooꞌiyoo geto no gibenaabeeti mooyon manjiyoo, no beegaani mooyonoo xiishoo getone.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.

1 Pheexiroosi 1:6

And asheenaꞌo baribare gommona ittoshin boonoshi xuuxii beetoyich, giisheche aaboyich baach ayiniibeeto ittoshi tunetaanona, ebich oogeton emiribote.

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

1 Pheexiroosi 5:4

Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.