1 Pheexiroosi 1:7 - Kafa Linguistics Project

⁷ Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.

1 Pheexiroosi 1:7 ပူးပေါင်းရင်းမြစ်များ

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Iyoobi 28:1

“Iberoochaa xure birewoo iiyaa kechiibeeti, aachoo ukkeebeeti xaaꞌoo beetone.

Shoddo 17:3

Ta mulloon beeggehine; xumoon ta waan waahine; taanoo phiree beeggehine; ta waanee gondoon daneyaano neene; ta heciyoo muricaanoone.

Shaahiyoo 16:16

Aachoon danoyee shalligoon dano beshiye; birewoon danoyee goommii deꞌon dano gaawiye.

Shaahiyoo 17:3

Aachoonaa birewoonon qaaqqoo haattiye; Doono Yeeri ashi mulloon haattiye.

Shaahiyoo 8:19

Ittoshich ta immaabeeti mooyo, xalle aachoyee, xure birewoyeenoo beshe aaxxoone.

Dojjecho 5:14

tunebaani ebi gijjoon diqqoona aalliiꞌi boonoshi bushiishoyich boonoshi woraashiyemmon mucceheete.

Isiyaasi 48:10

Birewoon ukkoommon tuneyaanoon, iritee qaaqqoona ittoshin haattito taane; xuuxee sheelloona ittoshin haattito taane.

Erimiyaasi 48:36

“Boonoshi kiciti gaanno bi aalletoyich Moꞌabee asheenaꞌonaa Qiir Hareseti asheenaꞌonoyich shumburoona eeppii beetinaꞌochoommon shooshemmo taane.

Erimiyaasi 9:7

Illa ebich, Beshe Mawe Doono Yeeri ishichiye: “Xuuroo wociyoommon boonoshin wociyemmo taane; boonoshin phiremmo taane; ta asheenaꞌochi xuꞌoyich, ebiyee besh amoon tuniibote?

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Milikiyaasi 3:3

Biyoo birewoon wociiꞌi xalliibeeti ashichoommon kotemmone. Lewichi yareenaꞌon aachoonaa birewoonochoommon wociiree xalliyemmone. Aroochee boonoshiyoo boonoshi giddiiya bede tate deejjoon Doono Yeerich giddiyemminaꞌone.

Haddoo 5:28

Tunebaani ure eeꞌetaani xallee bi tunegaata, ebi mooyo bi toommooch shagaachemmone; bushoonoo shiyemmine.

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Maatiyoosi 25:21

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

Maatiyoosi 25:23

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

Luqaasi 17:30

“Arooba tunetoommon Ashi Bushoo bekkemmi aabooba wotta ebiyoommon tunemmone.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 5:44

Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Mishiraachechinaꞌo 8:20

Arooba Pheexiroosi tiyiꞌi ishichiye: “ ‘Yeerichi wojjoon gijjoona danebona’ iyaꞌa ne gabitoyich ne gijjoo neenna tookkiree aallebe!

Roomi 2:10

Tunebaani gaawe mooyon tunii beetinaꞌo bullich, shiichiree Ayihudeenaꞌoyich, daakkiree Aageteenaꞌoyich, oogee yiiroonaa naadoona, diggoonoo tunemmone.

Roomi 2:29

Tunebaani ashi beꞌenoyich tuneyaanoon, bi mulloona Ayihudee asho tunetone ibere Ayihudee asho; kooreeti sheeroona tuneyaanoon, Yeerichi Ayaanoona tuneebeeti mullee dokireyoone ibere dokireyoo. Ebiyoommi asho galletoon bi danemmo ashi waanee tuneyaanoon, Yeer waaneeniye.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

1 Qorontoosi 3:13

bi qelli qelloona hakketo am shaahoo gaata bekkemmone. Doono Yesuusi nalliya wotteree bi woyemmi aabooba, qaaqqoona miixeyemmone; are aabooba ikkikkoochi hago am shaahoo gaata qaaqqoo haattiree bekkiyemmone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Pheexiroosi 1:5

Ittoshi mulloon Kiristoosi toommooch ittoshi tooꞌii beetoyich, yemeenee ciirooba bekkeya qanniti wodoyich Yeerichi giidoona quyeeꞌi beeto ittoshine.

1 Pheexiroosi 2:4

Ashi waanaa hoxetaa duppeti, tunetaa Yeer waanaa kaacheti kashechi aaxxe xaqqoommi Yesuus Kiristoos waan giddemmo ittoshine.

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

1 Pheexiroosi 4:12

Ta shunechinaꞌote! Kiristoosi toommooch ittoshi mullee tooꞌiyoo iberoo bi tuno xiisheyemmi, qaaqqoommo tuneꞌi ittoshi toommooch shaggiibeeti xuuxoyich “Dallaawe mooyo no toommooch waatone” getiree keqqiyaahote.

1 Pheexiroosi 4:13

Tunebaani bi oogee yiiroo gaxxeehooba oogichi ittoshi emiremmoyich, and kiristoosichi xuuxee qoodeyecho ittoshi tunetoyich emiribote.

1 Pheexiroosi 5:1

Illa boonoshina tookkii geeno, Kiristoosichi xuuxee miixoo, wotta bekkeya ii beeti Kiristoosichi oogee yiiroochee qoodeyecho tuneti ta, ittoshi daggooch beeti geeneenaꞌon ciiccaabeeto taane:

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

2 Pheexiroosi 1:4

Ebina aaxxoonaa oogetona tuneti gibenoon nooch gibenikkiye; ebi gibenoon bi gibenikkito, hini alemeexi asheenaꞌo toommooch beechii, duubiibeeti gonde qaatoochee muriciree Nuggishoochi shuriyoochee qoodeyechon ittoshi tunemmoyichiye.

2 Pheexiroosi 3:14

Ebich ta shunechinaꞌote! Ebi mooyinaꞌon quyebee, Yeeri aafooch kiinaallo, bachaallo, tuneree mullee diggoona beebee ittoshi danemmoyich kupphebote.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.