1 Pheexiroosi 1:3 - Kafa Linguistics Project

³ No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

1 Pheexiroosi 1:3 ပူးပေါင်းရင်းမြစ်များ

1 Taateenaꞌo 8:15

Ishichiinoo iye: “Israꞌeelee Nuggishoo Doono Yeeri galleteebe! Biyoo ‘Ta asheenaꞌo tuneti Israꞌeeleenaꞌon Gibitsee kichaa ta deebeti aaboochee tiijjaꞌa, ta shigo arooch beeyemmi yaafee kexo hakkemmoyich, Israꞌeelee yoodo bulli daggoochee katemoo aabinona kaacaano taane; tunebaani ta asheenaꞌo tuneti Israꞌeeleenaꞌo toommooch ukkiroo bi tunemmoyich, Daawitin kaacceto taane’ iꞌi, ta nihoo Daawitich bi gibenikkiti gibenoon ceechitone.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

2 Kiinoo 31:8

Hiziqiyaasinaa iraasheenaꞌona waa guteeti wojjoon beeggiꞌi, Doono Yeerinaa bi asheenaꞌo tuneti Israꞌeeleenaꞌonon diiriyeete.

Shoddo 41:13

Bulli aaboochee bulli aabooch, Israꞌeelee Nuggishoo Doono Yeeri diireebe! Ameena, ameena.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Isiyaasi 26:19

Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Yoonaasi 4:2

Doono Yeer waan ishichiꞌi corootiye: “Doono Yeero, ta showooch beechaa, ta getteto ebin toone? Kaataꞌa Tarishesh maxxiya ta tiyeto, ebichiye. Ne, ariqqechonaa deꞌe Nuggishoona, kaaroyich nibbecho, wodde shoodechonaa maarechona, naxoon kindiyoochee qajjaa wottaabeetoo ne tunoon ariito taane.

Yowannisi 1:13

Yeerichi bushiishoo boonoshi tuneto, Yeer waanee boonoshi shiijjoonalli, ashi yaroochee woyee ashi qaatoochee woyee anaamochi gaboochee shiijjoona toonoone.

Roomi 12:12

Gibeno ittoshich beetoyich emiribote; iritoon haaꞌiibote; corootoona kupphebote.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 5:10

Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

Roomi 8:24

Gibenoonane no wodito; tunebaani no gibenaabeeti mooyo bekkeebeeto bi tunegaata, ibere gibeno toonoone. Bi beeggiibeeti mooyon gibenemmo konine?

1 Qorontoosi 13:13

Illa iberiyoo, gibenoonaa shunoona hini keeminaꞌo manjiree beeyemminaꞌone. Eboshiyee besho shunoone.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

2 Qorontoosi 1:3

Ariqqechi Nihoo, bulli aaboon goggiibeeti Nuggishoo, no Doono Yesuus Kiristoosichi Nuggishoonaa Nihoona tuneti Yeeri galleteebe.

Galaati 6:16

Ebi ta gettaabeeti doyoommona beetinaꞌo bullich, Yeerichi asheenaꞌo tuneti Israꞌeeleenaꞌoyich, diggoonaa ariqqoona tunebe.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 2:4

Tunebaani Yeerichi ariqqo oogichii bi woddetoyich, noon bi shunniti shunee beshoochee tiyitona

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Tasaloonqi 4:13

Andoo no maneenaꞌote! Gibenaalli bare asheenaꞌochoommon ittoshi ayinaachemmoyich, qititi asheenaꞌochon ittoshi ariyemmoyich shunnoye.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

1 Ximootiyoosi 1:14

No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

1 Pheexiroosi 3:5

Ebiyoommon wotta wonnee yemeenooch Yeerin gibeneꞌi biich diireeti genneenaꞌo boonoshi keneenaꞌoyich deꞌa getona mashaamitinaꞌo tunetinaꞌone.

1 Yowannisi 2:29

Cadiqo bi tunoon ariibeeto ittoshine; ebich cadiqoon shuuneebeeto bulli bi waanee bi shiijjoon ariibote.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.

1 Yowannisi 3:9

Yeer waanee shiijjeto bulli biin Yeerichi bushoo tuniiti yaroo bi waan bi beetoyich, axaaxoon shuuneyaache. Yeer waanee bi shiijjetoyich, axaaxoon shuunoon hakkaache.

1 Yowannisi 4:7

Ta shunechinaꞌote! Shuno Yeer waanee bi tunetoyich, noonnaa noonna shunebone. Ashoon shunniibeeto bulli Yeer waanee shiijjetone; wotta Yeerinoo arii beetone.

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.

1 Yowannisi 5:18

Illa Yeer waanee shiijjeto bulli axaaxoon bi shuunee qayon ariibeeto noone. Yeerichi Bushoo biin bi quyee beetoyich, gondoochi nihoo bi achooch shagaachemmone.