1 Pheexiroosi 1:22 - Kafa Linguistics Project

^22-23 Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 1:22 ပူးပေါင်းရင်းမြစ်များ

Yowannisi 15:17

Illa ittoshinaa ittoshina shunebote. Tuniibote iyaꞌa ittoshich ta gettaabeeto ebine” iye.

Yowannisi 15:3

Ittoshich ta getteti qaaroona and xalleto ittoshine.

Yowannisi 17:17

Ne iberoona boonoshin yaafibe; ne qaaro iberoone.

Yowannisi 17:19

Boonoshiyoo wotta iberittinoona yaafeetinaꞌo boonoshi tunemmoyich ta boonoshicha iyaꞌa ta qelloon neech yaafito taane.

Mishiraachechinaꞌo 15:9

Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 2:8

Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

2 Qorontoosi 6:6

Xallittinoona, ariyoona, haaꞌiyoona, deꞌittinoona, nooch beeti Yaafe Ayaanoona mulloochee tiyiti shunoona,

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Galaati 5:5

No, Yaafe Ayaano immiibeeti giidoona no mulloon Yesuus Kiristoosi toommooch tooꞌiibee Yeeri nooch gibenikkiti cadiqoon quyaabeeto noone.

Galaati 5:7

Gaawe wocon wocciibee echeto ittoshine; ishigaata and, iberoyich deꞌa ittoshi getaachemmoyich ittoshin bajjito konine?

Efesooni 4:3

Ittoshinaa ittoshina diggittinoona yesheree Yeerichi Ayaano immiibeeti ikkittinoon quyoyich kupphebote.

Filipphisiyoosi 1:9

Yeeri oogemmonaa galleteyemmonoyich Yesuus Kiristoos waanee daneebeeti cadiqee aafo ittoshi kashooch ceenee, Kiristoosi woyemmi aaboobich qanniree xalloonaa bachaalloona ittoshi tunemmoyich, beshe gaaweti mooyon ciini beegiree ittoshi ariyemmoyich, ittoshi shuno, ariyoonaa shalligoo bullina aafichoyee beshoon dici bi woddemmoyich, corootaabeeto taane.

1 Tasaloonqi 3:12

No wotta ittoshin no shunoommon, ittoshinaa ittoshina daggooch beeti shunoonaa bare asheenaꞌo bullich ittoshich beeti shunoonon Doono Yesuusi ittoshich daakkibe; woddiishoo gete.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

2 Tasaloonqi 2:13

Tunebaani Doonona shucheti no maneenaꞌote! Bulli aaboon ittoshi naboyich Yeerin galletehone; ebiyoo Yeeri bi Yaafe Ayaanoona ittoshin yaafiꞌi, iberee qaaroon iberiiree ittoshi wodemmoyich shiichiꞌi ittoshin bi kaaccitoyichiye.

1 Ximootiyoosi 1:3

Makidoonee showooch ta hammehooba, neech adera ta itoommon, ikkikke asheenaꞌo koote doyoon boonoshi gamichaachemmoyich ne tuniyemmoyich are Efesoon kotebe.

1 Ximootiyoosi 1:5

Ebin neech ta gettaabeeto, “Noonnaa noonna shunebone” getoyichiye. Ebi shuno bi danemmo xalle mulloonaa gaawe gaboona, Kiristoosi toommooch mulloon ibere tooꞌiyoonane.

1 Ximootiyoosi 4:12

Koniyoona ne bushittinoon hoxaaye; ne yibbaatoonaa ne qocoona, ashoon ne shunonaa Kiristoosi toommooch ne mullee tooꞌiyoona, ne xallittinoonoo, boonoshi mulloon Kiristoosi toommooch tooꞌii beetinaꞌoyich gaawe shaahiyoon tunebe.

1 Ximootiyoosi 5:2

geeneti maacheen ne indeen tuniiree, gurimaashe maacheen ne maneen tuniiree kiinaalli xallittinoona ciice.

2 Ximootiyoosi 1:14

No mullooch beeti Yaafe Ayaanee giidoona neech icheti gaawe aderoon quyebe.

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

Hibireena'o 13:1

Ittoshinaa ittoshina manaamanoochoommon shunoona beebote.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.

1 Pheexiroosi 2:17

Asho bullin oogiibote; kittinnee ittoshi maneenaꞌon shunote; Yeerin shatote; taatoon oogiibote.

1 Pheexiroosi 3:1

Mecheenaꞌote, ebiyoommon wotta ikkikke ittoshi keneenaꞌo Kiristoosichi wochoon iberiyaaneenaꞌo boonoshi tunegaata, noonoona getona tuneyaanoon, boonoshin oogiibee, gaawe qocoona ittoshi beemon boonoshich bekkiibee, ebi ittoshi gaawe beemi qoco boonoshin Kiristoos waan bi deebemmoyich boonoshich deꞌa getote.

1 Pheexiroosi 3:20

Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

1 Pheexiroosi 4:8

Shuno bareenaꞌo shuuneti axaaxoon maariye; ebich bulli mooyoyee shiichiree ittoshinaa ittoshina mulloochee tiijjiree shunebote.

2 Pheexiroosi 1:7

Yeerin oogiibeeti qocoona beemi toommooch manittinee shunoon, manittinee shunee toommooch shoodeyoon daakkibote.

1 Yowannisi 3:11

Shiichoochee tiijjiꞌi ittoshi waayeti wocho “Noonnaa noonna shunebone” ii beetone.

1 Yowannisi 3:23

Tuniibote bi ii beeto ebine: Bi Bushoo Yesuus Kiristoosi toommooch no mulloon no tooꞌiyemmoyich, wotta Kiristoosi nooch gettitoommon noonnaa noonna no shunemmoyichiye.

1 Yowannisi 4:12

Bi aafoona Yeerin beeggito koniyoona aalloone; tunebaani noonnaa noonna no shunegaata, Yeeri noonna tookki beeyemmone; wotta bi shuno noonna ceeno tunemmone.

1 Yowannisi 4:20

Koniyoona “Yeerin shunnaabeeto taane” iibee bi manoon bi shixigaata, koottitone; bi beeggiti bi manoon shunaano, bi beegaani Yeerin shunon aabichiree hakkehe?

1 Yowannisi 4:7

Ta shunechinaꞌote! Shuno Yeer waanee bi tunetoyich, noonnaa noonna shunebone. Ashoon shunniibeeto bulli Yeer waanee shiijjetone; wotta Yeerinoo arii beetone.

Yaaꞌoo 2:4

“Tunebaani neen ta ittibatemmi mooyo beetone: Ebiyee aafi ne shunoon qajjeto neene.