1 Pheexiroosi 1:17 - Kafa Linguistics Project

¹⁷ Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

1 Pheexiroosi 1:17 ပူးပေါင်းရင်းမြစ်များ

Halloo 47:9

Yaaqobiyoo Faroonich wochiꞌi, “Showee toommooch iibbittinoona ta beshiiti nato, balli shaashe natone. Ebiyoo ta qaabbechinaꞌo iibbittinoona beebee echeti yemeenoona tookkii bi tacheegaata, taacho qaminone; wotta iritoo woddeti yemeenoone” iye.

1 Kiinoo 29:15

Nowoo, wonnee no qaabbechinaꞌochoommon ne aafooch shiqqoonaa iibboona noone. No yemeeno showee toommooch gibeneyaani yiirittoommone.

2 Kiinoo 19:7

Andoo Doono Yeerin shatote; no Nuggishoo Doono Yeer waan dayinnetoon dabiyoo, ashi aafoon ciinniꞌi heppoonaa xuccoon mamona aallo bi tunetoyich, bulli mooyon ittoshi qelloon ariyoona tuniibote” iye.

Iyoobi 34:19

Bullin hallito bi, bi tunetoyich, Yeeri iraasheenaꞌo waan gaꞌeyaache; gaannechon girechoyee beshiiꞌi ciinaache.

Shoddo 39:12

“Doono Yeero, ne aafooch iibboo ta tunetoyich, ta qaabbechinaꞌochoommon shiqqoo ta tunetoyich, ta qolloon waayebe; ta cookoon ellebe; ta eefon cikki qajjaahine.

Shoddo 89:26

Biyoo ‘Ne ta Nihoo, ta Nuggishoo neene; taan wodiyechi ta deebe xaqqo neene’ geti ceeggemmone.

Shaahiyoo 14:16

Mullechi asho shattiye; gondoocheenoo wottehe; tunebaani mullaallo amoonolla aaxxiyaani afaafinechone.

Shaahiyoo 28:14

Bulli aaboon Doono Yeerin shattiibeeto diireetone; tunebaani mulli manjoo iritee toommooch dihemmone.

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Sofoniyaasi 3:9

“Aroochee boonoshi bulli ta shigoon ceegiree ta waan boonoshi corootemmonaa ikkotteree taach boonoshi goyinne maddemmonoyich, aagetee asheenaꞌochi heciyoon xalloo tuniyemmo taane.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 22:16

Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Roomi 11:20

Iberoone; Yeeri toommooch mulloon tooꞌiyoon boonoshi qajji naboona xooꞌeheete; newoo ne mulloon Yeeri toommooch ne tooꞌiyee naboona neexehine. Ebich shatalli geeciyaahine.

2 Qorontoosi 1:2

No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

2 Qorontoosi 5:6

Ebich bulli aaboon gibenaꞌa Yeeri toommooch mulloon tooꞌiyoonalli, beꞌona shaꞌetaachone; beeyi kexo tuneti no meenona no beemmi wottoon, no Doono Yesuus Kiristoos waanee wokkaꞌa no beemon ariibeeto noone.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

2 Qorontoosi 7:11

Ebi Yeerichi daaggoommon tuneti ayinoo am shaahe maac kuxo tunoon, xuꞌoochee xalloo ittoshi tunoon bekkiyoyich am shaahe qanaatoon, gonde moochi toommooch am shaahe kaaroon, am shaahe shaton, taach ittoshich beeti am shaahe sharaatoon, mulloochee tiyiti am shaahe qanaatoonaa xuꞌecho toommooch nalloonon ittoshi daggooch tuniite! Ebi mooyoyich bulli gommona xalloo ittoshi tunoon miixiito ittoshine.

Galaati 2:6

Ebi are kittinnee guuphinaꞌon yaabii qeejjii beeton shaahiꞌi bekkee beetinaꞌo, koni boonoshi tunetaanoona aaxxiyaano taane; Yeeri ashoon heppaache; eboshi taach boonoshi giddiiti dallaawe mooyo aalloone.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Efesooni 3:14

Ebichi naboyich shimaayoonaa showoonooch beeti yaroo bullin halliti Nihoo Yeeri aafooch gutenaꞌa corootaabeeto taane.

Efesooni 6:9

Dooninaꞌote, miichoon qayiichi, ittoshi guuninaꞌoyich ebiyoommi mooyon tuniibote. Boonoshinaa ittoshinon hajjiibeeti Doono shimaajj bi beemon, ashoon heppaanoon nalliibeeto bi tunoonoo ariibeeto ittoshine.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

Filipphisiyoosi 2:12

Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

Qolaasiyaasi 3:25

Yeeri ashoon ciinniꞌi heppaache; ebich xuqqiibeeto bullich bi xuꞌee gaacoon qoccemmone.

Hibireena'o 12:28

Ebich shuuraachemmi taatittinoon deqqemmo no tunetoyich, Yeerin galletebone; biin emirikkiibeeti gommona oogii shatibee biich goyinnebone.

Hibireena'o 4:1

Illa Yeeri no kashemmoyich imma bi gabiti xaaꞌooch no giyemmoyich gibeno nooch beetone; diqqich ittoshi daggoochee koniyoona bedaano tuneree bi daneyaachemmoyich shatone.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.