1 Pheexiroosi 1:13 - Kafa Linguistics Project

¹³ Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Pheexiroosi 1:13 ပူးပေါင်းရင်းမြစ်များ

1 Taateenaꞌo 18:46

Doono Yeerichi giidoo Eliyaasi toommooch waahe. Bi tahoon bi shimetooch cuchiichii, Yezireel beddaahaa, Akaabi aafooch shiichii wocciye.

2 Taateenaꞌo 4:29

Elisayiyoo Giyaazich, “Ne shimetoon cuyebe; ta gumboonoo ne kishooch yeshiree hambe; ashoona ne danegaata, diggiyaahine; asho neen diggii gaatoo, biich wochiyaahine; ta gumboonoo bushoo toommooch qeejjibe” iye.

Iyoobi 38:3

Anaamochoommon ne shimetoon cuye neexeree, eke neen ta echetaa wochibe.

Iyoobi 40:7

“Anaamochoommon ne shimetoon cuye neexeree, eke neen ta echetaa wochibe.

Keyo 12:11

Ebi meenon ittoshi maa beegaata, ittoshi shimetoon cuye, ittoshi caammoon gedi, ittoshi gumboon yeshiree, afaafinoona mamote. Ebiyoo Doono Yeeri taach tunemmi, ittoshi baaremmi Beshee Baaroone.

Isiyaasi 11:5

Cadiqittinoon bi shimetooch cuyemmone; gibeneeto tuno bi naabee buroon tunemmone.

Erimiyaasi 1:17

Tunebaani ne, ne shimetoon cuyebe; tiyi hamiree, neech ta getteto bullin boonoshich gete; boonoshin shattaahine; ne shatigaata, beshoon boonoshich ne shattemmoyich tuniyemmo taane.

Maatiyoosi 20:4

Areenaꞌonoo ‘Ittoshi wotta ta woyinee goyo beetooch hamiree shuunebote; ittoshi qoodee shumaayoon ittoshich immemmo taane’ iye.

Luqaasi 12:35

“Illa cuyeree qannibote; ittoshi ceechoonoo ceechibote.

Luqaasi 17:30

“Arooba tunetoommon Ashi Bushoo bekkemmi aabooba wotta ebiyoommon tunemmone.

Luqaasi 17:8

Tunebaani ‘Xumi maayoon taach qanniibe; maa uchaa ta immi wottoon cuyeree ta aafooch wocheebe; madoo wottemmona newoo maa uchemmo neene’ getaachehe?

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

1 Qorontoosi 1:7

Ebich Yeeri no Doono Yesuus Kiristoosichi womon bi bekkiyemmi aaboon ittoshi quyeebeeti daggooch, Yaafe Ayaano immiibeeti wojjoochee ikkolla ittoshich shappito aalloone;

1 Qorontoosi 13:13

Illa iberiyoo, gibenoonaa shunoona hini keeminaꞌo manjiree beeyemminaꞌone. Eboshiyee besho shunoone.

Efesooni 6:14

Illa ittoshi shimetoon iberoona cuyeree, getee ginee tahoochoommon cadiqoon taheree,

Qolaasiyaasi 3:4

Ittoshi kasho tuneti Kiristoosi bekkemmi aabooba, arooba ittoshi wotta biinna tookki oogee yiiroona bekkemmo ittoshine.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Hibireena'o 10:35

Illa oogeti gaacoon ittoshich daniyemmo bi tunetoyich, andoo ittoshi aafee kupphoon qajjaahote.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

Hibireena'o 6:19

Shuuraanoon no beeyemmoyich, ebi no gibenaabeeti gibeno no kashoon quyee beetone; ebi are no gibeno Yesuusine; biyoo shimaajji yaafee kechi maaci Yaafe Xaaꞌooch maccillaatoon beshee giyitone.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

1 Pheexiroosi 1:10

Yeeri ittoshich immemmi wojjeechon keemmiti keemechinaꞌo ebi wodoon kupphiiꞌi maqqii qaawiibee kichii kindiiꞌi gabiyeete.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.