1 Pheexiroosi 1:12 - Kafa Linguistics Project

¹² Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

1 Pheexiroosi 1:12 ပူးပေါင်းရင်းမြစ်များ

Keyo 25:20

Kiruubeenaꞌo boonoshinaa boonoshina ciinee beetinaꞌo tuneechi, boonoshi aafoon axaaxoon maariyee guufo waan tuniibeete; boonoshi qoshoon yaggiree axaaxoon maariyee guufoon yiiribeete.

Shaahiyoo 1:23

Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 53:1

No gettaa beeton koni iberiite? Doono Yeerichi mochoo konich bekkete?

Daaneeli 10:1

Faariisee taatoo Qiroosi taatehoobee keejjinnee natooba, Belxesoori getteeti Daaneelich Yeeri ikke mooyon bekkiihe. Ebi mooyo iberoone; ebiyoo ooge ginee mooyone. Ebi mooyon bi shalligemmoyich yaaꞌoona biishaa getteehe.

Daaneeli 12:13

“Daaneelo, ne, ciirooch beddaahaa diggoona hambe; aroochee kashemmo neene. Yemeenee ciirooba qitii ne duukketoochee keyiree, ne qoodoon danemmo neene” iye.

Daaneeli 12:9

Biyoo “Daaneelo, ebi mooyo ciireexi yemeenooch beddaahaa hichetonaa nashee dooggitonane; ebich ne and diggoona hambe!

Daaneeli 2:19

Aroobee xum ebi aacheeti mooyo yaaꞌoona Daaneelich bekkehe. Biyoo shimaajji Nuggishoon galletehe;

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Daaneeli 8:13

Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maariqoosi 16:15

Daakkiꞌi ishichiye: “Showee toommo bulliich hambote; ta mishiraachoon halleeto bullich getote.

Luqaasi 15:10

Illa ittoshich gettoye: Ebiyoommon axaaxee gommoochee Yeer waan wotteebeeti ikke axaaxechochi naboona Yeerichi maraakeenaꞌo emirii beetinaꞌone” iye.

Luqaasi 2:26

Yaafe Ayaano “Doono Yeerichi Masihin beegaanoon qitaachemmo neene” iꞌi biich gettiye.

Luqaasi 9:6

Ebich tiyii bulli xaaꞌooch Yeerichi mishiraachee qaaroon gettiibee, biiyechinaꞌonoo wodiibee gafoo bulliich guuddii beeheete.

Yowannisi 15:26

“Nihoo Yeer waanee ittoshich ta deejjemmi Kupphiyecho, iberoon bekkiibeeti Ayaano, Nihoo Yeer waanee kechiꞌi bi waahooba, aroo taachon miixemmone.

Mishiraachechinaꞌo 10:44

Pheexiroosi yibbaatee toommooch bi beetaa, bi yibbaatoon elleebeeti asheenaꞌo bulli toommooch Yaafe Ayaano kindiye.

Mishiraachechinaꞌo 16:10

Phawuloosi hini yaaꞌoon bi beeggitoyee gubb, boonoshich mishiraachee qaaroon no gettemmoyich Yeeri nooch bekkiito bi shaahitoyich, bekkech Makidoonee showooch hamma tiyehon.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Mishiraachechinaꞌo 4:8

Arooba Pheexiroosi Yaafe Ayaanoona ceenniꞌi ishichii wochiye: “Hini asheenaꞌochi ukkireenaꞌonaa showee geeneenaꞌonote!

Mishiraachechinaꞌo 8:25

Pheexiroosinaa Yowannisina asheenaꞌoyich manjiiꞌi boonoshi miixetonaa Doonochi qaaroon boonoshi gettitonoyee gubb, Yerusaalem wotteebee Shamaaree showooch beeti meeti katemooch mishiraachee qaaroon gettiyeete.

Roomi 1:15

Ebich Room beeti ittoshich wotta mishiraachee qaaroon getoyich qaataabeeto taane.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Roomi 10:15

Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone” getaa bi kooreetoommoniye.

1 Qorontoosi 2:10

Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

2 Qorontoosi 6:6

Xallittinoona, ariyoona, haaꞌiyoona, deꞌittinoona, nooch beeti Yaafe Ayaanoona mulloochee tiyiti shunoona,

Galaati 1:12

Yesuus Kiristoosi taach bekkiitoani, ashi waanee ta daneto toonoone; asho koniyoona taach dojjaanoone.

Galaati 1:16

Aageteenaꞌo daggooch bi Bushoochi mishiraachee qaaroon ta gettemmoyich, bi Bushoon taanna bekkiiya bi qaawiyooba, arooba asho koninolla boyeyaano taane.

Efesooni 3:10

Bi gabiton and kittinnee guupho waanaa bi shuunetaa, meeti baribare bi shalligoon shimaajji xaaꞌooch beeti iraasheenaꞌonaa ukkireenaꞌona ariyemmoyichiye;

1 Tasaloonqi 2:9

No maneenaꞌote! No aayonaa no yulloona ittoshich batteyaanoone; ikke amee mooyonona ittoshi toommooch shaagoon tuneyaanoon, xumoonaa areddoonon shuunaabee Yeerichi mishiraachee qaaroon ittoshich gettehone.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 11:13

Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.

Hibireena'o 2:4

Yeeriyoo wotta worganikkiti malletoonaa gaakkechi shuunoonon, baribare gaakkechi mooyonoo bi shuunoona, bi qelloona bi daaggitoommon, Yaafe Ayaanee wojjoonoo qoodoona boonoshina tookkii miixetone.

Hibireena'o 4:2

Israꞌeeleenaꞌo barahooch boonoshi beehooba mishiraachee qaaro boonoshich getteetoommon, noochoo getteetone; tunebaani Yeeri toommooch mulloon tooꞌiyaaneenaꞌo boonoshi tunetoyich, boonoshi waayeti qaaro amoonolla boonoshich gaacaanoone.

1 Pheexiroosi 1:25

Tunetaa Doono Yeerichi qaaro bulli yemeenoon beetone.” Ittoshichoo mishiraachee qaaroochaa getteeti wocho ebine.

1 Pheexiroosi 4:6

Asho bullichoommon meenona qitee nalloo boonoshi toommooch bi nalleyemmoyich, tunebaani ayaanoona Yeerichoommon boonoshi beeyemmoyich, mishiraachee qaaro qititinaꞌoyicholla wotta getteetone.

Yaaꞌoo 5:11

Wochinnoon beeggeho; taatee qeechi guudoona beeti kashechi awudde halleenaꞌonaa geeneenaꞌonochi guudoona kiceeti wodde maraakeenaꞌochi qaaroon waayeho; boonoshiyoo haddaa ciyaani humaa xumeenaꞌone;